ایکسپو سینٹر کراچی میں PIMEC 2025 کی چار روزہ بین الاقوامی نمائش کا آغاز ہو گیا، جس میں مختلف صنعتی، تجارتی اور ماہی گیری کے شعبوں سے تعلق رکھنے والے ادارے اپنی مصنوعات اور خدمات کے اسٹالز کے ذریعے نمائش کر رہے ہیں۔
فشرمینز کوآپریٹو سوسائٹی کی جانب سے بھی ایک خوبصورت اور معلوماتی اسٹال لگایا گیا، جس نے شرکاء کی خصوصی توجہ حاصل کی۔ اس موقع پر چیئرپرسن فشرمینز کوآپریٹو سوسائٹی فاطمہ مجید، جنرل منیجر ایاز علی سومرو، سیکریٹری بورڈ عمران رضا شیخ اور دیگر افسران موجود تھے۔
فاطمہ مجید نے اسٹال پر آنے والے معزز مہمانوں کو خوش آمدید کہا، جن میں پاکستان پیپلز پارٹی کراچی ڈویژن کی سیکریٹری انفارمیشن شرمیلا فاروقی اور انویسٹمنٹ بورڈ کے سید قاسم نوید قمر شامل تھے۔
اس موقع پر فاطمہ مجید نے فشرمینز کوآپریٹو سوسائٹی کی سرگرمیوں، ماہی گیروں کی فلاح و بہبود کے منصوبوں اور جدید فش ہاربر ڈویلپمنٹ پروگرام کے بارے میں آگاہ کیا۔ انہوں نے گزری کے ماہی گیروں کو درپیش مسائل کے حوالے سے بھی گفتگو کی۔
Load/Hide Comments























