نومبر 10, 2025
وزیردفاع خواجہ آصف نے اپنی ٹوئٹ میں 27 ویں آئینی ترمیم کی منظوری کے بعد پاکستان تحریک انصاف کی قیادت کو شدید تنقید کا نشانہ بنایا ہے۔
سوشل میڈیا پلیٹ فارم ایکس پر اظہار خیال کرتے ہوئے وزیردفاع خواجہ آصف نے سوال کیا کہ استثنیٰ پر اعتراض ہے؟ ہم تو صرف استثنیٰ دے رہے ہیں، خواجہ آصف نے مزید لکھا کہ آپ نے تو باجوہ کو باپ بنالیا تھا، اس کی بازگشت آج تک سنائی دے رہی ہے۔
27ویں ترمیم کی منظوری کے بعد سینیٹر فیصل واوڈا نے بھی پی ٹی آئی پر تنقید کی اور کہا کہ ترمیم کےلیے پی ٹی آئی نے بھی مدد کی، کسی بھی جماعت نے 243 پر کوئی بات نہیں کی۔
یہ بھی پڑھیں: میں بھی ووٹ دےسکتا تھا مگر نہیں دیا، چیئرمین سینیٹ یوسف رضا گیلانی
سینئر سیاستدان فیصل واوڈا نے کہا کہ پی ٹی آئی نے 27ویں آئینی ترمیم میں مدد کی، پی ٹی آئی مکمل بےنقاب ہوچکی ہے، پی ٹی آئی کے منہ پر طمانچہ ہے انکی اصلیت کھل کرسامنے آئی، پی ٹی آئی باتیں بڑی بڑی کرتی ہے کام کچھ نہیں کرتی۔
فیصل واوڈا نے مزید کہا کہ پی ٹی آئی والوں کی اصلیت عوام کے سامنے کھل کرآگئی، پی ٹی آئی والے لوگوں کو گمراہ کرتے ہیں، اپوزیشن کے کسی رکن نے بھی آئینی ترمیم کی بحث میں حصہ نہیں لیا۔
