اطہر اقبال کی مقبولِ عام کتاب ” ایک کہاوت ایک کہانی” کی جِلد چَہارم کی اشاعت
——————–
کراچی ( ) معروف مصنف اطہر اقبال کی مقبولِ عام کتاب ” ایک کہاوت ایک کہانی” جسے بالخصوص بچوں کے ادب میں نمایاں مقام اور شہرت حاصل ہوئی اس کتاب کی اب جِلد چَہارم شائع ہونے والی ہے جس میں پہلے تین جِلدوں کی طرح 101 مختلف مشہور کہاوتوں پر مشتمل دل چسپ اور مزے مزے کی کہانیاں تحریر کی گئی ہیں، معروف اشاعتی ادارے ” فرید پبلشرز ” اردو بازار کراچی کے زیرِ اہتمام شائع ہونے والی ” ایک کہاوت ایک کہانی” کی اس سے قبل تین جلدیں شائع ہو کر
بچوں اور بڑوں میں شہرت حاصل کر چکی ہیں، واضح رہے کہ ” ایک کہاوت ایک کہانی” کی پہلی اور دوسری جِلد نیشنل بُک فاؤنڈیشن حکومتِ پاکستان کی جانب سے ایوارڈ یافتہ ہیں، اطہر اقبال کی اب تک دَس کتابیں شائع ہو چکی ہیں –
