جیکب آباد (رپورٹ ایم ڈی عمرانی )
جیکب آباد حساس اداروں کی نشاندھی پر انٹی اسمگلنگ اسکواڈ کسٹم حکام کی بڑی کامیاب کارروائی، دو ٹالر غیر ملکی کپڑے کے بھرے ہوۓ پکڑے گئے 14 کروڑ روپے مالیت کا کپڑا اسمگلنگ کرنے کی کوشش کو ناکام بنادیا گیا ہے کسٹم حکام، تفصیلات کے مطابق سندھ بلوچستان بارڈر پر قائم چیک پوسٹ شمبو شاھ سے کراس ہونے بعد دونوں ٹالرز کو
کسٹم چیک پوسٹ کے قریب کسٹم پولیس نے روک لیا ان ٹالرز سے دوران چیکنگ غیر ملکی کپڑا بڑی مقدار میں برآمد ہوا، کسٹم حکام کے مطابق برآمد ہونے والے کپڑے کا وزن 38ہزار 150کلو گرام ہے جس کی مالیت 14کروڑ روپے سے بھی زائد ہے، یہ غیر ملکی کپڑا بلوچستان سے پنجاب اسمگل کیا جا رہا تھا اس غیر قانونی عمل کو ناکام بنایا ہے برآمد ہونے والے کپڑے کو قانونی کارروائی کرنے کے بعد سکھر کسٹم دفتر منتقل کیا جائے گا،کسٹم حکام کا مزید کہنا تھا کہ غیر ملکی سامان اسمگلنگ ہونے سے ملکی معیشت کو بہت بڑا نقصان پہنچاتا ہے اس نقصان سے وطن عزیز کو پہچانے کیلۓ کسٹم حکام کی ہر ممکن طریقوں سے کوششیں جاری ہیں
