وفاقی وزیر صحت سید مصطفیٰ کمال کی زیر صدارت وزارتِ قومی صحت میں پاکستان میں اعضاء کی پیوند کاری (ارگن ٹرانسپلانٹ) کے فروغ کے حوالے سے ایک اہم اجلاس منعقد ہوا۔

وفاقی وزیر صحت سید مصطفیٰ کمال کی زیر صدارت وزارتِ قومی صحت میں پاکستان میں اعضاء کی پیوند کاری (ارگن ٹرانسپلانٹ) کے فروغ کے حوالے سے ایک اہم اجلاس منعقد ہوا۔ اجلاس میں ایڈمنسٹریٹر ہوٹا، ایڈیشنل سیکرٹری جوائنٹ سیکرٹری ایڈمن اور وزارتِ صحت کے دیگر اعلیٰ حکام شریک ہوئے۔
وفاقی وزیر صحت نے اس بات پر زور دیا کہ تمام انتظامی اور قانونی پیچیدگیوں کو دور کرکے اعضاء کے عطیات کے رجحانات کو فروغ دیاجائے تاکہ مستحق مریضوں کو بروقت علاج کی سہولت فراہم کی جا سکے۔
وفاقی وزیر صحت نے بون میرو ٹرانسپلانٹ سے متعلق موجودہ قوانین کو آسان اور قابلِ عمل بنانے کی بھی ہدایات دیں تاکہ بون میرو ٹرانسپلانٹ کی منظوری میں درپیش مشکلات کو کم کیا جا سکے۔
وفاقی وزیر صحت سید مصطفیٰ کمال نے اجلاس سے خطاب کرتے ہوئے متعلقہ اداروں کو ہدایت کی کہ وہ اپنی کارکردگی کو مزید بہتر بنائیں اور ارگن ٹرانسپلانٹ کے نظام کو فعال اور شفاف بنانے کے لیے فوری اقدامات اٹھائیں۔ انہوں نے کہا کہ انسانی جانوں کے تحفظ کے لیے اعضاء کے عطیات کو فروغ دینا قومی اور اخلاقی ذمہ داری ہے۔
#MustafaKamal
#HealthMinister
#HealthForAll
#MedicalReform
#SavingLives
#Pakistan
World Health Organization (WHO) UNICEF Gavi, the Vaccine Alliance Gates Foundation