سرجانی ٹاون میں گھر کے اندر قائم چیز کی دکان میں جواں سال لڑکی نے ڈوپٹے کی مدد سے پھندا لگاکر خودکشی کرلی، لڑکی کے جسم پر کسی بھی نوعیت کا کوئی تشدد اور جنسی تشددبھی نہیں ہوا،خودکشی کی وجہ سامنے نہیں آسکی

کراچی(کرائم رپورٹر)

کراچی(کرائم رپورٹر)آرام باغ کے علاقے میں واقع پارک سے ملنگ کی لاش برآمد ہوئی۔تفصیلات کے مطابق آرام باغ کے علاقے آرام باغ پارک کے اندر سے 55سالہ نامعلوم ملنگ کی لاش برآمد ہوئی ،جسے پولیس نے فلاحی ادارے کے رضا کاروں کی مدد سے اسپتال منتقل کی،فوری طورپر لاش کی شناخت نہیں ہوسکی،ابتدائی طورپر وجہ موت طبعی بتائی جاتی ہے ،پولیس نے ضابطے کی کارروائی کے بعد لاش ورثاءکے حوالے کردی ۔

کراچی(کرائم رپورٹر) سرجانی ٹاون میں گھر کے اندر قائم چیز کی دکان میں جواں سال لڑکی نے ڈوپٹے کی مدد سے پھندا لگاکر خودکشی کرلی، لڑکی کے جسم پر کسی بھی نوعیت کا کوئی تشدد اور جنسی تشددبھی نہیں ہوا،خودکشی کی وجہ سامنے نہیں آسکی۔تفصیلات کے مطابق سرجانی ٹاون تھانے کی حدود سرجانی شاہ بیگ گوٹھ ٹی ٹین چنگچی اسٹاپ کے قریب واقع ایک گھرمیں قائم چیز کی دکان میں منگل کی دوپہر ساڑھے تین بجے کے قریب جواں سال لڑکی کی پھندا لگی لا ش کی اطلاع پر پولیس اور فلاحی ادارے کے رضاکار موقع پرپہنچے اور موقع معائنہ کے بعد لاش ضابطے کی کارروائی کیلئے عباسی شہیدسپتال منتقل کی گئی ،ایس ایچ او محمد علی شاہ کے مطابق متوفیہ لڑکی کی شناخت 12 سالہ مہک دختر غلام دستگیر کے نام سے ہوئی،متوفیہ لڑکی نے اپنے ڈوپٹے کی مدد سے دکان میں لگے لوہے کے پائپ میں پھندا لگا کر خودکشی کی ہے ،فوری طور پر خودکشی کی وجہ سامنے نہیں آسکی،جبکہ متوفیہ لڑکی کے ورثاءنے اپنے بیان میں پولیس کو کہنا تھاکہ وہ دوپہر تین بجے کے قریب سورہے تھے کہ اس دوران مہک نے خودکشی کی،جبکہ گھر میں دیگر افراد بھی موجود تھے مگر وہ دکان کے ساتھ واقع گھر کے دیگر کمروں میں موجودتھے،ہیڈ محرر علی خان کے مطابق لیڈی ایم ایل او نے اس بات کی تصدیق کی ہے کہ لڑکی کے جسم پر کسی بھی نوعیت کا کوئی تشدد اور جنسی تشددبھی نہیں ہوا،تاہم پوسٹ مارٹم رپورٹ وصول ہونے پر ہی موت کی اصل وجہ سامنے آسکے گی،تاہم پولیس نے لاش ضابطے کی کارروائی کے بعد ورثاءکے حوالے کردی ،اس حوالے سے پولیس مزید تحقیقات کررہی ہے ۔

