
وزیر بلدیات سندھ سعید غنی نے اتوار کے روز شہر کے مختلف علاقوں کا دورہ کیا۔
صوبائی وزیر کے ہمراہ اسپیشل سیکرٹری ٹیکنیکل غنی شیخ، پروجیکٹ ڈائریکٹر میگا کراچی آفتاب چانڈیو، پراجیکٹ ڈائریکٹر شاہراہ بھٹو نیاز سومرو، پروجیکٹ مینیجر کے ڈی اے جنید و دیگر بھی موجود تھے۔
صوبائی وزیر نے شہر میں جاری
کراچی میگا پراجیکٹس اور کے ڈی اے کے تحت جاری منصوبوں اور آئندہ مالی سال کے سالانہ ترقیاتی منصوبوں میں شامل ہونے والے متعدد منصوبوں کے حوالے سے تفصیلی جائزہ لیا۔

صوبائی وزیر نے شاہراہ بھٹو پر جاری کام، کورنگی کاز وے، جام صادق برج، شاہ فیصل کالونی، قائد آباد سمیت دیگر ان علاقوں کا بھی دورہ کیا جہاں آئندہ مالی سال کے لئے نئے منصوبوں پر کام شروع کیا جانا ہے۔
اس موقع پر عبدالغنی شیخ، پی ڈی کراچی میگا پروجیکٹ اور پر ڈی شاہراہ بھٹو نے صوبائی وزیر کو جاری اور آئندہ مالی سال کی ADP میں شامل ہونے والے منصوبوں کی مکمل فزیبلیٹی رپورٹ پیش کی اور ان مقامات پر جاکر تفصیلی بریفنگ دی۔
جاری کردہ : زبیر میمن، میڈیا کنسلٹینٹ وزیر بلدیات سندھ سعید غنی























