حب ڈیم سے حب کینال 2 کا فیتا ضرور کٹے گا لیکن کراچی کے شہریوں کو اضافی پانی نہیں مل سکے گا ۔ بڑی رکاوٹ کا پتہ چل گیا ، حکومت جان بوجھ کر خاموش ؟
تفصیلات کے مطابق حب ڈیم بلوچستان سے کراچی کے شہریوں کے لیے اضافی پانی لانے کا منصوبہ مزید مسائل کا شکار ہو گیا ہے اضافی پانی لانے کے لیے حب کینال پر کام تو جاری ہے لیکن معلوم ہوا ہے کہ اس کا فیتا ضرور کٹے گا افتتاحی تختی بھی نصب ہو جائے گی اور تالیاں بھی بجائی جائیں گی لیکن عملی طور پر کراچی کے شہریوں کو اضافی پانی نہیں مل سکے گا کیونکہ اس مقام سے پانی کی اضافی مقدار کو پمپ کرنے والے پمپنگ اسٹیشنوں کی کپیسٹی ابھی تک بڑھائی نہیں جا سکی ذرائع کے مطابق اس منصوبے کے لیے 13 ارب روپے کی لاگت کی منظوری حاصل کی گئی تھی لیکن پمپنگ اسٹیشنوں کی کپیسٹی بڑھانے کے لیے مزید رقم درکار ہے گویا 18 ارب روپے کا کام ہوگا جس کی منظوری نہیں ہے لہذا فنڈز کی کمی اور منظوری نہ ہونے کی وجہ سے کام متاثر ہوگا اور اضافی پانی کراچی تک پہنچانے کا بندوبست نہیں ہو سکے گا اور یہ خدشہ ہے کہ یہ منصوبہ بھی تاخیر کا شکار ہو جائے گا یا اپنے اہداف حاصل کرنے میں ناکام رہے گا صورتحال سے واقفیت رکھنے والے ماہرین کا کہنا ہے کہ ایک مقام پر حب کنال اور کے تھری سے انے والا پانی اپس میں مل کر کراچی کی طرف بڑھتا ہے کراچی کو پانی پہنچانے کے لیے پمپنگ کیپیسٹی نہیں ہوگی مطلوبہ پمپنگ کیپیسٹی کو بڑھانے کے لیے مزید کام کی ضرورت ہے جس پر ابھی تک کوئی شروعات نہیں ہوئی ٹکنیکی طور پر اس منصوبے میں خامیاں اور نقائص موجود ہیں جن کی انجینیئرز نے نشاندہی بھی کی تھی لیکن اس پر توجہ نہیں دی گئی صوبائی حکومت اس حوالے سے جلدی میں تھی اور وہ کراچی کو پانی فراہم کرنے کے منصوبے کا تیزی سے کام مکمل کرنا چاہتی تھی اس لیے 13 ارب روپے کی منظوری لی گئی لیکن اس میں پمپنگ اسٹیشنوں کی کیپیسٹی کو بڑھانے کا کام شامل نہیں تھا جس کا خیال بعد میں ایا ہے اور اب اضافی پیسوں کی ضرورت پڑے گی تو کام متاثر ہوگا کم از کم ساڑھے چار پانچ ارب روپے مزید درکار ہوں گے جس سے یہ منصوبہ 13 ارب روپے سے بڑھ کر 18 ارب تک پہنچ سکتا ہے لیکن اس کے لیے طویل کاغذی دستاویزی کا ہم کرنے پڑیں گے جس میں وقت لگے گا اور صوبائی حکومت کے پاس وقت نہیں ہے وہ جلد از جلد اس منصوبے کو تکمیل تک پہنچا کر عوام سے کیا گیا وعدہ پورا کرنا چاہتی ہے کہ ہم کنال سے اضافی پانی پہنچا دیا گیا لیکن یہ ابھی تک ایک نعرہ اور خواب ہے اور اس کی تکمیل اور اس خواب کو جرمندہ تعبیر کرنے کے لیے ابھی کافی مراحل سے گزرنا پڑے گا ۔ حب کے نال سے کراچی کو 100 ملیین میاں کی فراہمی کا ہدف ہے پرانی کنال میں بمشکل 30 35 ملین گیلن پانی پہنچ پا رہا ہے اس لیے اسے بہتر بنانے کے لیے دوسری کنال تعمیر کرنے کا فیصلہ کیا گیا تھا جس میں پانی شفٹ کیا جائے گا اور پھر پہلی کینال کی مرمت کی جائے گی اور پھر خیال یہ کیا جا رہا ہے کہ دونوں کنال جب درست ہو جائیں گی تو کراچی کو س کی بجائے ڈیڑھ سو سے 200 ملین گیلن پانی یومیہ فراہم کیا جا سکے گا لیکن یہ ایک بڑی ائیڈیل صورتحال ہوگی جب ایسا ہوگا ماہرین کے مطابق بظاہر ایسا نہیں ہو سکے گا کیونکہ اتنا پانی پمپ کرنے کے لیے پمپنگ اسٹیشنوں میں گنجائش نہیں ہے اگر اتنا پانی کراچی کو بھیجنا ہے تو پہلے پمپنگ اسٹیشنوں کی گنجائش بڑھانے کا کام مکمل کرنا ہوگا جس پر ابھی تک کام شروع ہی نہیں کیا گیا ۔
