سابق صدر جنرل پرویز مشرف کی صاحبزادی عائلہ رضا انچارج آل پاکستان میوزک کانفرنس کراچی چیپٹر کے قائم کردہ کلاسیکی موسیقی کی ” درسگاہ ” پر انہوں نے موسیقی کے استادوں کو بہترین رہائش گاہ مہیا کی ہوئی ہے ۔اور ہمہ وقت موسیقی کی کلاسز جاری ہیں۔ استاد رضا علی خاں جو استاد بڑے غلام علی خاں کے پوتے اور استاد منور علی خاں کے بیٹے ہیں، استاد اشرف ٹونی ستار نواز جو استاد شریف خاں پونچھ کے بیٹے ہیں ، استاد سبز علی خاں طبلہ نواز اور
عرفان علی خان بشمول عائلہ نے کلاسیکی موسیقی کا فن پیش کیا ۔ کلاسیکی موسیقی کے حوالے سے ایسا کوئی دوسرا ادارہ نہیں ہے جہاں پر باقاعدہ استادوں اور شاگردوں کے لیے اتنا عمدہ انتظام ہو اور ان کا ہر طرح سے خیال رکھا جا تا ہو ۔
