دشمن بلوچستان کے طلباء وطالبات کو تعلیم سے دور رکھنا چاہتے ہیں معصوم بچیوں پر حملہ کرکے انہیں شہید کرنا کوئی بہادری نہیں شہید طالبات کا خون رائگاں نہیں جائیگا۔

خبرنا مہ نمبر3973/2025
کوئٹہ 23 مئی2025 .وزیر اعلیٰ بلوچستان میر سرفراز احمد بگٹی نے کہا ہے کہ بلوچستان میں لائیو اسٹاک کے شعبے میں اصلاحات کا عمل تیز کیا جائے گا اور اس شعبے کی بہتری کے لیے ٹھوس اقدامات اٹھائے جائیںگے۔ وزیر اعلیٰ کی زیر صدارت محکمہ امور حیوانات کی مجموعی کارکردگی اور مویشیوں میں لمپی اسکن بیماری سے متعلق منعقدہ اجلاس میں وزیراعلیٰ نے جانوروں میں لمپی اسکن بیماری کی روک تھام کے لیے دوران اجلاس ہی 150 ملین روپے کی سمری پر دستخط کیے تاکہ اس بیماری کے خاتمے کے لیے درکار فنڈز کا فوری طور پر اجراءہو سکے اجلاس کو سیکرٹری لائیو اسٹاک محمد طیب لہڑی نے بریفنگ دیتے ہوئے بتایا کہ جانوروں میں لمپی اسکن کی وجہ مویشیوں کی ایک جگہ سے دوسری جگہ نقل و حرکت ہے اور محکمہ امور حیوانات بلوچستان نے اس حوالے سے صوبے کو دیگر صوبوں سے ملانے والے اضلاع میں حفاظتی کیمپس بھی لگائے ہیں وزیراعلیٰ نے اجلاس سے خطاب کرتے ہوئے ہدایت کی کہ گوشت پروسیسنگ بہتر انداز سے کی جائے تاکہ اسے دیگر ممالک اور خصوصاً مشرق وسطی میں برآمد کیا جا سکے انہوں نے ہدایت کی کہ بیماریوں سے بچنے کے لیے بکرا منڈیوں میں بر وقت اسپرے کیا جائے اجلاس میں صوبائی وزیر امور حیوانات سردار زادہ فیصل خان جمالی، چیف سیکرٹری بلوچستان شکیل قادر خان ،سیکریٹری لائیو اسٹاک محمد طیب لہڑی ، سیکرٹری خزانہ عمران زرکون اور دیگر متعلقہ حکام نے شرکت کی۔
﴾﴿﴾﴿﴾﴿
خبرنا مہ نمبر3974/2025
کوئٹہ 23 مئی 2025: چیف آف آرمی اسٹاف جنرل سید عاصم منیر کو فیلڈ مارشل کا عہدہ پر فائز کیے جانے اور بیٹن آف فیلڈ مارشل ملنے پر صوبائی مشیر برائے کھیل و امورِ نوجوانان مینا مجید بلوچ نے دلی مبارکباد پیش کی ہے۔ اپنے ایک خصوصی بیان میں انہوں نے کہا کہ فیلڈ مارشل جنرل سید عاصم منیر کی عسکری خدمات،حب الوطنی اور قومی سلامتی کے لیے ان کی انتھک کاوشیں قوم کے لیے باعثِ فخر ہیں انکی قائدانہ صلاحیتوں کی بدولت دشمن ملک بھارت کو عظیم شکست کا سامنا کرنا پڑا۔ مینا مجید بلوچ نے کہا کہ یہ اعزاز نہ صرف پاک فوج بلکہ پوری قوم کے لیے ایک تاریخی اور فخر کا لمحہ ہے۔ فیلڈ مارشل سید عاصم منیر کی قیادت، اصول پسندی اور قومی استحکام کے لیے کردار آنے والے وقت میں ایک درخشاں مثال ثابت ہو گا۔ انہوں نے کہا کہ ملک کو درپیش چیلنجز کے مقابلے کے لیے اس طرح کی قیادت ایک مضبوط اور بااعتماد پاکستان کی ضمانت ہے۔ آخر میں انہوں نے فیلڈ مارشل سید عاصم منیر کے لیے نیک تمناو¿ں کا اظہار کرتے ہوئے کہا کہ ان کی قیادت میں ملک مزید ترقی اور امن و استحکام کی جانب بڑھے گا۔
﴾﴿﴾﴿﴾﴿
خبرنا مہ نمبر3975/2025
قلات۔ خضدار میں آرمی پبلک سکول کے بس پر بزدلانہ حملے میں معصوم طلباءو طالبات کی شہادت پر مذمتی ریلی کا انعقاد کیاگیا۔ ریلی میں اسسٹنٹ کمشنر آفتاب احمدلاسی تحصیلدار قلات حاجی عبدالغفار لہڑی سمیت طلباء اساتزہ اور عوام کی بڑی تعداد نے شرکت کی۔ریلی کے شرکاء نے ہاتھوں میں بینر اور پلے کارڈ اٹھائے ہوے تھے جس پر معصوم بچیوں کی شہادت اور دہشتگردانہ حملے کی بھرپور مزمت کی گئی تھی۔ریلی کے شرکاء نے خطاب کرتے ہوے کہا کہ آرمی پبلک سکول بس پر بزدلانہ حملے کی شدید الفاظ میں مزمت کرتے ہیں دشمن بلوچستان کے طلباء وطالبات کو تعلیم سے دور رکھنا چاہتے ہیں معصوم بچیوں پر حملہ کرکے انہیں شہید کرنا کوئی بہادری نہیں شہید طالبات کا خون رائگاں نہیں جائیگا۔
﴾﴿﴾﴿﴾﴿
خبرنا مہ نمبر3976/2025
لورالائی23 مئی 2025۔ گورنمنٹ بوائز ہائی سکول کینٹ میں خضدار آرمی پبلک سکول( APS) کے معصوم طلباءکی بس پر دہشت گردی کا حملہ جس میں بچے شہید اور شدید زخمی ہوگئے تھے سیکرٹری سکول ایجوکیشن بلوچستان اور سربراہ سکول ھذا عبدالرشید جوگیزءکی ہدایت پر اسکول میں آج سکول اسمبلی میں آرمی پبلک سکول خضدار کی معصوم بچوں کے لیے دعا کی گئی۔سکول اسٹاف و طلباء کی ساتھ مشترکہ دعا مولوی عزیز نے کی اور سکول کے اسٹاف ممبر رحمت اللہ نے خضدار APS طلباءپر دہشت گردوں کی طرف سے بس پر حملہ کرنے پر تفصلی بات کی انہوں نے کہاکہ یہ دہشت گرد پاکستان کے دشمن ہے جو معصوم بچوں کی زندگیوں سے کھیلتے ہے ہم سب نے اتحاد و اتفاق کرناہوگا اور ملک دشمن قوتوں تعلیم دشمن کو اس اسسٹیج سے یہ میسج دیتے ہیں کہ یہ بزدل کاروئیوں سے باز آ جائیں اور سکول کی دیگر اسٹاف ممبران اور طلباءنے آرمی پبلک سکول کی شھید و زخمی طلباء کے ساتھ اظہار یکنہتی میں دو منٹ کی خاموشی اختیار کی گئی اور بعد میں اسکول اسٹاف ممبرز طلباءنے اظہار یکجہتیمیں مومبتیاں جلا کر ان سے اظہار کیا۔
﴾﴿﴾﴿﴾﴿
خبرنا مہ نمبر3977/2025
تربت 23 مئی 2025 :چیئرمین میونسپل کارپوریشن تربت بلخ شیر قاضی نے خضدار میں آرمی پبلک اسکول کی بس پر ہونے والے بزدلانہ اور سفاکانہ حملے کی شدید الفاظ میں مذمت کرتے ہوئے اسے ایک ناقابلِ معافی جرم قرار دیا ہے۔ انہوں نے کہا کہ معصوم بچوں کو نشانہ بنانا نہ صرف انسانیت سوز عمل ہے بلکہ یہ حملہ پوری قوم کے ضمیر کو جھنجھوڑنے کے مترادف ہے انہوں نے اس افسوسناک واقعے میں معصوم بچوں کی شہادت اور درجنوں کے زخمی ہونے پر گہرے دکھ اور افسوس کا اظہار کیا۔ انہوں نے کہا تعلیم کی راہ پر گامزن معصوم طلباء پر حملہ ایک انتہائی گھناو¿نی اور مذموم حرکت ہے، جو کسی بھی مہذب معاشرے میں ناقابلِ تصور ہے۔ ایسے واقعات نہ صرف بچوں کے ذہنوں پر منفی اثرات مرتب کرتے ہیں بلکہ معاشرتی امن و استحکام کو بھی خطرے میں ڈال دیتے ہیں ان کا کہنا تھا کہ بچوں کا تحفظ، ان کی تعلیم اور تربیت ہمارے قومی مستقبل کی ضمانت ہے اور ہمیں کسی صورت دہشت گردی جیسے عناصر کے سامنے جھکنے کی اجازت نہیں دی جا سکتی چیئرمین میونسپل کارپوریشن تربت نے متاثرہ خاندانوں سے دلی ہمدردی اور یکجہتی کا اظہار کرتے ہوئے کہا کہ دکھ کی اس گھڑی میں ہم متاثرہ خاندانوں کے ساتھ کھڑے ہیں۔ ہم ان کے غم میں برابر کے شریک ہیں اور دعاگو ہیں کہ اللہ تعالیٰ شہدائ کے درجات بلند فرمائے اور زخمی بچوں کو جلد صحتیابی عطا کرے آمین انہوں نے حکومت اور قانون نافذ کرنے والے اداروں سے مطالبہ کیا کہ اس واقعے میں ملوث عناصر کو فوری گرفتار کر کے قانون کے کٹہرے میں لایا جائے تاکہ مستقبل میں ایسے انسانیت سوز واقعات کی روک تھام ممکن ہو سکے۔
﴾﴿﴾﴿﴾﴿
خبرنا مہ نمبر3978/2025
صحبت پور۔سانحہ خضدار میں اسکول کے بچوں پر ہونے والے دہشت گردی کے واقعات اور شہداء کی مغفرت کے لیے ڈپٹی کمشنر صحبت پور فریدہ ترین کی موجودگی میں دعائیہ تقریب منعقد کی گئی جس میں ضلع بھر کے آفیسران علمائے کرام اور سول سوسائٹی سے تعلق رکھنے والے افراد موجود تھے اس موقع پر علماء کرام نے شہداء کی مغفرت اور ان کے لواحقین کو صبر جمیل عطا فرمانے کے حوالے سے مالک حقیقی سے دعا کی گئی دعائیہ تقریب سے خطاب کرتے ہوئے ڈپٹی کمشنر صحبت پور فریدہ ترین نے کہاکہ خضدار میں اسکول کے معصوم بچوں پر ہونے والے بہیمانہ واقعے کی جتنی مذمت کی جائے کم ہے اپنے ہی بچوں کو موت کے منہ میں دھکیلنے والے ملک و صوبے کے خیر خواہ نہیں ہیں بھارت پاکستان میں جو کھلی دہشت گردی کر کے قتل و غارت کروانا چاہتا ہے وہ اپنے ان ناپاک عزائم میں کبھی بھی کامیاب نہیں ہو سکتا پاکستانی قوم ایک سیسہ پلائی دیوار کی مانند کھڑی ہے اور ہر محاذ پر ڈٹ کر مقابلہ کرنے والی قوم ہے سانحہ خضدار سے ملک بھر میں جو غم و غصہ پایا جا رہا ہے وہ ناقابل بیاں ہے ہمیں اپنے ملک کی تعمیر و ترقی میں مل کر عملی طور پر اقدامات کرنے ہوں گے تاکہ پاکستان کو مزید ترقی اور خوشحالی کی راہ پر گامزن کیا جا سکے اور دشمن کو یہ پیغام دینا چاہتے ہیں کہ وہ کبھی بھی اپنے ناپاک عزائم میں کامیاب نہیں ہو سکے گا علم کی شمع کو جو بجھانے کے لیے وہ حرکتیں کر رہا ہے اسے کچھ حاصل ہونے والا نہیں۔
خبرنا مہ نمبر3979/2025
بارکھان23مئی2025: حکومت بلوچستان کی ہدایت پر سانحہ خضدار کے معصوم شہدا کو خراج تحسین پیش کرنے کیلئے گورنمنٹ بوائزماڈل ہائی سکول بارکھان میں ایک تعزیتی ریفرنس کا انعقاد کیا گیا۔سکول کے بچوں نے شہید طلبہ کی یاد میں شمع روشن کرکے انہیں خراج تحسین پیش کیا۔تعزیتی ریفرنس سے خطاب کرتے ہوے ڈسٹرکٹ ایجوکیشن افیسر نوید لطیف نے کہا سانحہ خضدار ایک بزدلانہ فعل ہے جس کی ہم شدید الفاظ میں مذمت کرتے ہیں۔دہشت گردوں کا کوئی دین ایمان نہیں اور نہ ہی انمیں کو انسانیت ہے۔معصوم طلبہ کی بس کو دہشت گردی کا نشانہ بنایا گیا۔جس میں تین معصوم طلبہ شہید ہوے اور کافی طلبہ شدید زخمی ہیں۔ہم ان شہید طلبہ کے والدین کے غم میں برابر کر شریک ہیں۔انہوں مزید کہا کہ یہ دہشت گردی کا حملہ ہماری بلوچ روایات کے منافی ہے۔ بلوچستان میں اس قسم کی دہشت گردی میں انڈین ایجنسی را ملوث ہے۔جس کے کارندے اس قسم کی گھٹیا دہشت گردی کی کاروائیاں کرتے رہتے ہیں۔انہوں نے مزید کہا کہ ہماری بہادر افواج نے معرکہ حق میں انڈین افواج کا کا ڈٹ کرمقابلہ کیا انکو شکست فاش ہو?ی جس کا دشمن بدلا لینے کیلئے مختلف قسم کے اوچھے ہتھکنڈے استعمال کررہا ہے۔ افواج پاکستان اورعوام کے حوصلے بلند ہیں۔ان دہشت گردوں کا مقابلہ کرتے رہیں گے۔حکومت وقت اور ہمارے ہبادر افواج خضدار سانحہ میں ملوث دہشت گرودوں کو عبرتناک سزا دیں گے۔
﴾﴿﴾﴿﴾﴿
خبرنا مہ نمبر3980/2025
ضلع کچھی۔سانحہ خضدار کے شہداءکو خراجِ تحسین پیش کرنے کے لیے صوبے بھر کی طرح ضلع کچھی میں بھی ایک پ±رسوز تقریب منعقد کی گئی۔ گورنمنٹ گرلز ہائی اسکول ڈھاڈر میں ہونے والی اس تقریب میں ڈپٹی کمشنر کچھی جہانزیب بلوچ نے خصوصی شرکت کی۔تقریب میں سانحہ خضدار میں شہید ہونے والے معصوم بچوں کی یاد میں شمعیں روشن کی گئیں اور ان کے درجات کی بلندی کے لیے دعائیں مانگی گئیں۔ مقررین نے آرمی پبلک اسکول کی بس پر ہونے والے دہشت گرد حملے کی شدید مذمت کرتے ہوئے کہا کہ دہشت گردی کا نشانہ بننے والے ان معصوم بچوں کا کوئی قصور نہ تھا۔ ان کا واحد جرم علم حاصل کرنا تھا۔ڈپٹی کمشنر جہانزیب بلوچ نے اپنے خطاب میں کہا کہ ایسے بزدلانہ حملے قوم کے حوصلے پست نہیں کر سکتے۔ انہوں نے زخمی بچوں کی جلد صحت یابی کے لیے دعا کی اور کہا کہ حکومت اور قوم ان معصوم شہداءکی قربانی کو کبھی فراموش نہیں کرے گی۔تقریب کے اختتام پر ایک منٹ کی خاموشی اختیار کی گئی اور طالبات نے ملی نغمے پیش کر کے شہداءکو خراجِ عقیدت پیش کیا۔
﴾﴿﴾﴿﴾﴿
خبرنا مہ نمبر3981/2025
گوادر: حکومتِ بلوچستان کی ہدایت پر سانحہ خضدار کے معصوم شہداء کو خراجِ عقیدت پیش کرنے کے لیے گورنمنٹ گرلز ڈگری کالج گوادر میں ایک پ±راثر تعزیتی ریفرنس منعقد کیا گیا۔ اس موقع پر کالج کی پرنسپل، اساتذہ اور طالبات نے شہید طلبہ کی یاد میں شمعیں روشن کیں اور ان کے لیے دعائے مغفرت کی گئی۔ریفرنس سے خطاب کرتے ہوئے پرنسپل گرلز کالج نے سانحہ خضدار کو ایک بزدلانہ اور انسانیت سوز کارروائی قرار دیتے ہوئے اس کی شدید الفاظ میں مذمت کی۔ انہوں نے کہا کہ دہشت گردوں کا نہ کوئی مذہب ہوتا ہے اور نہ ہی انسانیت سے ان کا کوئی تعلق۔ معصوم طلبہ کو نشانہ بنانا سفاکیت کی بدترین مثال ہے۔انہوں نے کہا کہ اس المناک واقعے میں تین نہایت ہونہار طلبہ شہید جبکہ متعدد شدید زخمی ہوئے، جن کا درد ہر ذی شعور دل محسوس کر رہا ہے۔ کالج کی جانب سے شہداء کے لواحقین سے بھرپور یکجہتی کا اظہار کیا گیا اور ان کے غم میں برابر کا شریک ہونے کا عزم دہرایا گیا۔پرنسپل نے مزید کہا کہ ایسی بزدلانہ کارروائیاں نہ صرف بلوچستان بلکہ پوری قوم کی امن پسند روایات کے منافی ہیں۔ انہوں نے الزام عائد کیا کہ اس قسم کی دہشت گردی کے پیچھے بھارت کی خفیہ ایجنسی “را” ملوث ہے، جو بلوچستان میں بدامنی پھیلانے کے مذموم عزائم رکھتی ہے۔انہوں نے اس عزم کا اظہار کیا کہ پاکستان کی بہادر افواج نے ماضی میں دشمن کو ہر محاذ پر شکست دی ہے اور آئندہ بھی ایسے ناپاک عزائم کو ناکام بناتی رہیں گی۔ انہوں نے واضح کیا کہ خضدار جیسے واقعات قوم کے حوصلے پست نہیں کر سکتے، بلکہ ہمیں مزید متحد اور پرعزم بناتے ہیں۔آخر میں پرنسپل نے حکومتِ وقت اور قانون نافذ کرنے والے اداروں سے مطالبہ کیا کہ سانحہ خضدار میں ملوث عناصر کو جلد از جلد گرفتار کر کے انہیں عبرتناک سزا دی جائے تاکہ آئندہ کوئی ایسی مذموم حرکت کرنے کی جرا?ت نہ کر سکے۔
﴾﴿﴾﴿﴾﴿
خبرنا مہ نمبر3982/2025
خبرنامہ 23 مئی خضدار کی ضلعی انتظامیہ نے آرمی پبلک اسکول کے بس پر حملے میں شہید ہونے والے معصوم بچوں کے ساتھ اظہارِ ہمدردی کی خاطر ایک ریلی کا اہتمام کیا گیا۔ ریلی میں سیاسی و سماجی شخصیات، اسکول کے بچے اور ٹیچرز و عام شہری شریک تھے۔ جو ہاتھوں میں بینرز اور پلے کارڈز اٹھارکھے تھے اور نعرہ بازی کررہے تھے ریلی کے شرکاء نے ضلعی سیکٹریٹ سے خضدار پریس کلب تک مارچ کیا۔ریلی کے شرکا کا کہنا تھا کہ خضدار میں اسکول کے بچوں پر بم کا المناک دھماکہ دہشت گردی اور سفاکیت ہے جس کی جتنی بھی مذمت کی جائے کم ہے۔ انہوں نے کہاکہ دنیاءکا کوئی بھی مہذب معاشرہ اس کی اجازت نہیں دیتا ہے کہ وہ معصوم کلیوں پر بم کا دھماکہ کرے۔ اس واقعہ میں پڑوسی ملک براہ راست ملوث ہے جو پاکستان سے میدان جنگ میں شکست کھانے کے بعد اب اس طرح سافٹ ٹارگٹ پر اتر آیا ہےاسکول کے بچوں نے اپنے تاثرات بیان کرتے ہوئے کہاکہ یہ حملہ دہشت گردی ہے ہمارے ہم عمر بچوں پر قاتلانہ حملہ کرکے انہیں شہید کردیا گیا کل کو یہ حملہ ہم پر بھی ہوسکتا ہے لہذا اس دہشت گرانہ عمل کی روک تھام کی جائے اور واقعہ میں ملوث دہشت گردوں کو گرفتار کیا جائے۔ریلی میں میں ڈپٹی کمشنر خضدار یاسر اقبال دشتی ایس ایس پی خضدار جاوید زہری اسسٹنٹ کمشنر خضدار عبدالحفیظ کاکڑ اے ڈی سی جی علم دین آل پارٹیز شہری ایکشن کمیٹی کے چیئرمین بشیر احمد جتک انجمن تاجران خضدار کے صدر حافظ حمیداللہ مینگل بی این پی کے رہنماء سفر خان مینگل سمیت سیاسی و سماجی رہنماء اسکول کے بچے ٹیچرز و سول سوسائٹی اور اقلیتی برادری اور سرکاری ملازمین شامل تھے۔
﴾﴿﴾﴿﴾﴿
پریس ریلیز
گوادر: صدر پرائیویٹ اسکولز ایسوسی ایشن گوادر نے خضدار میں آرمی پبلک اسکول کی بس پر ہونے والے خودکش حملے کی شدید ترین الفاظ میں مذمت کرتے ہوئے اسے انسانیت کے خلاف بدترین جرم قرار دیا ہے۔ اس بزدلانہ حملے میں معصوم طلبہ شہید اور متعدد زخمی ہوئے، جو کہ ہر درد مند دل کے لیے باعثِ صدمہ ہے۔انہوں نے کہا کہ یہ افسوسناک واقعہ ایک بار پھر ہمیں سانحہ اے پی ایس پشاور کی ہولناکی یاد دلاتا ہے، جب تعلیم دشمن عناصر نے معصوم بچوں کو نشانہ بنایا تھا۔ بچوں کو دہشت گردی کا نشانہ بنانا نہ صرف سفاکی کی انتہا ہے بلکہ یہ انسانیت، تعلیم اور امن کے خلاف ایک کھلا اعلانِ جنگ ہے۔
صدر پرائیویٹ اسکولز ایسوسی ایشن نے مزید کہا کہ خضدار کا یہ دل دہلا دینے والا واقعہ ہمیں غزہ میں جاری اسرائیلی مظالم کی یاد دلاتا ہے، جہاں بے گناہ بچوں پر ظلم کے پہاڑ توڑے جا رہے ہیں۔ مقام، زبان اور نسل مختلف ہو سکتی ہے، مگر دکھ، اذیت اور غم کی شدت ایک جیسی ہے چاہے وہ پشاور، خضدار ہو یا غزہ۔
انہوں نے شہداء کے لیے دعائے مغفرت کرتے ہوئے کہا کہ اللّٰہ تعالیٰ ان کے درجات بلند فرمائے، زخمیوں کو جلد از جلد صحتِ کاملہ عطا کرے، اور لواحقین کو صبرِ جمیل سے نوازے۔آخر میں انہوں نے حکومتِ بلوچستان، قانون نافذ کرنے والے اداروں اور دیگر متعلقہ حکام سے مطالبہ کیا کہ اس المناک واقعے کی شفاف، غیرجانبدار اور فوری تحقیقات کی جائیں، اور اس میں ملوث عناصر کو کیفرِ کردار تک پہنچا کر ایک مثال قائم کی جائے تاکہ آئندہ کسی کو معصوم جانوں سے کھیلنے کی جرات نہ ہو۔
﴾﴿﴾﴿﴾﴿

