Fayaz Ali Butt is at Senate Hall, Parliament House, Islamabad.
Islamabad
·
اسلام آباد:
پاکستان پیپلز پارٹی کے ایم پی اے و ضلعی جنرل سیکریٹری دادو فیاض بٹ، اور ایم پی اے و ضلعی جنرل سیکریٹری ٹنڈو محمد خان خرم کریم سومرو نے اسلام آباد پارلیمنٹ ہاؤس میں سینیٹ کے اہم اجلاس میں شرکت کی۔
اس موقع پر وزیرِاعلیٰ بلوچستان میر سرفراز احمد بگٹی، میئر کراچی مرتضیٰ وہاب سمیت دیگر معزز اراکینِ پارلیمنٹ بھی موجود تھے۔
==========================
پی ٹی آئی سینیٹر سیف اللّٰہ ابڑو اور جے یو آئی کے سینیٹر احمد خان نے 27ویں ترمیم کے حق میں ووٹ دیا
تازہ ترینقومی خبریں10 نومبر ، 2025
مجوزہ 27ویں آئینی ترمیم کے مسودے کی منظوری کے لیے سینیٹ کا اجلاس جاری ہے، پی ٹی آئی سینیٹر سیف اللّٰہ ابڑو اور جمعیت علماء اسلام ف کے سینیٹر احمد خان نے ترمیم کے حق میں ووٹ دیا۔
چیئرمین سینیٹ یوسف رضا گیلانی کی زیر صدارت اجلاس میں وزیر قانون اعظم نذیر تاررڑ نے آئینی ترمیمی بل پیش کرنے کی تحریک پیش کی۔
27ویں آئینی ترمیم پیش کرنے کی تحریک پر ایوان میں ووٹنگ کے دوران 64 ارکان سینیٹ نے 27ویں آئینی ترمیم کی شق 2 کے حق میں ووٹ دیا۔
اپوزیشن ارکان بائیکاٹ کرکے سینیٹ سے واک آؤٹ کرگئے، پی ٹی آئی سینیٹر سیف اللّٰہ ابڑو اور احمد خان نے ترمیم کے حق میں ووٹ دیا۔
پی ٹی آئی ارکان نے چیئرمین سینیٹ کے ڈائس کے سامنے احتجاج کیا، سینیٹر سیف اللّٰہ ابڑو نشست پر بیٹھے رہے، احتجاج میں شریک نہیں ہوئے۔
سینیٹر سیف اللّٰہ ابڑو آئینی ترمیم پیش کرنے کی تحریک کے حق میں کھڑے ہوئے، جے یو آئی کے احمد خان بھی تحریک کے حق میں کھڑے ہو گئے۔
