کمشنر سندھ ایمپلائز سوشل سیکورٹی انسٹی ٹیوشن میانداد راہو جو نے سوشل سیکورٹی لانڈھی ہسپتال کا اچانک دورہ کیا۔
ان کے ہمراہ ڈائریکٹرلانڈھی ڈائریکٹوریٹ علی اکبر منگی، ڈائریکٹرپبلک ریلیشنز اینڈ ٹریننگ سیف اللہ خان اور ڈپٹی ڈائریکٹر لانڈھی ڈائریکٹوریٹ مدد علی بھی موجود تھے
=======================
کمشنر سیسی میانداد راہوجو کاآغا خان یونیورسٹی ہسپتال کا دورہ
کراچی(22 اپریل) کمشنر سندھ ایمپلائز سوشل سیکورٹی انسٹی ٹیوشن میانداد راہو جو نے مشیرایمپلائی ریلیشن ڈیپارٹمنٹ آغا خان یونیورسٹی ہسپتال پرویز رحیم کی دعورت پر ہسپتال کا دورہ کیا۔ کمشنر سیسی نے وہاں نوروز سورانی ،نائب صدر ہیومن ریسورس آغا ہسپتال اور ہسپتال کی منیجنٹ کے دیگر ارکان سے ملاقات کی۔ میٹنگ میں وائس کمشنر سیسی سکندر بلوچ، میڈیکل ایڈوائزر ڈاکٹرکامران اعوان،چیف میڈیکل آفیسر ہیلتھ ڈاکٹراکرم شیخ، فوکل پرسن ڈاکٹرسعادت میمن اورڈائریکٹرپبلک ریلیشنز اینڈٹریننگ سیف اللہ خان بھی موجود تھے۔ کمشنر سیسی نے شرکاء کو سیسی میں تحفظ یافتہ محنت کشوں کو دیئے جانے والے مالی و طبی فوائد کے حوالے سے آگاہ کیا اور بتایا کہ تحفظ یافتہ محنت کشوں اور ان کے لواحقین کے
کینسر کے مریضوں کا علاج آغا خان ہسپتال سے کرایا جاتا ہے جس پر ایک خطیر رقم خرچ کی جاتی ہے۔ اس موقع پر نائب صدر ہیومن ریسورس آغاخان ہسپتال نوروز سورانی نے سیسی کی طرف سے محنت کشوں کو دی جانے والی سہولیات کو سراہا اور کہا کہ ہم سیسی کے ساتھ بہترین ورکنگ ریلیشن شپ چاہتے ہیں اور کہاکہ مستقبل میں بھی اس طرح میٹنگز ہوتی رہنا چاہئے تاکہ محنت کشوں کو دی جانے والی سہولیات کو مزید بہتر بنانے کیلئے اپنی تجاویز دے سکیں۔کمشنر سیسی نے دورے کی دعوت دینے پر ہسپتال کی انتظامیہ کا شکریہ ادا کیا۔
(سیف اللہ خان)
ڈائریکٹر پبلک ریلیشنز
