پنجاب کے شہر اوکاڑہ میں پولیس نے گلوکارہ نصیبو لعل کا گانا بلند آواز میں چلانے پر ایک رکشہ ڈرائیور کے خلاف مقدمہ درج کرلیا ہے۔
پولیس کے مطابق ڈرائیور نے ساؤنڈ سسٹمز (ریگولیشن) ایکٹ 2015 کی خلاف ورزی کی، کیونکہ اس نے عوامی مقام پر اپنے رکشے میں اونچی آواز میں گانا چلایا۔ ایف آئی آر میں درج ہے کہ گانے کے بول تھے: “مینوں سوتی نوں جگا کے، تُسی سون لگا ای، کی ظلم کمان لگا ایں۔”
پولیس نے کارروائی کے دوران رکشے میں نصب ساؤنڈ سسٹم کو ثبوت کے طور پر قبضے میں لے لیا ہے۔
واقعے کے بعد سوشل میڈیا پر صارفین کی جانب سے مختلف ردعمل سامنے آئے۔ کچھ لوگوں نے پولیس کے اقدام کو درست قرار دیا، جب کہ کئی صارفین یہ جاننے میں دلچسپی ظاہر کرتے رہے کہ اس جرم کی سزا کیا ہوسکتی ہے۔