====================
حکومت کیا کہتی ہے
حکومت اور کراچی واٹر بورڈ کی مشترکہ کوششوں سے شہر میں پانی کے بحران کو حل کرنے کے لیے “ہب کینال 2 منصوبہ” تیزی سے آگے بڑھ رہا ہے۔ یہ نیا کینال ہب ڈیم سے کراچی تک روزانہ 100 ملین گیلن پانی (ایم جی ڈی) کی ترسیل کو یقینی بنائے گا، جس سے شہریوں کو پانی کی مستقل فراہمی میسر آئے گی۔
منصوبے کی اہم تفصیلات:
موجودہ کینال، جو 45-46 سال پرانا ہے، میں رساؤ اور دیگر خرابیوں کی وجہ سے پانی کی ترسیل متاثر ہو رہی تھی۔
نیا کینال جدید ٹیکنالوجی کے ساتھ تعمیر کیا جا رہا ہے، جو پانی کے ضیاع کو روکے گا۔
ہب پمپنگ اسٹیشن اور فلٹر پلانٹ کو اپ گریڈ کرکے 80 ایم جی ڈی سے 100 ایم جی ڈی تک کی صلاحیت دی جائے گی۔
اس منصوبے سے ویسٹ ڈسٹرکٹ اور کیماری جیسے علاقوں میں پانی کی سپلائی میں نمایاں بہتری آئے گی۔
ترقی اور تکمیل کی توقع:
نئے کینال کی تعمیراتی کام تقریباً مکمل ہو چکا ہے۔
پورا منصوبہ اگست 2025 تک مکمل ہونے کی توقع ہے۔
موجودہ کینال کی مرمت بھی نئے کینال کے فعال ہونے کے بعد کی جائے گی۔
یہ منصوبہ کراچی کے عوام کے لیے ایک بڑی خوشخبری ہے، جو شہر میں پانی کے مسائل کو حل کرنے میں اہم کردار ادا کرے گا۔ اللہ پاک اس منصوبے کو کامیاب بنائے اور شہریوں کو راحت پہنچائے! آمین۔
========================
22 مئی 2025 / میڈیا سیل / ایم ڈی / سی ای او / کراچی واٹر اینڈ سیوریج کارپوریشن
کراچی: کے الیکٹرک نے گھارو پمپنگ اسٹیشن اور فلٹر پلانٹ پر بجلی بحال کردی، ترجمان
کراچی: کیبل اور سی ٹی فالٹ کا کام رات 1 بج کر 35 منٹ پر مکمل ہوا، ترجمان واٹر کارپوریشن
کراچی: گھارو پمپنگ اسٹیشن سے شہر کو پانی کی فراہمی شروع، ترجمان واٹر کارپوریشن
کراچی: واضح رہے کہ گھارو پمپنگ اسٹیشن سے شہر کو یومیہ 30 ایم جی ڈی پانی فراہم کیا جاتا ہے، ترجمان
جاری کردہ:- عبدالقادر شیخ
پبلک ریلیشنز آفیسر (پی-آر-او)
کراچی واٹر اینڈ سیوریج کارپوریشن
==========================
17 مئی 2025 / میڈیا سیل / ایم ڈی / سی ای او / کراچی واٹر اینڈ سیوریج کارپوریشن
پریس ریلیز:-
کراچی واٹر اینڈ سیوریج کارپوریشن کے بورڈ آف ڈائریکٹرز کا اجلاس، اجلاس میں ماسٹر پلان 2050 اور پانی چوری کی روک تھام سے متعلق اہم فیصلے
کراچی( )کراچی واٹر اینڈ سیوریج کارپوریشن کے بورڈ آف ڈائریکٹرز کا اہم اجلاس میئر کراچی و چیئرمین واٹر کارپوریشن بیرسٹر مرتضیٰ وہاب کی زیر صدارت منعقد ہوا اجلاس میں کمشنر کراچی سید حسن نقوی ڈاکٹر سروش لودھی عبد الکبیر قاضی تنزیل پیرزادہ ظفر سوبانی سی ای او واٹر کارپوریشن احمد علی صدیقی اور سی او او انجینئر اسد اللہ خان سمیت بورڈ کے دیگر اراکین نے شرکت کی ترجمان واٹر کارپوریشن کے مطابق اجلاس میں گزشتہ نویں بورڈ اجلاس کے منٹس کی توثیق کی گئی جبکہ دسویں اجلاس میں مختلف اہم ایجنڈا آئٹمز کی منظوری دی گئی اجلاس میں ماسٹر پلان 2050 پر تفصیلی غور کرکے مختلف پہلوؤں پر تبادلہ خیال کیا گیا میئر کراچی بیرسٹر مرتضیٰ وہاب نے ہدایت دی کہ ماسٹر پلان 2050 پر تیزی سے عملدرآمد کو یقینی