سیکریٹری انفارمیشن کشمور رضا مراد چاچڑ کی چیف سیکریٹری سندھ آصف حیدر شاہ سے ملاقات۔
چیف سیکریٹری آصف حیدر شاہ کی خدمات انسانیت اور شفاف گورننس کی روشن مثال ہے۔رضامراد
سندھ میں عوامی فلاح و بہبود کے منصوبوں پر رضا مراد چاچڑ اور آصف حیدر شاہ میں اہم گفتگو
سندھ کی ترقی میں آصف حیدر شاہ کا کردار قابلِ ستائش، رضا مراد چاچڑ
کراچی (10 نومبر 2025)
سیکریٹری انفارمیشن کشمور رضا مراد چاچڑ کی چیف سیکریٹری سندھ آصف حیدر شاہ سے ملاقات، عوامی فلاح و بہبود کے منصوبوں پر تبادلہ خیال ،سیکریٹری انفارمیشن ضلع کشمور رضا مراد چاچڑ نے چیف سیکریٹری سندھ آصف حیدر شاہ سے ملاقات کی، جس میں صوبے میں جاری عوامی فلاح و بہبود کے منصوبوں، بہتر گورننس اور ترقیاتی امور پر تفصیلی بات چیت ہوئی۔
ملاقات کے بعد صحافیوں سے بات چیت کرتے ہوئے رضا مراد چاچڑ نے کہا کہ چیف سیکریٹری آصف حیدر شاہ ایک دیانتدار، باصلاحیت اور عوام دوست افسر ہیں، جنہوں نے ہر عہدے پر اپنی بہترین انتظامی صلاحیتوں سے مثال قائم کی ہے۔انہوں نے آصف حیدر شاہ کی انسانیت، خدمتِ عوام کے جذبے اور شفاف طرزِ حکمرانی کو سراہتے ہوئے کہا کہ ان کی قیادت میں صوبہ سندھ میں عوامی مسائل کے حل اور فلاحی اقدامات میں نمایاں بہتری آئی ہے۔
ان کا کہنا تھا کہ آصف حیدر شاہ نے 1993ء میں سول سروس آف پاکستان میں شمولیت اختیار کی تھی اور وہ کمشنر حیدرآباد، کمشنر کراچی، اسپیشل سیکریٹری کیبنٹ ڈویژن، وفاقی سیکریٹری وزارتِ ثقافت اور وفاقی سیکریٹری پاور ڈویژن سمیت اہم عہدوں پر خدمات انجام دے چکے ہیں۔
انہوں نے مزید کہا کہ آصف حیدر شاہ سرکاری و عوامی حلقوں میں انہیں ایک انتظامی وژن رکھنے والے، ایماندار اور عوامی خدمت کے جذبے سے سرشار افسر کے طور پر سراہا جا رہا ہے۔
