ٹاؤن میونسپل کارپوریشن ناظم آباد کا ماہرالقادری فیملی پارک میں ‘ویمنز ٹیلنٹ ایگزیبیشن 2025 کے ایک شاندار پروگرام کا انعقاد
تقریب میں میں محترمہ ناظمہ کراچی جعویدہ فہیم، محترمہ ناظمہ ضلع نادیہ سیف اور ڈپٹی کمشنر ضلع وسطی طحہ سلیم کی خصوصی شرکت
ناظم آباد ٹاؤن کی یہ کاوش قابلِ ستائش ہے، خواتین کو بااختیار بنانے کے لیے ایسے پروگرامز معاشرتی ترقی میں اہم کردار ادا کرتے ہیں: جعویدہ فہیم
خواتین کے ہنر کو فروغ دینا اور انہیں پلیٹ فارم مہیا کرنا وقت کی اہم ضرورت ہے:نادیہ سیف
ناظم آباد ٹاؤن نے اس پلیٹ فارم کے ذریعے انہیں یہ موقع فراہم کیا ہے کہ وہ اعتماد کے ساتھ اپنی صلاحیتوں کا مظاہرہ کریں:سید محمد مظفر
خواتین کا ٹیلنٹ ہمارے معاشرتی اور اقتصادی نظام کی مضبوطی میں اہم کردار ادا کرسکتا ہے: طحہ سلیم
مورخہ 27 اکتوبر 2025
کراچی ( ) ٹاؤن میونسپل کارپوریشن ناظم آباد کی جانب سے ماہرالقادری فیملی پارک میں ویمنز ٹیلنٹ ایگزیبیشن 2025 کا انعقاد کیا گیا۔جس کا عنوان: ”اسپیشل نیڈز ایڈیٹ رکھاگیا،تقریب میں مختلف شعبہ ہائے زندگی سے تعلق رکھنے والی خواتین نے شرکت کی اور اپنے فن، ہنر اور صلاحیتوں کا مظاہرہ کیا،اس موقع پر محترمہ ناظمہ کراچی جعویدہ فہیم، محترمہ ناظمہ ضلع نادیہ سیف، چیئرمین ناظم آباد ٹاؤن سید محمد مظفر، ڈپٹی کمشنر ضلع وسطی طحہ سلیم، ڈائر یکٹر سینی ٹیشن ظہیر احمدودیگر معزز مہمان گرامی افسران اور خواتین نے بڑی تعداد میں شرکت کی۔ محترمہ ناظمہ کراچی جعویدہ فہیم نے کہا کہ ناظم آباد ٹاؤن کی یہ کاوش قابلِ ستائش ہے، خواتین کو بااختیار بنانے کے لیے ایسے پروگرامز معاشرتی ترقی میں اہم کردار ادا کرتے ہیں۔ محترمہ ناظمہ ضلع نادیہ سیف نے اپنے خیالات کا اظہار کرتے ہوئے کہا کہ خواتین کے ہنر کو فروغ دینا اور انہیں پلیٹ فارم مہیا کرنا وقت کی اہم ضرورت ہے۔ میں امید کرتی ہوں کہ آئندہ بھی ایسے مثبت اقدامات جاری رہیں گے۔چیئرمین ناظم آباد ٹاؤن سید محمد مظفر نے اپنے خطاب میں کہا کہ اس ایکزیبیشن کا مقصد خواتین کے ٹیلنٹ کو اجاگر کرنا ہے۔ ہماری خواتین میں بے پناہ صلاحیتیں موجود ہیں، لیکن اکثر خواتین کو انہیں اپنی قابلیت دنیا کے سامنے لانے کا موقع نہیں ملتا۔ناظم آباد ٹاؤن نے اس پلیٹ فارم کے ذریعے انہیں یہ موقع فراہم کیا ہے کہ وہ اعتماد کے ساتھ اپنی صلاحیتوں کا مظاہرہ کریں۔ڈپٹی کمشنر ضلع وسطی طحہ سلیم نے کہا کہ یہ ایکزیبیشن نہ صرف خواتین کے لیے بلکہ پورے معاشرے کے لیے حوصلہ افزائی کا باعث ہے۔ خواتین کا ٹیلنٹ ہمارے معاشرتی اور اقتصادی نظام کی مضبوطی میں اہم کردار ادا کرسکتا ہے۔ تقریب کے اختتام پر چیئرمین ناظم آباد ٹاؤن سید محمد مظفر اورڈپٹی کمشنر ضلع وسطی طحہ سلیم نے خواتین میں ایوارڈز اور شیلڈز تقسیم کی،خواتین اور اسپیشل بچوں نے اس اعزاز کو اپنی زندگی کا یادگار لمحہ قرار دیا۔ آخر میں تمام مہمانانِ گرامی نے شرکاء کے کام کو سراہا اور اس عزم کا اظہار کیا کہ مستقبل میں بھی خواتین کے لیے ایسے مواقع فراہم کیے جاتے رہیں گے۔ جاری کردہ:۔
فہیم مصطفی
ڈائریکٹر انفارمیشن
ناظم آباد ٹاؤن
