محکمہ اطلاعات سندھ کے ڈائریکٹر سوشل میڈیا اخترسرہیو کا تبادلہ کرکے ڈائریکٹر عبدالعزیز ہکڑو کو اضافی چارج دے دیا گیا۔
======================
نئے مالی سال میں سرکاری اشتہارات کی مد میں 4ارب روپے جاری ہوچکے ۔ اگست مہینے میں ایک ارب 18 کروڑ 60 لاکھ 92 ہزار 809روپے ، ستمبر میں 80 کروڑ ،70 لاکھ 76 ہزار 173 روپے اور اکتوبر مہینے میں ایک ارب17 کروڑ 16 لاکھ 74 ہزار 629 روپے خرچ ہو چکے ۔جولائی2025 سے اکتوبر2025 تک ٹوٹل 4ارب میں سے 3 ارب16 کروڑ 48 لاکھ 43 ہزار 611 روپے خرچ کئے جا چکے ہیں۔
===================
وفاقی محتسب نے بیوہ خاتون کو جائیداد کا حق دلوا دیا
وفاقی محتسب برائے انسدادِ ہراسیت (فوسپا) نے بیوہ خاتون کو جائیداد کا حق دلوا دیا۔
فوسپا کی مدد سے خاتون کو ایسی جائیداد واپس ملی جس کے بارے میں وہ لاعلم تھی۔ شوہر کے انتقال کے بعد رشتہ دار نے خاتون کی جائیداد پر قبضہ کر لیا تھا۔ جائیداد کا علم ہونے پر مہوش طاہر نے فوسپا سے رجوع کیا تھا۔
اس حوالے سے ترجمان فوسپا کا کہنا ہے کہ قبضہ کی گئی جائیداد کا کرایہ بھی رشتہ دار وصول کر رہا تھا، مہوش طاہر کے پاس جائیداد سے متعلق کوئی دستاویز یا معلومات نہیں تھیں۔
ترجمان نے کہا کہ خاتون کو معلوم نہیں تھا کہ جائیداد کہاں واقع ہے، فوسپا نے سرکاری اداروں کے تعاون سے جائیداد کی دستاویزات تک خاتون کی رسائی ممکن بنائی، بیوہ خاتون کو اُس کا جائز اور شرعی حق دلوایا گیا۔
انہوں نے کہا کہ کئی خواتین بالخصوص بیوائیں اپنی جائیداد یا وراثت کی مکمل معلومات نہیں رکھتیں، جائیدادوں کا ریکارڈ ڈیجیٹل اور آسان بنایا جائے تاکہ خواتین اپنے حقوق خود حاصل کرسکیں۔