پریس ریلیز
کوئٹہ 23مئی۔بولان یونیورسٹی آف میڈیکل آینڈ ہیلتھ سائنسز کوئٹہ کے ایک اعلامیہ کے مطابق 2024 سیشن کے لیے داخلہ انٹرویوز کے شیڈول کا اعلان کردیا گیا ہے،کالج آف فزیکل تھراپی، ایلائیڈ ہیلتھ سائنسز اینڈ ایسی ایٹ ڈگری پروگرامز کے لیے بولان یونیورسٹی آف میڈیکل اینڈ ہیلتھ سائنسز (BUMHS)، کوئٹہ،سال 2024 کے داخلہ ٹیسٹ میں شریک ہونے والے تمام امیدواروں کو مطلع کرتی ہے کہ فزیکل تھراپی، ایلائیڈ ہیلتھ سائنسز، اور ایسی ایٹ ڈگری پروگرامز کے داخلے کے لیے انٹرویوز بولان یونیورسٹی آف میڈیکل آینڈ ہیلتھ سائنسز کوئٹہ سٹی کیمپس بروری روڈ نزد لائیو سٹاک ڈیری فارم، کوئٹہ میں درج ذیل شیڈول کے مطابق منعقد ہوں گے، کوئٹہ ڈویژن ،سبی ڈویڑن،ڑوب ڈویژن ،لورالائی ڈویژن بروزِ پیر، 26 مئی 2025، صبح 10:00 بجے، مکران ڈویژن ، نصیر آباد ڈویژن،رخشان ڈویژن، قلات ڈویژن بروزِ منگل، 27 مئی 2025، صبح 10:00 بجے ہونگے۔اس سلسلے میں امیدواروں کو اصل دستاویزات تصدیق کے لیے لانا ضروری ہیں۔ انٹرویوز جنرل سیٹس،اقلیتی کوٹہ، حافظ قرآن ،معذور کوٹہ اور (سیلف فنانس)کیٹیگریز کے امیدواروں کے لیے ہیں۔ مزید معلومات کے لیے براہ کرم بولان یونیورسٹی آف میڈیکل آینڈ ہیلتھ سائنسز کوئٹہ ایڈمیشن آفس سے دفتری اوقات میں رابطہ کریں۔
﴾﴿﴾﴿﴾﴿
خبرنا مہ نمبر3983/2025
کوئٹہ 23مئی۔عوام کی سہولت، محفوظ پیدل آمد و رفت اور بڑھتی ہوئی ٹریفک کے مسائل پر قابو پانے کے لیے میٹروپولیٹن کارپوریشن کوئٹہ نے ٹریفک ریگولیشنز نافذ کرنے کا فیصلہ کیا ہے۔جس کے مطابق جناح روڈ (منان چوک سے ریگل چوک تک) ہر قسم کی گاڑیوں کے داخلے کے لیے روزانہ شام 6 بجے سے رات 10 بجے تک بند رہے گا۔شارعِ اقبال، پرنس روڈ اور لیاقت بازار کو “نو پارکنگ زون / نو کارٹ زون” قرار دیا گیا ہے۔عالمو چوک (پاکستان ہوٹل سے سوزوکی سیل اینڈ سروس تک) کو بھی “نو پارکنگ زون / نو کارٹ زون” قرار دیا گیا ہے، جس کا اطلاق فوری طور پر ہوگا۔سرکلر روڈ کو “ون وے” قرار دیا گیا ہے، جہاں ٹریفک کا داخلہ صرف جناح روڈ سے اور اخراج سورج گنج بازار کی سمت سے ممکن ہوگا۔کمشنر کوئٹہ ڈیویڑن/ایڈمنسٹریٹر میٹروپولیٹن کارپوریشن کوئٹہ محمد حمزہ شفقات کی جانب سے میٹروپولیٹن کارپوریشن کوئٹہ، ٹریفک پولیس اور ضلعی انتظامیہ کو ہدایت کی گئی ہے کہ ان احکامات پر مو¿ثر عملدرآمد کو یقینی بنایا جائے تاکہ شہر میں ٹریفک کی روانی اور شہریوں کی حفاظت کو یقینی بنایا جا سکے۔یہ اقدامات ویسٹ پاکستان اسٹریٹ رولز 1962 کے تحت کیے گئے ہیں۔
﴾﴿﴾﴿﴾﴿
خبرنا مہ نمبر3984/2025
حب :ڈائریکٹر صوبائی محتسب بلوچستان نور الامین زہری نے لیڈا کا دورہ کیا اور صنعتوں میں مقامی افراد کی بھرتی کوٹے پر عملدرآمد کے حوالے سے ایم ڈی لیڈا لیاقت علی کاشانی سے ملاقات کیءڈائریکٹر محتسب نے ضلع حب کی صنعتی اداروں میں مقامی افراد کو روزگار کے مواقع فراہمی کے حوالے سے اہم امور پر ایم ڈی لیڈا سے ملاقات کی اور انہیں بتایا ضلع حب کے صنعتی مراکز میں مقامی افراد کیلئے مختص کوٹے پر عملدرآمد کے کمپنیز پابند ہیں لیکن مقامی لوگوں کی شکایات ہیں کہ انہیں منیجمنٹ کی جانب سے ملازمتوں میں ترجیح نہیں دی جاتی اس سلسلے میں قواعد و ضوابط پر عملدرآمد کے کمپنیز پابند ہیں ایم ڈی لیڈا نے ڈائریکٹر محتسب کو یقین دہانی کراءکہ وہ ترجیحی بنیادوں پر مقامی لوگوں کو روزگار دلانے میں اپنی ذمہ داریاں نبھائیں گے تاکہ صنعتی ترقی میں مقامی محنت کش بھی اپنا کردار ادا کرسکیں، اس موقع پر اسسٹنٹ ڈائریکٹر محتسب سیکریٹریٹ بلال مرتضیٰ اور محتسب آفس حب کے ریڈر حضور بخش موندرہ بھی ان کے ہمراہ تھے۔
﴾﴿﴾﴿﴾﴿
خبرنا مہ نمبر3985/2025
دکی23مئی ڈپٹی کمشنر محمد نعیم خان کی زیر صدارت ڈسٹرکٹ ایجوکیشن گروپ کے ماہانہ اجلاس منعقد ہوااجلاس میں ڈسٹرکٹ ایجوکیشن آفیسر ڈاکٹر نصیرالدین توخیئ، ڈپٹی ڈسٹرکٹ ایجوکیشن آفیسر معصوم خان لونی،ڈپٹی ڈسٹرکٹ آفیسر ایجوکیشن تحصیل تھل ظاہر شاہ ترین، خزانہ آفیسر منظور احمد ، ڈپٹی ڈسٹرکٹ ایجوکیشن آفیسر فیمیل اور دیگر نے شرکت کی۔اجلاس ڈپٹی کمشنر محمد نعیم خان کی حالیہ تعیناتی کے بعد محکمہ تعلیم کے آفیسران سے ان کا پہلا تعارفی اجلاس بھی تھا۔اس موقع پر ڈپٹی کمشنر نے تمام آفیسران سے تعارف کی، ان کے تبادلہ خیال سے ادارہ جاتی کارکردگی کو بہتر بنانے پر زور دیا اور تعلیمی بہتری کے لیے مشترکہ کوششوں کی ضرورت پر زور دیااجلاس میں گزشتہ میٹنگ کی کارروائی پر عملدرآمد، فیلڈ وزٹس کی رپورٹس، غیر حاضراساتذہ کے خلاف تادیبی کارروائیاں، انکوائری رپورٹس،قابض اسکولوں کی صورتحال، بھرتیوں کے ذریعے فعال کیے گئے سکول، غیر فعال اداروں کی فہرست اور دیگر اہم امور پر تفصیلی تبادلہ خیال کیا گیا،ڈپٹی کمشنر محمد نعیم خان نے واضح ہدایت دی کہ تمام متعلقہ آفیسران اپنی ذمہ داریاں احسن انداز میں سرانجام دیں تاکہ ضلع دکی کے بچوں کو معیاری تعلیمی ماحول فراہم کیا جا سکے۔ انہوں نے اس عزم کا اعادہ کیا کہ ضلعی انتظامیہ تعلیم کے شعبے کو اولین ترجیح دیتی ہے اور اس میں کسی قسم کی کوتاہی یا غفلت برداشت نہیں کی جائے گی۔
﴾﴿﴾﴿﴾﴿
خبرنا مہ نمبر3986/2025
نصیرآباد۔ڈپٹی کمشنر نصیر آباد منیر احمد خان کاکڑ نے کہا ہے کہ سانحہ خضدار ہم کبھی بھی نہیں بھلا سکتے معصوم بچوں کی زندگیاں گل کرنے والے کسی بھی رعایت کے مستحق نہیں ہیں بھارت پاکستان میں اندرونی مداخلت کر کے دہشت گردانہ کاروائیوں کا واضح ثبوت دے رہا ہے ہم پوری قوم متحد و منظم ہیں ہمیں کوئی بھی شخص سبوتاڑ نہیں کر سکتا ہم سانحہ خضدار میں شہید ہونے بچوں کے والدین کے غم میں برابر کے شریک ہیں اللہ تعالی سے دعا گو ہیں کہ اللہ انہیں صبر جمیل عطا فرمائے ان خیالات کا اظہار انہوں نے سانحہ خضدار کے موقع پر افسران سے بات چیت کرتے ہوئے کیا اس موقع پر ڈپٹی کمشنر نصیر آباد منیر احمد خان کاکڑ نے سانحہ خضدار کے شہداءکی یاد میں شمع بھی روشن کی حافظ سعید احمد بنگلزئی نے شہداءکی مغفرت اور ان کے ورثا کے صبر جمیل کے لیے دعا کروائی اس موقع پر ڈسٹرکٹ ہیلتھ افیسر ڈاکٹر عبدالمنان لاکٹی ڈاکٹر ظاہر حسین عمرانی ڈاکٹر یاسین داجلی صدام حسین منظور احمد شیرازی محمد قاسم ڈومکی محبوب علی رند شاد ثنا اللہ چکھڑا یونیسیف کے ڈاکٹر ممتاز حسین سمیت دیگر افسران علما ¾کرام شہری کثیر تعداد میں موجود تھے جبکہ ڈپٹی کمشنر نصیر آباد منیر احمد خان کاکڑ کے احکامات کی روشنی میں مختلف اسکولوں کے بچوں نے بھی سانحہ خضدار کے شہداء کی یاد میں شمعیں روشن کی ڈپٹی کمشنر نصیر آباد منیر احمد خان کاکڑ نے کہا کہ مکار دشمن بھارت ہر قسم کے اوچھے ہتھکنڈے استعمال کر رہا ہے مگر پھر بھی اسے ناکامی کے سوا کچھ نہیں ملے گا شہید بچوں کے اوپر حملہ کرنا غیر اخلاقی اور غیر انسانی عمل ہے جس کی جتنی مذمت کی جائے کم ہے ہم اللہ تعالی سے دعا گو ہیں کہ اللہ تعالی شہداء کے درجات بلند فرمائے اور ان کے لواحقین کو اس عظیم صدمے کو برداشت کرنے کی توفیق دے۔
﴾﴿﴾﴿﴾﴿
خبرنا مہ نمبر3987/2025
نصیرآباد۔۔ڈپٹی کمشنر نصیر آباد منیر احمد خان کاکڑ نے کہا ہے کہ نصیرآباد میں شروع ہونے والی پولیو مہم کے حوالے سے تمام تر انتظامات کو حتمی شکل دے دی گئی ہے ضلع انتظامیہ محکمہ صحت میں ڈبلیو ایچ او کے ساتھ مل کر پولیو مہم کو کامیاب بنانے کے لیے ٹھوس بنیادوں پر اقدامات کر رہی ہے تاکہ ضلع بھر سے پولیو کی وباء کو ختم کیا جا سکے ان خیالات کا اظہار انہوں نے پولیو مہم کی تیاری کے سلسلے میں منعقدہ اجلاس سے خطاب کرتے ہوئے کیا اجلاس میں ڈسٹرکٹ ہیلتھ افیسر ڈاکٹر عبدالمنان لاکٹی ڈاکٹر ظاہر حسین عمرانی ڈاکٹر غلام یاسین داجلی صدام حسین ڈبلیو ایچ او کے ڈاکٹر ممتاز حسین ڈپٹی کمشنر کے پی ایس منظور شیرازی سمیت دیگر افسران موجود تھے اجلاس کے موقع پر ڈپٹی کمشنر نصیر آباد منیر احمد خان کاکڑ کو شروع ہونے والی انسداد پولیو مہم کے حوالے سے آگاہی فراہم کی گئی ڈپٹی کمشنر نے اس بات پر زور دیا کہ پولیو مہم کی کامیابی ہم سب کے وسیع تر مفاد میں ہے اس پر کسی قسم کا سمجھوتہ ہرگز قبول نہیں کیا جائے گا پولیو مہم کے دوران مانیٹرنگ کے عمل کو بھی مزید تیز کیا جائے جن افسران کی مانیٹرنگ کے حوالے سے ذمہ داریاں عائد کی گئی ہیں وہ اپنی ذمہ داریوں کو احسن طریقے سے سرانجام دیں تاکہ پولیو کے خلاف جہاد کو کامیابی سے ہمکنار کیا جا سکے
﴾﴿﴾﴿﴾﴿
خبرنا مہ نمبر3978/2025
نصیرآباد۔۔ڈپٹی کمشنر نصیر آباد منیر احمد خان کاکڑ نے بچی کو پولیو سے بچاو¿ کے قطرے پلا کر ضلع بھر میں انسداد پولیو مہم کا باضابطہ طور پر آغاز کر دیا افتتاحی تقریب کے موقع پر اسسٹنٹ کمشنر ڈیرہ مراد جمالی سلیم کاکڑ ڈسٹرکٹ ہیلتھ آفیسر ڈاکٹر عبدالمنان لاکٹی ڈاکٹر غلام یاسین داجلی صدام حسین نائب تحصیلدار غلام قادر مغیری محمد قاسم ڈومکی منظور احمد شیرازی سمیت دیگر افسران موجود تھے اس موقع پر ڈی ایچ او ڈاکٹر عبدالمنان لاکٹی نے بچی کو وٹامنز کے قطرے بھی پلائے ڈپٹی کمشنر نصیرآباد منیر احمد خان کاکڑ نے احکامات دیتے ہوئے بتایا کہ پولیو مہم کے لیے فیلڈ پر جانے والی ٹیموں پر لازم ہے کہ وہ صبح سات بجے ہی فیلڈ پر روانہ ہو جائیں سخت موسمی حالات کے باوجود ہمیں قومی فریضے کی انجام دہی میں تمام مشکلات کو بالائے طاق رکھ کر اقدامات کرنے ہوں گے یہ ہم سب پر لازم ہے کہ ہم اس قومی فریضے کے انجام دہی کو بہتر معنوں میں سرانجام دیں تمام ٹیموں کو صحیح معنوں میں ٹریننگ بھی دی گئی ہے تاکہ فیلڈ کے دوران وہ اپنی ذمہ داریاں نہایت خوش اسلوبی کے ساتھ سرانجام دیں اور مہم کو کامیابی سے ہمکنار کریں انہوں نے کہا کہ پولیو مہم کو جب تک جڑ سے ہی ختم نہیں کیا جا سکتا تب تک ہماری یہ جدوجہد جاری رہے گی۔
﴾﴿﴾﴿﴾﴿
خبرنا مہ نمبر3989/2025
حب 23مئی 2025:وزیر اعلیٰ بلوچستان میر سرفراز بگٹی کی ہدایت پر 21 مئی 2025 کو خضدار میں آرمی پبلک اسکول کی بس پر خودکش حملے کے المناک واقعے کی یاد میں صوبہ بھر کی طرح ضلع حب میں تعزیتی تقاریب اورریلیاں منعقد کی گئیں صوبائی وزیر زراعت وصدرپاکستان آصف علی زرداری کے ترجمان برائے بلوچستان میر علی حسن زہری کے حلقہ انتخاب میں ڈسٹرکٹ ایڈمنسٹریشن حب اورضلعی محکمہ تعلیم کی جانب سے صنعتی شہرحب میں ریلی کا انعقاد کیاگیا ریلی کی قیادت میئرحب وڈیرہ بابو فیض محمد شیخ نےکی جبکہ ریلی میں اسسٹنٹ کمشنر حب سربلند خان ڈسٹرکٹ ایجوکیشن افسر عبدالرحیم بلیدی محکمہ تعلیم کے افسران واساتذہ طلباء کونسلران اورعلاقاءعمائدین نےبھرپوراندازمیں شرکت کی میئر حب وڈیرہ بابو فیض محمد شیخ نے ریلی کے شرکاءسے خطاب کرتے ہوئے کہا کہ آرمی پبلک اسکول خضدارکے بچوں پر دہشت گردانہ حملہ المناک سانحہ تھاملک بھر کے عوام نے اس سانحے کی مذمت اورقومی یکجہتی کا عملی مظاہرہ کرتے ہوئے بھارت اورملک دشمن عناصر کوواضح پیغام دیا ہے کہ خ بلوچستان کے عوام دہشت گردی کیخلاف جنگ میں افواج پاکستان کےاداروں کے ساتھ ہیں ریلی کےشرکاء سے دیگر مقررنین پاکستان پیپلزپارٹی کے کونسلرمولچند لاسی ملک فوادحیدربھٹو ڈاکٹرحبیب اللہ شیخ نے اپنے خطاب میں بھارتی جارحیت کیخلاف افواج پاکستان کی شاندارجوابی کارواءاورانڈیاکوعبرتناک شکست کی بدولت ملکی وقار سربلند اوردنیابھر میں پاک فوج کے جانبازوں کی جرات کوسراہا جارہا ہے مقررنین نے کہا کہ ڈی جی آءایس آءاوردیگر ملکی دفاعی اداروں کی کمانڈاینڈکنٹرول آپریشن کی بہترین حکمت عملی کی بدولت معرکہ حق میں افواج پاکستان کی کامیابی ممکن ہوءہے اوردشمن کو منہ توڑجواب دینےپر بلوچستان کے عوام آرمی چیف جنرل عاصم منیراورسرحدوں پر ملکی دفاع میں مصروف پاک فوج کے جوانوں کو سلام پیش کرتے ہیں۔