کراچی(کرائم رپورٹر) ساحل کے علاقے ڈیفنس خیابان اقبال کے بنگلے میں اے سی کے تار جوڑنے کے دوران کرنٹ لگنے سے بہاولپور سے تعلق رکھنے والا نوجوان مزدورجاں بحق ہوگیا،جبکہ اتحاد ٹاون کے علاقے میں دکان کے شٹر سے کرنٹ لگنے کے نتیجے میں معصوم بچی جان سے گئی۔تفصیلات کے مطابق ساحل تھانے کی حدود ڈیفنس فیز 8 خیابان اقبال اسٹریٹ نمبر 27 پر واقع ایک بنگلے میں بدھ کی شام چاربجے کے قریب کرنٹ لگنے کے نتیجے میں نوجوان مزدورجاں بحق ہوگیا،متوفی کی لاش پولیس نے فلاحی ادارے کے رضا کاروں کی مدد سے جناح اسپتال منتقل کی ،ہیڈ محررعمیر کے مطابق متوفی کی شناخت 26 سالہ آصف کے نام سے ہوئی ،وہ مذکورہ بنگلے میں اے سی فٹ کرنے کے بعد بجلی کے تارجوڑ رہا تھاکہ اسے اچانک کرنٹ لگا او روہ موقع پر ہی جاں بحق ہوگیا،تاہم پولیس نے ضابطے کی کارروائی کے بعد لاش ورثاءکے حوالے کردی ،متوفی شیریں جناح کالونی کا رہائشی اور اس کا آبائی تعلق بہاولپور سے تھا۔علاوہ ازیں اتحاد ٹاون تھانے کی حدود بلدیہ اتحاد ٹاو¿ن خیبر چوک توحید محلے میں گھر کے باہر دوکان کے شٹر سے کرنٹ لگنے سے 7 سالہ بچی جاں بحق منگل کی شب جاں بحق ہوگئی،متوفیہ بچی کی لاش ایدھی ایمبولینس کے ذریعے مرشد اسپتال منتقل کی گئی ،ایس ایچ او چوہدری جاوید کے مطابق متوفیہ بچی کی شناخت زینب دختر عرفان کے نام سے ہوئی ،ایس ایچ او کے مطابق متوفیہ بچی کے گھر کے ساتھ چیز کی دکان ہے ،دکان کے شٹر کے ساتھ بجلی کامیٹر لگا ہوا تھا اور میٹر کاتار چھلاہواتھا اور وہ شٹر کے ساتھ آکر لگ گیا اور شٹر میں کرنٹ پھیل ہوا تھاکہ اچانک گھر سے بچی چیز لینے نکلی اور شٹر کے ساتھ لگے لوہے کو بچی نے ہاتھ لگایا تو وہ موقع پر ہی کرنٹ لگنے سے جاں بحق ہوگئی،ایس ایچ او کے مطابق ورثاءاگر قانونی کارروائی کرائینگے تو پولیس واقعے کا مقدمہ درج کرکے تحقیقات کی جائے گی ۔

کراچی(کرائم رپورٹر) بوٹ بیسن کے علاقے میں زیر تعمیرعمارت کی پندرویں منزل سے گرکر کشمورسے تعلق رکھنے والا نوجوان مزدورجاں بحق ہوگیا۔تفصیلات کے مطابق بوٹ بیسن تھانے کی حدود کلفٹن بلاک 2 ضیاءالدین اسپتال کے قریب واقع ایک زیر تعمیر بلڈنگ کی پندرویں منزل سے گر کر بدھ کی شام ساڑھے پانچ بجے کے قریب مزدورجاںبحق ہوگیا،اطلاع ملنے پرپولیس اور فلاحی ادارے کے رضا کارموقع پرپہنچے اور لاش ضابطے کی کارروائی کیلئے جناح اسپتال منتقل کی گئی ،ایس ایچ او ریاض نیازی کے مطابق متوفی کی شناخت24 سالہ علی اصغر ولد جلال خان کے نام سے ہوئی ،جو بلڈنگ کی بالائی منزل سے ریمپ اتاررہا تھاکہ وہ اپنا توازن برقرارنہیں رکھ سکا اور پندرویں منزل سے گرکر موقع پر جاں بحق ہوگیا،ایس ایچ او کے مطابق متوفی کا آبائی تعلق کشمور سے تھا،جبکہ متوفی نوجوان کے رشتے داروں سے پولیس نے رابط کیا اور ضروری کارروائی کے بعد لاش رشتے داروں کے حوالے کردی،جبکہ متوفی کے رشتے داروں کا کہنا تھاکہ تدفین سے فارغ ہوکر واقعے کا مقدمہ درج کرائینگے۔

کراچی(کرائم رپورٹر) اے وی ایل سی کیماڑی ڈویثرن پولیس نے ایک ملزم کو گرفتارکرکے تھانہ تیموریہ کی حدود سے چوری شدہ کاراوراسلحہ برآمد کرلیا۔ایس ایس پی، اینٹی وہیکل لفٹنگ سیل بشیر احمد بروہی کے مطابق اے وی ایل سی کیماڑی ڈویثرن نے دوران چیکنگ مشرف کالونی کے قریب کارروائی کرتے ہوئے ایک ملزم کاشف مری ولد پیر بخش کو گرفتارکرکے قبضے سے تھانہ تیموریہ کی حدودسے چوری شدہ سوزوکی کلٹس کار نمبر AQG-821 اور اسلحہ برآمدکرلیا،پولیس کے مطابق ملزم کے خلاف ناجائز اسلحہ اور چوری کے مقدمات درج کرلیا گیا ہے ،جبکہ ملزم کا کوئی سابقہ کرمنل ریکارڈ نہیں ملا ہے ،ا س حوالے سے پولیس مزید تفتیش کررہی ہے ۔

