کراچی
مور خہ 03 مئی 2025
پاکستان کی میزائل ٹیکنالوجی ناقابل تسخیر ہے۔۔سیدناصرحسین شاہ
کراچی 03 مئی ۔وزیر توانائی سندھ سیدناصرحسین شاہ نے ابدالی ویپن سسٹم کے میزائل کا کامیاب تجربے پر مبارکباد پیش کرتے ہوئے کہا ہے کہ ابدالی میزائل کے کامیاب تجربے پر پوری قوم اور پاک فوج کو مبارکباد دیتے ہیں۔ انہوں نے کہاکہ ابدالی میزائل اپنے ہدف کو 450 کلومیٹر تک درست نشانہ بنانے کی صلاحیت رکھتا ہے،پاکستان کی میزائل ٹیکنالوجی ناقابل تسخیر ہے۔۔سیدناصرحسین شاہ نے کہا کہ میزائل سسٹم پاک فوج کی بہترین پیشہ ورانہ صلاحیتوں کا منہ بولتا ثبوت ہے،پوری قوم ملک کی سلامتی اور حفاظت کے لئے پاک فوج کے شانہ با شانہ کھڑی ہے۔انہوں نے کہاکہ اسی قابلیت اور مہارت کی وجہ سے پاک فوج دنیا کی بہترین افواج میں شمار ہوتی ہے۔
ہینڈ آؤٹ نمبر500۔۔۔۔
مور خہ 03 مئی 2025
چیئرمین بلاول بھٹو کی ہدایت پر حکومت سندھ نے صحافیوں کی فلاح و بہبود کیلئے گرانقدر اقدامات کیئے ہیں، ناصر شاہ
کراچی (): صوبائی وزیر توانائی و منصوبہ بندی سید ناصر حسین شاہ نے آزادی صحافت کے عالمی دن کے موقع پر شہید صحافیوں کو خراج عقیدت پیش کرتے ہوئے اپنے پیغام میں کہا ہے کہ چیئرمین بلاول بھٹو کی ہدایت پر حکومت سندھ نے صحافیوں کی فلاح و بہبود کیلئے گرانقدر اقدامات کئے ہیں اور حق اور سچ بات لکھنے و کہنے والا صحافی لائق تحسین ہے۔ انھوں نے کہا کہ معاشرے کی برائیوں کو اجاگر اور خاتمے کیلئے صحافی برادری کا کردار کلیدی ہے، پیپلز پارٹی کی حکومت سندھ نے صحافیوں کو فرائض کی ادائیگی کیلئے محفوظ اور پرامن ماحول فراہم کیا ہے۔ ناصر شاہ نے کہا کہ صحافی برادری سندھ حکومت کی جانب سے عوامی فلاحی منصوبوں کو میڈیا میں اجاگر کرے اور سندھ میں جاری بے شمار ترقیاتی اسکیمیں صحافیوں کی جانب سے تشہیر کی منتظر ہیں۔ انھوں نے کہا کہ سچ لکھنے اور بولنے والے صحافیوں کو خراج تحسین پیش کرتے ہیں۔ چیئرمین بلاول بھٹو کی ہدایت پر حکومت سندھ نے صحافیوں کی فلاح و بہبود کیلئے گرانقدر اقدامات کیئے ہیں اور صحافیوں کے مسائل کے حل کیلئے سندھ حکومت کے دروازے ہر وقت کھلے ہیں۔
محمد شبیہ صدیقی
ڈائریکٹر میڈیا مینجمنٹ
وزیر توانائی اینڈ پی اینڈ ڈی سندھ