﴾﴿﴾﴿﴾﴿
خبرنا مہ نمبر3990/2025
سوراب 23 مئی2025: ضلع سوراب میں آرمی پبلک اسکول خضدار کی بس پر ہونے والے بزدلانہ حملے اور اس دلخراش سانحے میں معصوم طالبات کی شہادت کے خلاف ایک پ±رامن احتجاجی اور مذمتی ریلی نکالی گئی۔ ریلی کی قیادت ڈپٹی کمشنر سوراب، حبیب نصیر نے کی۔ اس موقع پر ایڈیشنل ڈپٹی کمشنر (ریونیو) ہدایت اللہ بلیدی، ایف سی 61 ونگ کے میجر عقیل، اسسٹنٹ کمشنر سوراب شئے اکبر علی، اسسٹنٹ کمشنر مہرآباد اسد اللہ سمالانی سمیت ضلعی انتظامیہ، سیکیورٹی اداروں کے نمائندگان، سماجی کارکنان اور مختلف شعبہ ہائے زندگی سے تعلق رکھنے والے شہریوں نے بڑی تعداد میں شرکت کی۔ریلی میں شریک افراد نے ہاتھوں میں بینرز اور پلے کارڈز اٹھا رکھے تھے جن پر دہشت گردی کے خلاف شدید الفاظ میں مذمتی نعرے درج تھے۔ پلے کارڈز پر معصوم طالبات کی شہادت کو قومی سانحہ قرار دیتے ہوئے دہشت گردی کے خلاف یکجہتی اور اتحاد کا پیغام دیا گیا۔ریلی کے دوران خطاب کرتے ہوئے مقررین نے آرمی پبلک اسکول کی بس پر حملے کو ایک بزدلانہ اور انسانیت سوز اقدام قرار دیا۔ مقررین نے کہا کہ دشمن قوتیں بلوچستان میں تعلیمی عمل کو سبوتاڑ کرنا چاہتی ہیں اور وہ نوجوان نسل کو علم و شعور سے دور رکھنے کی سازشوں میں مصروف ہیں، لیکن یہ قوم ایسے ناپاک عزائم کو کبھی کامیاب نہیں ہونے دے گی۔ڈپٹی کمشنر سوراب حبیب نصیر نے اپنے خطاب میں شہید طالبات کے اہل خانہ سے گہرے رنج و غم کا اظہار کرتے ہوئے کہا کہ یہ شہادتیں رائیگاں نہیں جائیں گی۔ قوم ان معصوم بچیوں کی قربانی کو ہمیشہ یاد رکھے گی۔ انہوں نے کہا کہ تعلیمی اداروں اور طلبہ کی حفاظت اولین ترجیح ہے اور اس حوالے سے سیکیورٹی اقدامات کو مزید مو¿ثر بنایا جا رہا ہے۔شرکاء نے اس عزم کا اعادہ کیا کہ وہ دہشت گردی کے خلاف متحد رہیں گے اور ہر فورم پر اس ظلم کے خلاف آواز بلند کرتے رہیں گے۔ ریلی کے اختتام پر شہداء کے ایصالِ ثواب کے لیے دعا کی گئی اور ملک و قوم کی سلامتی و استحکام کے لیے خصوصی دعائیں مانگی گئیں۔
﴾﴿﴾﴿﴾﴿
خبرنا مہ نمبر3991/2025
جعفرآباد۔ڈپٹی کمشنر جعفرآباد خالد خان نے ڈیرہ اللہ یار میں پبلک ہیلتھ انجینئرنگ کے فیز ون آبنوشی کے تالابوں کا جائزہ لیا پانی کے ذخیرے کے متعلق آگاہی حاصل کی ایگزیکٹو انجینیئر پبلک ہیلتھ انجینیئرنگ جعفرآباد محمد کاظم لونی نے انہیں فیز ون فیز ٹو اور خان گڑھ واٹر سپلائی سکیم کے متعلق بریفنگ دیتے ہوئے بتایا کہ تین فیزز کے ذریعے لوگوں کو آبنوشی کی فراہمی کا سلسلہ جاری ہے پٹ فیڈر کینال اور اس کی زیلی شاخوں کی سالانہ بندش کے بعد لوگوں کو پانی فراہم کیا جا رہا ہے اس موقع پر سب ڈویڑنل افیسر عزیز احمد کھوسہ سب انجینیئر چنگیز علی سمیت دیگر افسران اور عملہ موجود تھا ڈپٹی کمشنر جعفرآباد خالد خان نے پبلک ہیلتھ انجینئرنگ کے افیسران کو ہدایت دیتے ہوئے بتایا کہ پانی کی سالانہ بندش کو مد نظر رکھ کر محتاط طریقے سے تمام علاقوں وارڈز محلوں میں پانی تقسیم کیا جائے طریقہ کار کے عمل کو مزید شفاف اور منصفانہ طور پر کریں تاکہ کہیں سے بھی لوگوں کی شکایات سامنے نہ ائیں آبنوشی کی ضروریات کو پورا کرنا پبلک ہیلتھ انجینئرنگ کے عملے اور افسران کی اولین ذمہ داریوں کا حصہ ہے اس لیے کوشش کی جائے کہ پانی کے تقسیم کار میں محتاط طریقہ اپنایا جائے تاکہ جب تک پٹ فیڈر کینال کے ذریعے زیلی شاخوں سے ضلع جعفر آباد کے پانی کے تالابوں تک پانی مہیا نہیں کیا جاتا تب تک صحیح معنوں میں اسی پانی کو استعمال میں لایا جائے ضلع انتظامیہ کی بھرپور کوشش رہے گی کہ تمام امور کی کڑی مانیٹرنگ کرے اور لوگوں کو آبنوشی کی صحیح معنوں میں فراہمی کے لیے ہر ممکن وسائل برو کار لائے گی تاکہ لوگ ضلع انتظامیہ اور پبلک ہیلتھ انجینئرنگ کے اقدامات سے مستفید ہو سکیں
﴾﴿﴾﴿﴾﴿
خبرنا مہ نمبر3992/2025
جعفرآباد۔۔ڈپٹی کمشنر جعفرآباد خالد خان نے اچانک سول ہسپتال کا دورہ کیا دورے کے موقع پر انہوں نے او پی ڈی ،ڈائیلاسز یونٹ، میل وارڈ، فیمیل وارڈ، نرسری یونٹ ، لیبارٹری ،ادویات، سمیت دیگر امور کا جائزہ لیا ایم ایس ڈاکٹر محمد رفیق گھنیہ نے انہیں سول ہسپتال میں لوگوں کو دی جانے والی طبی سہولیات ایمرجنسی حالات سے نمٹنے اور درپیش مسائل کے متعلق تفصیل سے آگاہی فراہم کی ڈپٹی کمشنر جعفر آباد خالد خان نے احکامات دیتے ہوئے کہا کہ لوگوں کو بہتر معنوں میں طبی سہولیات فراہم کی جائیں سول ہسپتال کے جو مسائل ہیں ان کے حل کے لیے حکام بالا کو تحریری طور پر آگاہی فراہم کی جائے تاکہ ان مسائل کا حل بہتر معنوں میں تلاش کیا جا سکے اور لوگوں کو طبی سہولیات کی فراہمی میں جو رکاوٹیں درپیش آرہی ہیں ان کا تدارک ہو سکے ضلع انتظامیہ محکمہ صحت کے ساتھ مل کر اپنی تمام خدمات سرانجام دے گی تاکہ لوگوں کے لیے مزید آسانیاں پیدا کی جا سکیں تمام ڈاکٹرز اور پیرا میڈیکل اسٹاف اپنی جائے تعیناتی پر موجودگی کو ہر صورت یقینی بنائیں آئندہ بھی سرپرائز وزٹ کیے جائیں گے تاکہ لوگوں کو جو طبی سہولیات فراہم کی جا رہی ہے اس کے متعلق بہتر معنوں میں اقدامات کیے جائیں۔
﴾﴿﴾﴿﴾﴿
خبرنا مہ نمبر3993/2025
تربت 23 مئی 2025 پاکستان پیپلز پارٹی کے سینئر رہنما اور سابق صوبائی وزیر میر عبدالرو¿ف رند نے خضدار میں آرمی پبلک اسکول کی بس پر ہونے والے افسوسناک خودکش حملے کی شدید الفاظ میں مذمت کی ہے۔ انہوں نے اس حملے کو بزدلانہ اور انسانیت سوز فعل قرار دیتے ہوئے کہا کہ معصوم بچوں اور سیکیورٹی اہلکاروں کو نشانہ بنانا ناقابل معافی جرم ہے انہوں نے کہا کہ اس دلخراش واقعے میں معصوم بچوں کی شہادت پر دل خون کے آنسو روتا ہے، جبکہ زخمیوں کی حالت بھی تشویشناک ہے۔ انہوں نے کہا کہ یہ حملہ صرف متاثرہ خاندانوں ہی پر نہیں بلکہ پوری قوم پر وار کے مترادف ہے انہوں نے متاثرہ خاندانوں سے دلی تعزیت اور یکجہتی کا اظہار کرتے ہوئے حکومت سے مطالبہ کیا کہ دہشت گرد عناصر کو فوری طور پر انصاف کے کٹہرے میں لایا جائے اور مستقبل میں ایسے واقعات کی روک تھام کے لیے مو¿ثر اور سخت اقدامات کیے جائیں میر عبدالرو¿ف رند نے مزید کہا کہ پوری قوم شہداء کی قربانیوں کو سلام پیش کرتی ہے اور ان کے لواحقین کے غم میں برابر کی شریک ہے۔ انہوں نے اس عزم کا اظہار کیا کہ ہم سب کو مل کر دہشت گردی کے خلاف متحد ہونا ہوگا تاکہ ہمارے بچوں کا مستقبل محفوظ بنایا جا سکے۔
﴾﴿﴾﴿﴾﴿
خبرنا مہ نمبر3994/2025
نصیرآباد۔۔سانحہ خضدار کے خلاف نصیرآباد ڈویژن میں معصوم بچوں کی شہادت پر اسکولوں کے بچوں نے افسردگی کا اظہار کرتے ہوئے پینا فلیکس اور بینرز پر معصوم بچوں پر ہونے والے واقعات کے خلاف احتجاج نوٹ کروایا کمشنر نصیر آباد ڈویژن معین الرحمن خان کے احکامات کی روشنی میں سانحہ خضدار کے حوالے سے سکولوں میں تقریبات منعقد کی گئی مختلف اسکولوں کے بچوں نے اپنے بازوو¿ں پر سیاہ پٹیاں باندھ کر ہونے والے واقعے کی مذمت کی اور ان کی یاد میں موم بتیاں جلائی گئیں ڈپٹی کمشنر نصیر آباد منیر احمد خان کاکڑ کے احکامات کی روشنی میں مختلف اسکولوں کے بچوں نے سانحہ خضدار کے حوالے سے تقریبات منعقد کی گئی جہاں پر بچوں نے ملی نغمے اور تقاریر پیش کر کے شہید ہونے والے بچوں سے محبت کا والہانہ اظہار کیا ڈپٹی کمشنر بولان جہانزیب بلوچ کے احکامات پر گورنمنٹ گرلز ہائی سکول کلی سمالانی مچھ میں اسکولز کی طالبات نے پلے کارڈز اٹھا کر شہداء سے اظہار یکجہتی کی پلے کارڈز پر معصوم بچوں کے قتل عام کے حوالے سے نعرے درج تھے اسی طرح ضلع جھل مگسی میں بھی ڈپٹی کمشنر سید رحمت اللّہ شاہ کی ہدایات پر مختلف سکولوں میں سانحہ خضدار کے شہداء کے دعائیں مانگی گئیں استامحمد میں بھی تقریب منعقد ہوئی جس میں بلوچستان پبلک اسکول میں سانحہ خضدار کے شہداءکو خراج تحسین پیش کرنے کے لئے طلباء نے غم کا اظہار نظم میں بیان کیا جبکہ ضلع جعفرآباد و ضلع کچھی میں بھی خصوصی طور پر تقریبات منعقد کی گئی جس میں بچوں نے سانحہ خضدار کے شہداءکے لیے شمعیں روشن کرکے ان کے درجات کی بلندی کے دعائیں مانگی۔
﴾﴿﴾﴿﴾﴿
خبرنا مہ نمبر3995/2025
سنجاوی۔ وزیر اعلیٰ بلوچستان میر سرفراز بگٹی کی ہدایت پر گورنمنٹ ہائی اسکول ریگوڑہ سنجاوی میں سانحہ خضدار کے شہداءکو خراجِ عقیدت پیش کرنے کے لیے تعزیتی ریفرنس کا انعقاد اور شمعیں روشن کی گئیں۔ اس موقع پر تقاریر اور دعائیں کی گئیں مقررین نے کہا کہ تعزیتی تقریب سے خطاب کرتے ہوئے کہاسانحہ اے پی ایس خضدار کا واقعہ انسانیت سوزواقعہ ہے اوراس طرح کے واقعات ہمارے حوصلے پست نہیں کرسکتے بچوں کو ٹارگٹ کرنا ایک بزدلی ہے اور ہم ایسے بزدل دہشت گردوں کی انسانیت سوز واقعہ کی شدید مذمت کرتے ہیں اس کی شدید الفاظ میں مذمت کی۔ انہوں نےمعصوم طلبہ کو نشانہ بنانا سفاکیت کی بدترین مثال ہے۔* مقررین نے حکومت پر زور دیا کہ اس واقعہ میں ملوث بزدل دہشت گردوں کو گرفتار کرکے قرار واقعی سزادی جائے اور ان کو عبرت کا نشان بنا دیا جائے۔
﴾﴿﴾﴿﴾﴿
خبرنا مہ نمبر3996/2025
زیارت خبرنامہ 23مئی 2025:وزیر اعلیٰ بلوچستان میر سرفراز بگٹی کی ہدایت پر گورنمنٹ ماڈل ہائی اسکول زیارت، گورنمنٹ ہائی زندرہ، گورنمنٹ گرلز ہائی اسکول زندرہ، گورنمنٹ پرائمری اسکول کان بنگلہ زیارت میں سانحہ اے پی ایس خضدار کے شہداءکو خراج عقیدت پیش کرنے کے لیے تعزیتی تقریب منعقد کئے گئے، اس موقع پر شمعیں روشن کی گئیں دعائیں کی گئیں تقاریر کئے گئے اور شہید بچوں کو خراج عقیدت پیش کیا گیا اور بزدل دشمن کو یہ پیغام دیا گیا کہ ایسے بزدل دشمن ہمارے حوصلے پست نہیں کرسکتے اور ہم اج کے دن دہشت گردوں کو یہ پیغام دینا چاہتے ہیں کہ ہم بحثیت قوم ایک ہیں اور رہیں گے۔ اور ملک کی ترقی اور سلامتی کے لیے کسی بھی قربانی سے دریغ نہیں کریں گےَ۔
﴾﴿﴾﴿﴾﴿
خبرنا مہ نمبر3997/2025
کوئٹہ 23 مئی۔پولیو کے خاتمے کے قومی ہدف کے تحت ضلع کوئٹہ میں 26 مئی 2025 سے شروع ہونے والی سات روزہ پولیو مہم کی تیاریوں کے سلسلے میں ایک اہم اجلاس ڈپٹی کمشنر کوئٹہ کیپٹن (ر) مہراللہ بادینی کی زیر صدارت منعقد ہوا۔اجلاس میں محکمہ صحت، سیکیورٹی اداروں، ضلعی انتظامیہ اور متعلقہ محکموں کے افسران نے شرکت کی۔ اجلاس کے دوران مہم کی تفصیلات اور اقدامات کا جائزہ لیا گیا اور عملدرآمد کے حوالے سے مختلف پہلوو¿ں پر غور کیا گیا۔اجلاس میں بتایا گیا کہ 26مئی سے شروع ہونے والی انسداد پولیو مہم پانچ روزہ اور دو روزہ کیچ اپ سرگرمی پر مشتمل ہوگی، جس کے دوران ضلع بھر میں 4 لاکھ 65 ہزار 195 بچوں کو پولیو کے قطرے پلانے کا ہدف مقرر کیا گیا ہے۔مہم کے دوران سیکیورٹی کے فول پروف انتظامات کو یقینی بنانے کے لیے 1,420 سیکیورٹی اہلکاروں کو تعینات کیا گیا ہے۔ اس کے علاوہ، مہم کے دوران ممکنہ ریفیوزلز (انکار کرنے والے افراد یا خاندانوں) کو کور کرنے کے لیے 300 اہلکاروں پر مشتمل خصوصی یونٹ بھی تشکیل دی گئی ہے، جس میں ضلعی افسران بھی شامل ہوں گے۔ڈپٹی کمشنر کوئٹہ نے تمام اداروں پر زور دیا کہ وہ قومی ذمہ داری کے تحت پولیو کے خاتمے کے لیے بھرپور تعاون کریں اور مہم کو کامیاب بنانے میں کوئی کسر نہ چھوڑیں۔ انہوں نے کہا کہ ہر بچے تک رسائی یقینی بنانا ہمارا مقصد ہے تاکہ پولیو کا مکمل خاتمہ ممکن بنایا جا سکے۔ اجلاس میں والدین، علمائے کرام، اساتذہ، اور میڈیا سے بھی اپیل کی گئی کہ وہ آگاہی مہم میں اپنا بھر پور کردار ادا کریں۔
﴾﴿﴾﴿﴾﴿