کراچی(کرائم رپورٹر) منگھو پیر کے علاقے سے لاوارث حالت میںملنے والے2 سگے بھائیوں سمیت 3 بچے پولیس نے ایدھی فاﺅنڈیشن کے حوالے کردیے،بعدازاں بچوں کواہلخانہ کے حوالے کردیا گیا۔تفصیلات کے مطابق منگھو پیر کے علاقے علیاآباد چنگی ناکے کے قریب سے منگل کے روز پولیس کو تین معصوم بچے لاوارث حالت میں ملے،جنہیں پولیس نے اپنی تحویل میں لے کر مساجد میں اعلانات کرائے مگر بچوں کے اہلخانہ مل نہیں سکے،بعدازاں ملنے والے تینوں بچوں 5 سالہ محمد،2 سالہ مظہر اور 6 سالہ سجان کو پولیس نے ایدھی فاﺅنڈیشن کے حوالے کردیا،رابطہ کرنے پر ایس ایچ او عمران خان نے بتایا کہ پولیس کی جانب سے بچوں کے اہلخانہ کو تلا ش کیا گیا مگر بچوں کے اہلخانہ کو سراغ نہیں ملاتو بچوں کو حفاظتی طور ایدھی فاﺅنڈیشن کے حوالے کیا گیا،بعدازاں بچوں کے اہلخانہ نے پولیس سے رابطہ کیا ،جس پر پولیس نے جانچ کے بعد بچوں کو اہلخانہ کے حوالے کردیا،بچے منگھوپر عمر گوٹھ کے رہائشی تھے ،جو گھر سے نکل کر مذکورہ مقام پر لاوارث حالت میں ملے تھے،بچوں میں دو سگے بھائی اور ایک ان کے پڑوسی کا بچہ تھا۔
پولیس۔۔۔کرائمز
اسٹریٹ کرائمز میں ملوث 2 ملزمان گرفتار،اسلحہ ونقدی برآمد
گڈاپ پولیس نے سپر ہائی وے کے قریب کارروائی کرتے ہوئے اسٹریٹ کرائمز میں ملوث 2مبینہ ملزمان کو گرفتار کرکے ان کے قبضے سے 2عدد 30بور پسٹل بمعہ رائونڈزاور نقدی برآمدکرلی۔بدھ کو ترجمان ملیر پولیس کے مطابق گرفتار ملزمان میں شکیل ولد عبد الشکور اور حنیف شامل ہیں۔ گرفتار ملزمان مختلف علاقوں میںاسٹریٹ کرائمز کی وارداتوں میں ملوث تھے۔ملزمان سے برآمدشدہ اسلحے کو فرانزک رپورٹ کیلئے روانہ کر دیا گیا ہے۔پولیس نے ملزمان کے خلاف مقدمہ درج کرکے مزید تفتیش کا آغاز کردیا ہے۔

پولیس۔۔۔قمارباز
پاکستان بازار پولیس کی کارروائی،4 قماربازگرفتار
پاکستان بازار پولیس نے اورنگی ٹائون میں کارروائی کرتے ہوئے جوا سٹہ کھیلنے میں ملوث4مبینہ قماربازوںکو گرفتار کرکے ان کے قبضے سے جوئے کی پرچیاں، موبائل فونز اور دائوپر لگی رقم برآمدکرلی۔بدھ کو ترجمان ایس ایس پی ویسٹ کے مطابق گرفتار جواریوں میں احمد علی، فیصل ، جاوید عرف جابر اور افتخار عرف ببلو شامل ہیں۔پولیس نے ملزمان کے خلاف مقدمہ درج کرکے مزید تفتیش کا آغاز کردیاہے۔

پولیس۔۔۔گٹکاماوا
اسٹریٹ کرائمز اورگٹکا ماوا فروشی میں ملوث4 ملزمان گرفتار،اسلحہ وگٹکاماوبرآمد
تھانہ مومن آباد پولیس نے خفیہ اطلاع پرمختلف کارروائیوں کے دوران اسٹریٹ کرائمز اورگٹکا ماوا فروشی میں ملوث4 مبینہ ملزمان کو گرفتار کرکے غیر قانونی اسلحہ بمعہ ایمونیشن، موٹرسائیکل ، 9کلو گٹکاماوااور فروختگی کی رقم برآمدکرلی۔پولیس ترجمان کے مطابق گرفتار ملزمان میں شیراز ولد شہزاد ،محمد عارف ولد عبدالرزاق، مزمل حسین ولد محمد حسین اور ارشد ولد محمد رفیق شامل ہیں۔پولیس نے ملزمان کواردو چوک سیکٹر 10اور ایرانی کیمپ کے قریب سے گرفتار کیا ہے۔پولیس نے ملزمان کے خلاف مقدمات درج کرکے مزید تفتیش شروع کردی ہے۔

report-khalid jawed-Karachi