بنایا جائے تاکہ کراچی کے شہریوں کو مستقبل میں پانی اور نکاسی آب کی بہتر سہولیات میسر آ سکیں اس موقع پر پانی کی چوری کے مسئلے کے حل کے لیے متعلقہ قانون میں ممکنہ ترامیم پر بھی غور کیا گیا واٹر کارپوریشن بورڈ نے اس ضمن میں سندھ حکومت کو باضابطہ درخواست دینے کی منظوری دی تاکہ قانون میں ترمیم کے بعد واٹر کارپوریشن کو پانی چوری میں ملوث افراد کی جائیدادیں ضبط کرنے کا مکمل قانونی اختیار حاصل ہو سکے اجلاس میں ادارے کی تنظیمی مضبوطی کے لیے اہم تقرریوں کی منظوری بھی دی گئی ترجمان کے مطابق محمد عمار خان کو چیف فنانشل آفیسر جمشید رضا کو چیف ہیومن ریسورس آفیسر نوید افضال کو چیف اسٹریٹیجی آفیسر اور سعادت انور کو چیف انفارمیشن ٹیکنالوجی آفیسر کی مقرری کی منظوری دی گئی۔
جاری کردہ:- عبدالقادر شیخ
پبلک ریلیشنز آفیسر (پی-آر-او)
کراچی واٹر اینڈ سیوریج کارپوریشن
=========================
10 مئی 2025 / میڈیا سیل / ایم ڈی / سی ای او / کراچی واٹر اینڈ سیوریج کارپوریشن
کراچی: میئر کراچی بیرسٹر مرتضیٰ وہاب سی ای او واٹر کارپوریشن احمد علی صدیقی اور سی او او واٹر کارپوریشن انجینئر اسداللہ خان کا شہر کے مختلف علاقوں کا تفصیلی دورہ
کراچی: میئر کراچی نے اسلام گنج کالونی نزد لسبیلا برج، لیاری ندی، مسرت سینیما ناظم آباد، سیف اللہ بنگش اڈہ اور سلیکا مشین فیکٹری کے سامنے واقع آئیس فیکٹری ناظم آباد کا دورہ کیا، ترجمان
کراچی: میئر کراچی نے واٹر کارپوریشن افسران کے ہمراہ پانی کی فراہمی اور چوری سے متعلق صورتِ حال کا مکمل جائزہ لیا، ترجمان
کراچی: دورے کا مقصد شہر میں پانی چوری کے خلاف کریک ڈاؤن کو مزید مؤثر اور تیز کرنا ہے، ترجمان
کراچی: پانی چوری کی مکمل صاف شفاف اور غیر جانبدارانہ جانچ پڑتال کی جائے گی، میئر کراچی بیرسٹر مرتضیٰ
کراچی: پانی چوری میں ملوث عناصر کے خلاف سخت قانونی کاروائی کی جائے گی، میئر کراچی
کراچی: انتظامی طور پر پانی چوری میں ملوث افسران کے خلاف بھی محکمانہ کاروائی کی جائے گی، بیرسٹر مرتضیٰ وہاب
کراچی: پانی صرف شہریوں کا حق ہے، کسی کو چوری کرنے کی اجازت نہیں دی جائے گی، میئر کراچی
کراچی: عوام کے حصے کا پانی کسی بھی صورت ضائع یا چوری نہیں ہونے دیا جائے گا، بیرسٹر مرتضیٰ وہاب
کراچی:پانی کی منصفانہ اور بلا تعطل فراہمی یقینی بنانے کے لیے تمام اقدامات کیے جائیں، میئر کراچی کی سخت ہدایت
کراچی: میئر کراچی بیرسٹر مرتضیٰ وہاب کا پانی چوری کے خلاف سخت ایکشن
کراچی: میئر کراچی کی ہدایت پر سی ای او واٹر نے فوری ایکشن لیتے ہوئے پانی چوری میں ملوث دو افسران کو معطل کردیا،
کراچی: ایگزیکٹو انجینئر ایف ٹی ایم ایس ایم احسن اور ایگزیکٹو انجینئر سی ٹی ایم احسان اللہ شیخ کو معطل کردیا گیا،
کراچی: واٹر کارپوریشن کے ایچ آر ڈپارٹمنٹ نے دونوں افسران کی معطلی کا نوٹیفکیشن جاری کردیا،
کراچی: پانی چوری میں ملوث کسی بھی افسر یا اہلکار کے خلاف بلا امتیاز کاروائی کی جائے گی، میئر کراچی
کراچی: شہریوں کو پانی کی منصفانہ اور بلا تعطل فراہمی یقینی بنانے کے لیے تمام تر اقدامات بروئے کار لائے جائیں گے، بیرسٹر مرتضیٰ وہاب
جاری کردہ:- عبدالقادر شیخ
پبلک ریلیشنز آفیسر (پی۔آر۔او)
کراچی واٹر اینڈ سیوریج کارپوریشن