خبرنا مہ نمبر3998/2025
تربت 23 مئی 2025 اسسٹنٹ کمشنر تربت محمد جان بلوچ نے لیویز تھانہ تربت میں پریس کانفرنس کرتے ہوئے کہا ہے کہ لیویز فورس نے منشیات کے خلاف دو مختلف کارروائیوں میں 549 کلوگرام سے زائد چرس برآمد کرلی ہے جب کہ دو پک اپ گاڑیاں بھی تحویل میں لی گئی ہیں انہوں نے بتایا کہ پہلی کارروائی آج صبح تقریباً سوا پانچ بجے کیساک چیک پوسٹ پر کی گئی۔ روٹین ناکہ بندی کے دوران ایک مشکوک پک اپ گاڑی کو رکنے کا اشارہ کیا گیا جس پر ڈرائیور نے گاڑی بھگا دی۔ لیویز فورس نے تعاقب کیا تاہم ڈرائیور کیساک بازار کی جانب فرار ہونے میں کامیاب ہوگیا اور گاڑی کو چھوڑ کر تنگ گلیوں کا فائدہ اٹھایا۔ گاڑی کی تلاشی کے دوران 222 کلوگرام چرس برآمد ہوئی ۔جبکہ دوسری کارروائی دیات چیک پوسٹ کے قریب ایک مخبر کی خاص اطلاع پر کی گئی۔ لیویز اہلکاروں نے ایک مشکوک گاڑی کو روکنے کی کوشش کی مگر ڈرائیور نے گاڑی کو میرانی ڈیم کی طرف بھگایا۔ بالائئخر وہ پہاڑی سلسلے میں گاڑی چھوڑ کر فرار ہوگیا۔ اس گاڑی سے بھی بڑی مقدار میں چرس برآمد کی گئی اسسٹنٹ کمشنر محمد جان بلوچ نے کہا کہ ڈپٹی کمشنر کیچ بشیر احمد بڑیچ کی ہدایت پر لیویز فورس منشیات کے ناسور کے خلاف بھرپور کارروائیاں جاری رکھے ہوئے ہے۔ ہم ہرگز برداشت نہیں کریں گے کہ یہ علاقہ منشیات کا گزرگاہ بنے ایسے عناصر کے خلاف آہنی ہاتھوں سے نمٹا جائے گا جو اس روٹ کو منشیات کے لیے استعمال کرنا چاہتے ہیں انہوں نے عوام سے بھی اپیل کی کہ مشکوک سرگرمیوں کی اطلاع فوری طور پر قانون نافذ کرنے والے اداروں کو دیں تاکہ منشیات کی لعنت کو جڑ سے ختم کیا جا سکے۔
﴾﴿﴾﴿﴾﴿
خبرنا مہ نمبر3999/2025
زیارت 23مئی 2025:یونیسف کے زیر اہتمام پرائمری فیمیل اساتذہ کے لیے چار روزہ تربیتی پروگرام کا انعقاد کیا گیا۔ اختتامی تقریب کے مہمانِ خصوصی ڈپٹی کمشنر زیارت ذکاء اللہ درانی تھے۔ فدا پنیزئی نے مہمانِ خصوصی کا استقبال کیا اور ضلع میں یونیسف کی سرگرمیوں سے متعلق بریفنگ دی۔اس موقع پر ڈی ڈی او نقیب اللہ کاکڑ بھی موجود تھےڈپٹی کمشنرذکاء اللہ درانی نے شرکاء سے خطاب کرتے ہوئے تربیت مکمل کرنے پر انہیں مبارکباد دی اور کہا کہ اب جو کچھ آپ نے سیکھا ہے اسے عملی طور پر کلاس روم میں نافذ کریں، اور مستقبل کے معماروں کو زیور تعلیم سے آراستہ کریں اپنی ڈیوٹی کی پابندی کریں اپنے فرائض کو ایمانداری سے ادا کریں غفلت پر قانونی کاروائی کی جائے گی۔ انہوں نے کہا کہ تعلیم یافتہ اقوام دنیا پر حکمرانی کررہے ہیں۔
﴾﴿﴾﴿﴾﴿

