راولپنڈی
خضدار سکول بس پر دھماکہ کی شدید الفاظ میں مذمت کرتا ہوں۔چوہدری انعام ظفر
پوری قوم پاک افواج کے ساتھ مل کردشمن کے ناپاک ارادے خاک میں ملائے گی۔چوہدری انعام ظفر
سیاسی و سماجی رہنما چوہدری انعام ظفر نے خضدار سکول بس پر دھماکہ سے تین طالبات سمیت پانچ افراد کی شہادتوں پر شدید دکھ کا اظہار کیا،واقعہ کی شدید الفاظ میں مذمت کی اور کہا کہ دشمن پاک فوج کی کامیابی پر بوکھلاہٹ کا شکار ہے، جو معصوم بچوں کو نشانہ بنا رہا یے۔عوام کو یقین ہے کہ پاک فوج پاکستان کو دہشت گردی سے پاک کرکے دم لے گی۔دشمن کے ہر وار کا جواب دیا جائے گا۔
عوام پاکستان پارٹی کے رہنما چوہدری انعام ظفر نے اپنے اہم بیان میں کہا کہ خضدار میں زیرو پوائنٹ کے قریب اسکول بس پر دھماکے سے 3 طالبات سمیت 5 افراد شہید اور متعدد زخمی ہوئے۔جس پر پوری قوم سوگوار ہے۔ دہشتگردوں کا کوئی مذہب نہیں۔انھوں نے کہا کہ پاکستان کا دشمن نہایت بزدل ہے،جو ہمیشہ پیٹھ پر وار کرتا ہے،سامنے آکر مقابلہ کرنے کی جرات نہیں۔وہ دن دور نہیں جب ہماری فورسز دشمن کے عزائم خاک میں ملا دے گی۔ معصوم بچیوں کو نشانہ بنانا درندگی کی علامت ہے۔چوہدری انعام ظفر کا مزید کہنا تھا کہ آئی ایس پی آر کے مطابق اس بزدلانہ کارروائی کے پس پشت بھارت ملوث ہے۔اس کی بھرپور الفاظ میں مذمت کرتے ہیں۔پوری قوم پاک افواج کے ساتھ ہے۔ہم مل کر دشمن کے ناپاک ارادے خاک میں ملائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
