سندھ فوڈ اتھارٹی ضلع کیماڑی کی کارروائی ۔ دودھ ، گوشت کی دکانوں اور کھانے پینے کے مراکز کا اچانک معائنہ کیا ۔
صفائی ستھرائی کی ناقص صورتحال پر امپرومنٹ نوٹسز جاری اور جرمانے بھی عائد کئے گئے ۔
کراچی ۔ 22 مئی۔ سندھ فوڈ اتھارٹی ضلع کیماڑی کی ٹیم نے میٹرو ول سائٹ اور بلدیہ کے علاقوں میں دودھ اور گوشت کی دکانوں اور کھانے پینے کے مراکز کا اچانک معائنہ کیا ۔ یہ کارروائی وزیر اعلیٰ سندھ کے معاون خصوصی برائے خوراک عبد الجبار خان اور ڈائریکٹر جنرل سندھ فوڈ اتھارٹی آصف علی جان صدیقی کی ہدایت پر کی گئی ۔ کارروائی ڈپٹی ڈائریکٹر کیماڑی محمد بشیر خان کی نگرانی میں کی گئ۔
اس موقع پر ڈپٹی کمشنر کیماڑی راجہ طارق چانڈیو، اسٹنٹ کمشنرز ندا ثمن اور مرخ گل بھی موجود تھے۔ سندھ فوڈ اتھارٹی کی
ٹیم نے دودھ ، مصالجات، ریسٹورنٹ ، جنرل اسٹورز اور گوشت کی دکانوں کا اچانک معائنہ کیا۔ صفائی ستھرائی کی ناقص صورتحال پر کھانے پینے کی اشیاء کے مراکز کو امپرومنٹ نوٹسز جاری کئے گئے جبکہ ٹیم نے زائد المعیاد اشیاء کو موقع پر ہی ضائع کردیا۔ سندھ فوڈ اتھارٹی ضلع کیماڑی کی ٹیم نے متعدد کھانے پینے کے مراکز پر جرمانے بھی عائد کئے۔ اس موقع پر گفتگو کرتے ہوئے ڈپٹی ڈائریکٹر سندھ فوڈ اتھارٹی ضلع کیماڑی محمد بشیر خان نے کہا کہ کھانے پینے کی غیر معیاری اشیاء کی فروخت پر کوئی سمجھوتہ نہیں کیا جائے گا ۔
کھانے پینے کے مراکز سے وابستہ افراد سندھ فوڈ اتھارٹی کے قوانین کی پاسداری کریں بصورت دیگر ان کے خلاف قانون کے مطابق کارروائی کی جائے گی ۔