خبرنامہ نمبر4005/2025
کوئٹہ23 مئی ، 2024:
بلوچستان فوڈ اتھارٹی نے عدالت عالیہ کے احکامات اور صوبائی وزیر خوراک و چیئرمین بی ایف اے حاجی نور محمد دمڑ کی خصوصی ہدایات کی روشنی میں گندے نالوں کے زہریلے پانی سے کاشت کی گئی مضر صحت سبزیوں کے خلاف سخت کریک ڈاؤن کا آغاز کر دیا ہے۔کارروائی کے دوران کوئٹہ کے علاقے نیو سبزل روڈ میں تیس ایکڑ سے زائد اراضی پر موجود سبزیاں تلف کر دی گئیں جن میں گوبھی اور سلاد جیسی انسانی صحت کے لیے خطرناک فصلیں شامل تھیں۔صوبائی وزیر خوراک اور چیئرمین بی ایف اے حاجی نور محمد دمڑ جو کریک ڈاؤن کے پہلے روز خود تمام تر کاروائی کی نگرانی کر رہے تھے کا کہنا تھا کہ عدالتی احکامات اور حکومتی پابندی کے باوجود سیوریج کے پانی سے سبزیوں کی کاشت کسی صورت برداشت نہیں کی جائے گی۔ ایسے تمام کھیتوں میں اگائی گئی سبزیاں بلا تفریق تلف کرکے متعلقہ کسانوں کے خلاف قانونی کارروائی عمل میں لائی جائے گی۔انہوں نے مزید کہا کہ مہم کو مرحلہ وار دیگر علاقوں تک وسعت دی جائے گی اور گندے پانی سے کاشت کردہ سبزیوں کی روک تھام کے لیے بلا امتیاز کارروائیوں کا سلسلہ جاری رہے گا۔حاجی نور محمد دمڑ نے میڈیا سے بھی اپیل کی کہ وہ مضر صحت خوراک یا نالوں کے پانی سے سیراب کی جانے والی سبزیوں کی نشاندہی کریں تاکہ فوڈ اتھارٹی فوری ایکشن لے سکے۔انہوں نے کہا کہ ہم ناقص اور ملاوٹی خوراک کے خلاف سخت پالیسی پر عمل پیرا ہیں جبکہ اس ضمن میں وزیر اعلیٰ بلوچستان کی بھی واضح ہدایات ہیں کہ انسانی صحت سے کھلواڑ کرنے والوں کے ساتھ کسی قسم کی رعایت نہ برتی جائے ، اتھارٹی کے کمپلینٹ سیل کو مزید فعال بنایا جا رہا ہے تاکہ غیر معیاری خوراک کی تیاری و فروخت سے متعلق شہری آسانی سے شکایات درج کرا سکیں۔صوبائی وزیر کے مطابق صرف غیر خوردنی فصلوں کو سیوریج کے پانی سے سیراب کرنے کی اجازت ہے اس حوالے سے آئندہ جو بھی زمیندار قوانین کی خلاف ورزی کرے گا، اس کے خلاف سخت قانونی کارروائی عمل میں لائی جائے گی۔انہوں نے مزید بتایا کہ بلوچستان فوڈ اتھارٹی کی جانب سے کسانوں کو پہلے ہی بارہا تنبیہ کی جا چکی ہے کہ وہ گندے پانی سے سبزیوں کی کاشت بند کریں جس کے باوجود سیوریج کے پانی سے فصلیں تیار کرنے کا عمل جاری رہا۔
خبرنامہ نمبر4004/2025
تربت 23 مئی 2025 : اسسٹنٹ کمشنر دشت شے حق حیات کی قیادت میں لیویز فورس نے ڈراچکو، سورگ اور گردونواح میں منشیات فروشوں کے خلاف مؤثر کارروائی کرتے ہوئے
چھاپوں کے دوران متعدد مشتبہ افراد کو گرفتار کر کے ان سے منشیات برآمد کی گئی، جبکہ کئی منشیات اڈے مسمار کیے گئے اسسٹنٹ کمشنر نے کہاکہ ضلعی انتظامیہ نے واضح کیا ہے کہ منشیات فروشی ناقابل برداشت ہے اور اس گھناؤنے کاروبار میں ملوث افراد کے خلاف سخت قانونی اقدامات کیے جائیں گے اور عوام سے بھی اپیل ہے کہ مشکوک سرگرمیوں کی فوری اطلاع دے کر مہم میں تعاون کریں۔ یہ مہم منشیات کے مکمل خاتمے اور نوجوان نسل کے تحفظ تک جاری رہے گی۔

