کراچی( )کمشنر کراچی سید حسن نقوی کے احکامات پر کراچی کے تمام اضلاع کے ڈپٹی کمشنر کی زیر نگرانی اسسٹنٹ کمشنرز دیگر اداروں کے اشتراک سے کراچی کو تجاوزات سے پاک کرنے کے لیے بہت بڑے پیمانے پر گرینڈ آپریشن شروع کر دیا ہے جس کی بر اہ راست نگرانی اسسٹنٹ کمشنرہیڈ کوارٹر رابعہ سعید کر رہی ہیں۔کمشنرکر اچی کے ترجمان غلام محمد خان کے مطابق پٹھان کالونی،سائیٹ، ملیرندی اور اطراف میں عبداللہ شاہ غازی مزار، ابرا ہیم حیدری، نیشنل ہائی وے، کیٹل کالونی، کورٹ روڈ،راشد مہناس روڈ،علی گوٹھ، الیکٹرانک مارکیٹ، بنارس چوک لسبیلہ چوک،گولیمار، سرشاہ سلیمان روڈتالیاری ،عیسیٰ نگری کی بکرا پیڑی، لیاری کے مختلف علاقے پاکستان چوک ، لیمارکیٹ صدر، آرام باغ ،گارڈن، شاہ فیصل کالونی میں آپریشن کے دوران دو کا نیں مسمار کی گئیں،پتھارے ،ہوٹل کے سامنے فرنیچرختم کیا گیا آپریشن کلین اپ روزانہ کی بنیاد پر جاری رہےگا کمشنر کراچی نے آپریشن کرنے پر تمام ڈپٹی کمشنرز اسسٹنٹ کمشنرز اور مختلف ٹی ایم سیز کی حوصلہ افزائی کی ہے اور اس عزم کا اظہار کیا ہے کہ کراچی کو تجاوزات سے پاک شہر انشاءاللہ عید الضحیٰ سے قبل بنادیا جائے گا انہوں نے کر اچی کے شہریوں سے اپیل کی ہے کہ وہ تجاوزات کی نشاندہی کے لیے متعلقہ ڈپٹی کمشنر اوراسسٹنٹ کمشنر کو اطلاع فراہم کریں یاکمشنر آفس کے کنٹرول روم کے نمبر021-99203443 اور021-9920266پر رابطہ کریں۔دریں اثناءکمشنر کراچی ڈویژن سید حسن نقوی کے زیر نگرانی پرائس ایڈوائزری کمیٹی کا اجلاس ہوااجلاس میں ایڈیشنل کمشنر کراچی-1 سید غلام مہندی شاہ، ایڈیشنل کمشنر کراچی-2 اسد کھوسو، اسسٹنٹ کمشنر ہیڈ کوارٹر رابعہ سید، ڈپٹی ڈائریکٹر سن فوڈ اتھارٹی، اسسٹنٹ ڈائریکٹر بیورو اف سپلائی اینڈ پرائزز، شکیل بیگ چیئرمین کنزیومر رائٹس پروٹیکشن کونسل آف پاکستان، شوکت مختار جنرل سیکرٹری ڈیری فارمرز ایسوسیشن کراچی، جی ایچ خالق پاکستان پولٹری ایسوسی ایشن پرائس ایڈوائزری کمیٹی کے اجلاس میں قیمتوں کے کنٹرول اور زائد قیمتیں وصول کرنے والے ناجائز منافع خوروں پر بات کی گئی۔کراچی سبزی منڈی میں غیر قانونی ماشہ خور یا ناجائز منافع حاصل کرنے والوں کو کسی صورت برداشت نہیں کیا جائے گا ۔کمشنر کراچی نے ڈپٹی کمشنر ایسٹ کو پابند کیا کہ تمام ماشہ خور رجسٹرڈ کیے جائیں اور غیر رجسٹرڈ ماشہ خوروں کو منڈی سے نکال دیا جائے اور ریٹیل کی سطح پر ناجائز منافع حاصل کرنے والوں کے خلاف بھرپور قانونی کاروائی کے ساتھ ساتھ جیل بھیجا جائے۔کمشنر کراچی نے سختی سے نوٹس لیتے ہوے ہدایت کی کہ کسی بھی نان بائی یا ہوٹل کو یہ اجازت نہیں دیں گے کہ عوام کو سرکاری نرخ سے زائد قیمت میں چپاتی یا نان فروخت کریں انہوں نے تمام ڈپٹی کمشنر سے کہا ایسے نان بائی یا ہوٹلز ناجائز منافع خوری کر رہے ہوں ان کے خلاف سخت سے سخت کاروائی عمل میں لائی جائے تاکہ عوام کو آٹا سستا ہونے کا فائدہ پہنچ سکے اور کنٹرولر جنرل پرائس کراچی کی پرائس لسٹ کے مطابق چپاتی اور نان فروخت کیے جائیں ۔کمشنر کراچی نے حکم دیا کہ ایک ہی دن پورے کراچی ڈویژن میں تمام ڈپٹی کمشنرز اسسٹنٹ کمشنرز پرائس کنٹرول ڈرائیو کریں اس ڈرائیو میں ناجائز منافع خوروں کو جرمانے، سرکاری نرخ پر فروخت کروانا یا پھر جیل بھیجنا شامل ہوگا۔
