سندھ اسمبلی کے اجلاس میں رکنِ جماعتِ اسلامی محمد فاروق نے توجہ دلاؤ نوٹس پیش کر دیا۔
توجہ دلاؤ نوٹس میں محمد فاروق نے کہا ہے کہ پی ایس 91 میں پانی کی شدید قلت ہے، ہائیڈرنٹ پر کوئی پانی کی قلت نہیں ہوتی، ٹینکر سے پانی آ جاتا ہے، نل میں نہیں آتا، کراچی میں پانی کا دھندا عروج پر ہے۔
محمد فاروق نے توجہ دلاؤ نوٹس میں کہا ہے کہ اگر حکومت اس دھندے میں ملوث نہیں ہے تو اس پر کارروائی کیوں نہیں کرتی، پاکستان کے کونسے شہر میں پانی ٹینکرز سے فروخت ہوتا ہے؟
رکنِ جماعتِ اسلامی محمد فاروق نے بعد میں ایوان میں اظہارِ خیال کرتے ہوئے کہا کہ آج لوڈ شیڈنگ سے متعلق کمیٹی کا اجلاس تھا، آج بھی کے الیکٹرک کے سی ای او نہیں آئے اور اجلاس نہیں ہوا۔
انہوں نے یہ بھی کہا کہ گزشتہ اجلاس بھی ان کی غیر حاضری کی وجہ سے نہیں ہوا تھا، اگلے اجلاس میں وہ نہ آئیں تو ان کے وارنٹ جاری کیے جائیں۔
https://jang.com.pk/news/1473643
=================================
SBCA میں تمام غیرقانونی عمارتیں منہدم کرنے کی صلاحیت نہیں، آئوٹ سورس کرینگے، وزیر بلدیات
کراچی (اسٹاف رپورٹر) سندھ اسمبلی، وزیر بلدیات سندھ سعید غنی نے کہا ہے کہ کراچی سمیت سندھ بھر میں غیر قانونی تعمیرات کے خلاف ایکشن لیا جارہا ہے ،جلد ہی غیر قانونی تعمیرات کو توڑنے کے لئے تھرڈ پارٹی کو ملوث کیا جارہا ہے ،مارچ 2024 سے اپریل 2025تک 2200سے زائد غیر قانونی تعمیرات کو منہدم کیا گیا ہے۔ اس دوران 46 افسران کو شوکاز، 28کو معطل، 32کو رپورٹ، 41 وارننگ جبکہ 52افسران کو انکوائری کے بعد جرمانے کئے گئے ہیں،ایس بی سی اے میں تمام غیر قانونی عمارتیں منہدم کرنیکی صلاحیت نہیں ، آؤٹ سورس کریں گے ، ادارے کی کارروائیوں سے مطمئن نہیں ، ضلعی انتظامیہ اور ٹی ایم سی کو بھی غیر قانونی تعمیرات کیخلاف کارروائی کا اختیار دیں گے۔ ان خیالات کا اظہار انہوں نے جمعرات کے روز سندھ اسمبلی میں وقفہ سوالات میں محکمہ بلدیات کے حوالے سے ارکان کے تحریری اور ضمنی سوالات کے جوابات دیتے ہوئے کیا۔ایم کیو ایم کے رکن عبدالباسط کے تحریری اور مختلف ضمنی سوالات کے جواب میں صوبائی وزیر سعید غنی نے کہا کہ جو لوگ غیرقانونیعمارتیں بناتے ہیں وہ رشوت دینے کی شکایت نہیں کرتے، گذشتہ ای سال کے دوران 46افسران کو شوکاز، 28کو معطل، 32کو رپورٹ، 41وارننگ جبکہ 52افسران کو انکوائری کے بعد جرمانے کئے گئے ہیں ۔ ایس بی اے کی جانب سے مارچ 2024ے اپریل 2025تک 2200سے زائد غیر قانونی تعمیرات کو منہدم کیا گیا ہے۔ تاہم اس کے باوجود بھی میں ذاتی طور پر بھی شہر میں غیر قانونی عمارتوں کیخلاف کاروائیوں سے میں مطمئن نہیں ہوں۔ انہوں نے کہا کہ سندھ بلڈنگ کنٹرول اتھارٹی کے قوانین میں ترمیم لاکر مزید قوانین کو سخت کریں گے۔ انہوں نے ایوان کو بتایا کہ غیرقانونی تعمیرات کیخلاف حالیہ دنوں تین اجلاس کئے ہیں۔ ضلعی انتظامیہ اور ٹی ایم سی کو بھی غیرقانونی تعمیرات کیخلاف کارروائی کا اختیار دے رہے ہیں۔
طویل لوڈشیڈنگ، نیپرا کا کے الیکٹرک پر شدید اظہارِ برہمی