خبرنامہ نمبر4003/2025
کوئٹہ 23 مئی2025:
۔ڈپٹی کمشنر کوئٹہ کیپٹن (ر) مہر اللہ بادینی اور جیو انفارمیٹکس، سروے آف پاکستان کے ڈائریکٹر ہارون رشید کے درمیان ایک اہم اجلاس منعقد ہوا۔اجلاس میں ضلعی انتظامیہ کے لینڈ ریوینیو سے متعلق افسران بھی موجود تھے۔اجلاس میں شہر کی جغرافیائی معلوماتی نظام (GIS) پر مبنی ترقیاتی منصوبوں اور انفراسٹرکچر کی بہتری کے حوالے سے تبادلہ خیال کیا گیا۔اجلاس میں شہر کے زمینی حقائق، نقشہ سازی، زمینوں کے ریکارڈ، تجاوزات کی نشاندہی، قدرتی وسائل کی میپنگ اور شہری منصوبہ بندی جیسے اہم امور پر تفصیلی گفتگو کی گئی۔ ڈائریکٹر ہارون رشید نے سروے آف پاکستان کی جانب سے جدید جیو انفارمیٹکس ٹیکنالوجی کے استعمال پر بریفنگ دی، جس کے ذریعے زمینوں کے درست اعداد و شمار اکٹھے کیے جا سکتے ہیں اور پالیسی سازی میں شفافیت لائی جا سکتی ہے۔ڈپٹی کمشنر کوئٹہ نے سروے آف پاکستان کی کاوشوں کو سراہتے ہوئے کہا کہ جدید ٹیکنالوجی کی مدد سے ضلعی انتظامیہ کو شہری سہولیات کی فراہمی اور ترقیاتی منصوبہ جات کی مؤثر نگرانی میں مدد ملے گی۔ انہوں نے کہا کہ جیو انفارمیٹکس کے ذریعے نہ صرف موجودہ مسائل کی نشاندہی ممکن ہو گی بلکہ مستقبل کی منصوبہ بندی بھی سائنسی بنیادوں پر ممکن ہو سکے گی۔اجلاس میں فیصلہ کیا گیا کہ ضلعی حکومت اور سروے آف پاکستان کے مابین تعاون کو فروغ دیا جائے گا، اور مشترکہ طور پر مختلف پراجیکٹس پر کام کیا جائے گا جن میں زمینوں کی ڈیجیٹل میپنگ، تجاوزات کی روک تھام، اور سمارٹ سٹی منصوبے شامل ہوں گے۔

