بلدیہ ٹائون، 6بچوں کی ماں نے مبینہ خود کشی کرلی ، شوہر نے 2 شادیاںکی تھیں
05 مئی ، 2025
کراچی(اسٹاف رپورٹر) بلدیہ ٹائون آسکانی یار محمد گوٹھ کے قریب گھر میں فائرنگ کے واقعے میں 35سالہ شہناز زوجہ کامران ہلاک ہوگئی ،پولیس نے بتایا ہےکہ متوفیہ 6 بچوں کی ماں ،ذہنی تنائو کا شکار تھی ، نشہ آور گولیاں بھی کھاتی تھیں ، شوہر نے دوسری شادی کرلی تھی جس کے باعث دونوں میاں بیوی کے درمیان اکثر تلخ کلامی رہتی تھی ،اتوار کو شوہر سے لڑائی ہوئی جس پر اس نے دلبرداشتہ ہوکر مبینہ خود کشی کرلی ،واقعے کے وقت شوہر گھر میں سورہا تھا جبکہ متوفیہ نے اپنے بچوں کو مدرسہ بھیج دیا تھا۔
====================
بلدیہ رئیس گوٹھ میں نامعلوم ملزمان کی فائرنگ سے ایک شخص جاں بحق
05 مئی ، 2025FacebookTwitterWhatsapp
کراچی(اسٹاف رپورٹر) بلدیہ ٹائون رئیس گوٹھ بائی پاس کرش پلانٹ کے قریب فائرنگ کے واقعے میں 50سالہ عبدالرشید ولد جاڑا جاں بحق ہوگیا، لاش کو اسپتال منتقل کیا گیا ،پولیس نے بتایا کہ مقتول حب چوکی کے قریب واقع گائوں کا رہائشی، اہل خانہ سے معلوم ہوا ہےکہ مقتول کام کاج نہیں کرتا تھا، فوری طور پر قتل کی محرکات معلوم نہیں ہو سکے ہیں۔
====================
کیماڑی،ناتجربہ کار ٹریلر ڈرائیور نے دوسری گاڑی کے نیچے سوئے ہوئے ڈرائیور کو کچل ڈالا
05 مئی ، 2025FacebookTwitterWhatsapp
کراچی(اسٹاف رپورٹر)کیماڑی کے پی ٹی کے قریب ناتجربہ کار ٹریلر ڈرائیور نے دوسری گاڑی کے نیچے سوئے ہوئے ڈرائیور 26سالہ حسن ولد میر سعید کو کچل دیا جس سے اسکی موت واقع ہوگئی ،متوفی کی لاش کو آبائی گائوں خیبر ایجنسی لنڈی کوتل روانہ کردی گئی ۔