اسلام آباد(اسرار خان )پاکستان کے پاور ریگولیٹر نیپرا نے جمعرات کو کراچی میں گھنٹوں لوڈشیڈنگ پر کےالیکٹرک پر شدید برہمی کا اظہار کیا۔کوئی سنجیدہ منصوبہ پیش نہ کرنے پر سخت تنقید اور شہر قائد میں بدترین لوڈشیڈنگ پر کمپنی کی وضاحت کوبچکانہ اور زمینی حقائق سے لاتعلق قرار دیا۔ یہ بات نیپرا کی ایک عوامی سماعت کے دوران کہی گئی جو مارچ کے ماہانہ فیول چارجز ایڈجسٹمنٹ کی درخواست پر ہو رہی تھی۔کےالیکٹرک نے مارچ 2025 کے لیے فی یونٹ 5.02 روپے کمی کی درخواست کی ہے، جس کا فیصلہ بعد میں ہوگا۔ یہ ریلیف چند مخصوص صارفین کے علاوہ تمام پر لاگو ہوگا۔گرمی کی شدت میں اضافے کے ساتھ ہی شہریوں اور کاروباری نمائندوں نے لوڈشیڈنگ کی بدتر ہوتی صورتحال کو ناقابل برداشت قرار دیا۔ کراچی چیمبر آف کامرس کے نمائندے نے نیپرا کو بتایا کہ بجلی کا بحران روزمرہ زندگی اور کاروباری سرگرمیوں کو بری طرح متاثر کر رہا ہے۔
==============================
ریٹائرمنٹ کے بعد دوبارہ سرکاری ملازمت حاصل کرنے والے ملازمین کا ریکارڈ طلب
23 مئی ، 2025FacebookTwitterWhatsapp
اسلام آباد -بین الاقوامی مالیاتی اداروں آئی ایم ایف اور عالمی بینک کے مطالبے پر پنشن اصلاحات پر عملدرآمد کے لئے تمام وزارتوں اور ڈویژنوں نے ریٹائرمنٹ کے بعد دوبارہ سرکاری ملازمت حاصل کرنے والے ملازمین کا مکمل ریکارڈ طلب کر لیا۔ ذرائع کے مطابق ایف بی آر نے تمام فیلڈ فارمیشنز کو جاری مراسلہ میں ہدایت کی ہے کہ گریڈ 1سے 16تک کے ان تمام ملازمین کا ریکارڈ 26مئی تک فراہم کیا جائے جنہوں نے ریٹائرمنٹ کے بعد کسی بھی حیثیت ریگولر یا کنٹریکٹ میں دوبارہ ملازمت اختیار کی ہے
=====================
کے الیکٹرک ارکان اسمبلی کی عزت کرتی ہے،ترجمان
23 مئی ، 2025FacebookTwitterWhatsapp
کراچی (اسٹاف رپورٹر )ترجمان کے-الیکٹرک نے کہا ہے کہ کے-الیکٹرک، صوبائی اسمبلی سندھ اور اس کے منتخب اراکین کو عزت و احترام کی نگاہ سے دیکھتی ہے۔ کمپنی کی انتظامیہ اس بات کی مکمل پاسداری کرتی ہے کہ جہاں ضرورت ہو وہاں مناسب نمائندگی اور درکار معلومات فراہم کی جائیں۔
==================
مرتضیٰ اور مسرور جتوئی پر سندھ حکومت کی ایف آئی آرز قابل مذمت، جی ڈی اے
23 مئی ، 2025FacebookTwitterWhatsapp
کراچی( اسٹاف رپورٹر) جی ڈی اے کے مرکزی رہنماؤں ڈاکٹر صفدر علی عباسی ڈاکٹر ذوالفقار مرزا سید زین شاہ سردار عبدالرحیم نے مرتضیٰ خان جتوئی اور مسرور خان جتوئی پر سندھ حکومت کی جانب سے ناحق ایف آئی آر درج کرانے کی جتنی مذمت کی جائے وہ کم ہے اور چیف جسٹس آف پاکستان اور سندھ ہائیکورٹ کے چیف جسٹس سے اپیل کرتے ہیں کہ میر مرتضٰی خان جتوئی اور مسرور خان جتوئی کے خلاف من گھڑت جھوٹے ایف آئی آر درج کرنے کا نوٹس لیکر انصاف فراہم کیا جائے ان خیالات کا اظہار جی ڈی اے کے رہنماؤں نے مشترکہ بیان میں کیا ۔جی ڈی اے کے رہنماوں نے مزید کہا کہ عوامی حمایت سے محروم پیپلز پارٹی کی قیادت اب اپنا ذہنی توازن بھی کھو رہی ہے ۔