پریس ریلیز
کوئٹہ 23 2025 پارلیمانی سیکرٹری برائے ٹرانسپورٹ بلوچستان میر لیاقت علی لہڑی سے صفاء کوئٹہ کی اعلیٰ سطحی ٹیم نے ملاقات کی، جس میں شہر میں صفائی کے انتظامات اور عیدالاضحیٰ سے قبل خصوصی صفائی مہم کے آغاز پر تفصیلی تبادلہ خیال کیا گیا۔ملاقات میں صفاء کوئٹہ کی نمائندگی زونل مینیجر احسان اللہ درانی، ایریا مینیجر اکمل خان، کمپلین مینیجر محمد منیب، ایریا کوآرڈینیٹر آصف بھٹی، ریکوری مینیجر قہرمان، اور ایریا کوآرڈینیٹر محمد نبی نے کی۔اس موقع پر صفاء کوئٹہ کی ٹیم نے میر لیاقت علی لہڑی کو شہر بھر میں جاری صفائی اقدامات، درپیش مسائل اور مستقبل کی حکمت عملی سے آگاہ کیا۔ پارلیمانی سیکرٹری نے صفاء کوئٹہ کی کارکردگی کو سراہتے ہوئے کہا کہ عیدالاضحیٰ کے موقع پر صفائی کے خصوصی انتظامات نہایت اہم ہیں تاکہ شہر کے عوام کو صاف اور صحت مند ماحول فراہم کیا جا سکے۔انہوں نے کہا، “کوئٹہ کو صاف ستھرا رکھنا ہم سب کی مشترکہ ذمہ داری ہے، اور اس مقصد کے لیے حکومت، اداروں اور شہریوں کو ایک ساتھ کام کرنا ہوگا۔”ملاقات میں فیصلہ کیا گیا کہ عید سے قبل شہر میں ایک منظم اور بھرپور صفائی مہم کا آغاز کیا جائے گا، جس میں شہریوں کی شمولیت اور تعاون کو بھی یقینی بنایا جائے گا۔

خبرنامہ نمبر4002/2025
کوئٹہ،23مئی2025:
سینیٹر دھنیش کمار نے جمعہ کو بلوچستان سرمایہ کاری بورڈ کے دفتر کا دورہ کیا، جہاں انہوں نے وائس چیئرمین بلال خان کاکڑ سے ملاقات کی۔ ملاقات میں بلوچستان میں جاری سرمایہ کاری منصوبوں اور ترقیاتی حکمت عملی پر تفصیلی تبادلہ خیال کیا گیا۔اس موقع پر سیکرٹری خزانہ عمران زرکون، سی ای اوسرمایہ کاری بورڈ عبد الکبیر زرکون اور سابق ڈپٹی اسپیکر بلوچستان اسمبلی سردار بابر خان موسیٰ خیل بھی موجود تھے۔سینیٹر دھنیش کمار نے بی بی او آئی ٹی کی جانب سے بلوچستان میں سرمایہ کاری اور تجارت کے فروغ کے لیے کیے جانے والے اقدامات کی تعریف کرتے ہوئے کہا کہ بی بی او آئی ٹی نے صوبے میں سرمایہ کار دوست ماحول بنانے میں اہم کردار ادا کیا ہے۔ انہوں نے ادارے کی کارکردگی کو سراہتے ہوئے اس بات کی یقین دہانی کرائی کہ ان ترقیاتی اقدامات کے لیے میری مکمل حمایت حاصل رہے گی۔وائس چیئرمین بلال خان کاکڑ نے سینیٹر کو جاری منصوبوں، سرمایہ کاروں سے روابط اور آئندہ کی منصوبہ بندی کے حوالے سے تفصیلی بریفنگ دی۔ انہوں نے کہاکہ ہم بلوچستان کی معاشی صلاحیت کو اجاگر کرنے کے لیے پرعزم ہیں اور ملکی و غیر ملکی سرمایہ کاری کو فروغ دینے کے لیے متعدد اقدامات کیے جا رہے ہیں۔ حکومتی حمایت اور سینیٹر دھنیش کمار جیسے رہنماؤں کی سرپرستی سے ہم اپنے ترقیاتی اہداف حاصل کر سکیں گے۔ملاقات کا اختتام اس عزم کے ساتھ ہوا کہ تمام متعلقہ ادارے بلوچستان میں بنیادی ڈھانچے کی ترقی، روزگار کے مواقع اور علاقائی روابط کو مضبوط بنانے کے لیے مشترکہ کوششیں جاری رکھیں گے جو کہ بی بی او آئی ٹی کے مشن کا اہم حصہ ہے۔

خبرنامہ نمبر4001/2025
کوئٹہ 23 2025:
بلوچستان سول سروسز اکیڈمی (BCSA) نے سینٹر فار لرننگ آن ایویلیوایشن اینڈ رزلٹس فار پاکستان اینڈ سنٹرل ایشیا (CLEAR-PCA) اور سینٹر فار اکنامک ریسرچ ان پاکستان (CERP) کے اشتراک سے “اسٹریٹجک اپروچز ٹو پالیسی ڈیسیژن میکنگ” کے عنوان سے ایک اہم دو روزہ تربیتی ورکشاپ کا انعقاد کیا، جو 21 سے 22 مئی 2025 تک جاری رہی۔یہ ورکشاپ خاص طور پر سول سرونٹس اور مڈ کیر پبلک سیکٹر افسران کے لیے ترتیب دی گئی تھی تاکہ وہ ثبوت پر مبنی پالیسی سازی اور تزویراتی فیصلہ سازی کے حوالے سے اپنی صلاحیتوں کو مزید مضبوط بنا سکیں۔ تربیت میں مختلف محکموں اور اداروں سے تعلق رکھنے والے 22 شرکاء نے بھرپور شرکت کی جن میں بلوچستان سول سروسز (BCS)، بلوچستان سیکریٹریٹ سروسز (BSS)، ایکس-کیڈر افسران، جامعہ بلوچستان (UoB)، بیوٹمز (BUITEMS) اور سردار بہادر خان ویمن یونیورسٹی (SBK) کے نمائندگان شامل تھے۔تقریبِ افتتاح کے مہمانِ خصوصی سیکریٹری محکمہ بہبود آبادی، حکومت بلوچستان، جناب عبداللہ خان تھے، جبکہ اختتامی تقریب کی صدارت سابق سیکریٹری حکومت بلوچستان، ڈاکٹر دوستین خان جمالدینی نے فرمائی۔
اس موقع پر ڈائریکٹر جنرل بلوچستان سول سروسز اکیڈمی، ڈاکٹر حافظ احمد جمالی نے آئندہ بھی اس نوعیت کی مزید ورکشاپس کے انعقاد کے عزم کا اظہار کیا۔ انہوں نے کہا کہ ایسے اقدامات نہ صرف بلوچستان کے سول سرونٹس کو بدلتے ہوئے طرز حکمرانی کے چیلنجز سے نمٹنے کے لیے تیار کرتے ہیں بلکہ عوامی خدمات کی فراہمی اور ثبوت پر مبنی فیصلہ سازی کے فروغ میں بھی کلیدی کردار ادا کرتے ہیں۔
خبرنامہ نمبر4000/2025
کوئٹہ۔ 22 مئی2025۔
وزیر اعلیٰ بلوچستان میر سرفراز بگٹی کے وژن اور صوبائی وزیر صحت بخت محمد کاکڑ کی خصوصی دل چسپی سے بلوچستان انسٹی ٹیوٹ آف نفرو یورالوجی کوئٹہ میں دوبارہ کڈنی ٹرانسپلانٹ شروع ہوگئی ہے۔ ٹرانسپلانٹ کا عمل پچھلے تقریباً ڈیڑھ سال سے رکی ہوئی تھی اسے دوبارہ شروع کر دیا گیا ہے۔ ٹرانسپلانٹ رکنے کی وجہ سے بلوچستان کی غریب عوام کو علاج کے لیے دوسرے صوبے جانا پڑتا تھا وہاں لاکھوں اور بعض اوقات کروڑوں کا خرچہ کرنا پڑتا تھا۔ ایک مہینے کی ڈیڈ لائن میں ہسپتال کا عملہ اور ڈاکٹرز اس قابل ہوئے ہیں کہ یہاں انہوں نے ابھی تک دو ٹرانسپلانٹ کروا دی ہیں۔ فنڈز نہ ہونے کی وجہ سے کافی عرصے سے ٹرانسپلانٹ سروسز بند ہو گئی تھیں۔ حکومت بلوچستان نے فنڈز مہیا کی ہیں اور ٹرانسپلانٹ ریزیوم ہوگیا ہے۔ اس کے علاؤہ بنیق میں اب ڈائلیسز مفت ہے اور مریضوں کا کھانا پینا بھی ادارے کے ذمے ہے۔ ہسپتال کے چیف ایگزیکٹو ڈاکٹر فہیم خان کے مطابق پورے بلوچستان سے کسی بھی مریض کو ٹرانسپلانٹ کی ضرورت ہے اسے مفت یہاں پر ٹرانسپلانٹ کرنے کے لیے لایا جاسکتا ہے۔ہسپتال میں انویسٹگیشن کی وہ سہولیات فراہم کی گئی ہیں
جو بہترین پرائیوٹ ہسپتالوں میں بھی موجود نہیں ہیں۔ اسکے علاؤہ ہسپتال میں جدید ترین مشینیں ہیں جو امریکہ اور باقی ملکوں میں چلتی ہیں۔ پہلے ٹرانسلانٹ کی انویسٹگیشنز یا ٹیسٹ کے لئے ہمیں کراچی یا اسلام آباد جانا پڑتا تھا مگر اب ہسپتال میں جدید آلات موجود ہیں جو امریکہ یا یورپ کے ہسپتالوں میں لگے ہوئے ہیں۔ ایکسرے سروسز ریڈیالوجی میں بہترین معیار کے آلات، بہتر نگرانی اور اچھے ڈاکٹر مہیا کیے گئے ہیں۔ علاؤہ ازیں ہسپتال کو پورا ڈیجیٹلائز کر دیا گیا ہے۔ مریضوں اور ڈاکٹروں کے لیے ون ونڈو سہولت ہوگی۔ مخیر حضرات کے تعاون سے مریضوں اور ان کے لواحقین کو کھانا بھی فراہم کیا جاتا ہے۔ اس کے علاؤہ ہیلتھ کارڈ پروگرام بھی یہاں میسر ہے۔ ہیلتھ کارڈ پروگرام کے تحت سارے مریضوں کو سو فیصد سہولیات مفت مہیا کی جاتی ہیں۔ سوشل ویلفیر ڈپارٹمنٹ کو بھی آن بورڈ لیا گیا ہے تاکہ بلوچستان انڈوومنٹ فنڈ کو یہاں سٹارٹ کیا جاسکے۔ افغانستان جو ہمارا ایک برادر ملک ہے آن سے درخواست ہے کہ وہاں کے مریض کسی اور جگہ نہ جائیں یہاں اپنے مریض کو لائیں یہاں پر ٹرانسپلانٹ دوسرے صوبوں کی نسبت سستا ہے۔ یہ سہولت اپنے برادر اسلامی ملک کے لوگوں کو اسلامی جذبے اور انسانی ہمدردی کی بنیاد پر دی جارہی ہے۔

مزید پڑھیں

خالد معین کے ساتھ ایک شام

عمران خان کی صحت کی افواہیں – افغانستان کا تاجکستان پر حملہ | پاک بھارت جنگ! آج کی بات سیٹھی کے ساتھ

جنرل ہاؤس پر چھاپہ بھارت کا اہم سہولت کار آخر کار پکڑا گیا! | گوہر بٹ

نواز شریف کا اعلان – ایک بار پھر خطرے کی گھنٹی بج گئی! | عفت عمر کی بات میں انٹری

پی ٹی آئی کی گوڈی میڈیا میں شمولیت | نیازی سسٹرز آن ایجنڈے | تنازعات کے حل کی کمیٹیاں | GOP | عظمیٰ بخاری

نواز اور زرداری کے خلاف نیا اقدام – پاور گیم نے ابھی فیصلہ کن موڈ بدل دیا ہے I امداد سومرو