ملک میں جمہوریت کا فروغ صحافیوں کے بغیرممکن نہیں ،کراچی پریس کلب
عالمی پریس فریڈم انڈیکس میں پاکستان کا 152سے 158 درجے پر آنا انتہائی تشویشناک ہے ،فاضل جمیلی /سہیل افضل خان
سیاسی جماعتیں صحافت کو پروان چڑھانے کے لیے صحافیوں کا ساتھ دیں،پیکا ایکٹ فوری واپس لیا جائے ،صدر ،سیکرٹری کراچی پریس کلب
کراچی:کراچی پریس کلب کے صدر فاضل جمیلی ،سیکرٹری سہیل افضل خان اور مجلس عاملہ نے کہا ہے کہ صحافی برادری کی فکری و قلمی آزادی زندہ قوموں کا شعار ہے ،ملک میں جمہوریت کا فروغ صحافیوں کے بغیرممکن نہیں ہے ۔شہدائے صحافت کو سلام پیش کرتے ہیں جنہوں نے اپنے لہو سے حریت فکر کی شمع کو فروزاں رکھاہے ۔آزادی اظہار رائے کے تحفظ کے لیے پیکا ایکٹ کو فوری طور پر واپس لیا جائے ۔عالمی یوم صحافت پر کراچی پریس کلب سے جاری اپنے پیغام میں کراچی پریس کلب کے عہدیداروں نے قلم کی حرمت کیلئے لازوال قربانیاں دینے والے صحافیوں کو خراج تحسین پیش کرتے ہوئے کہاکہ آزادیِ اظہار مہذب جمہوری معاشرے کی اساس اور انسان کا بنیادی حق ہے ۔حق اور سچ کی آواز کو بلند کرنے کیلئے صحافی برادری کا کردار قابل تحسین ہے ۔ صحافت کے بغیر جمہوریت نامکمل ہے۔ آزادانہ پریس معاشروں میں جمہوری رویوں کو فروغ دینے کے لئے لازمی ہے ،صحافیوں کی قربانیوں کو نظر انداز نہیں کیا جا سکتا،سوال پوچھنے پر میڈیا کی تضحیک نہ کی جائے، اقتدار سے سوال کرنا ہی آزادی صحافت کی نشانی ہے جب بھی آزادی صحافت کیخلاف بات ہوگی کراچی پریس کلب اس کے خلاف سیسہ پلائی دیوار بن کر کھڑا ہوگا ۔انہوں نے کہا کہ صحافت کا کردار انتہائی اہمیت کا حامل ہے، اپنی اہمیت اور افادیت کی وجہ سے عصرِ حاضر میں میڈیا کو ریاست کا چوتھا ستون مانا جاتا ہے۔ آزادی صحافت کیلئے صحافتی برادری نے لازوال قربانیاں پیش کی ہیں۔ انہوں نے کہا کہ آزادی صحافت کاعالمی دن کے منانے کا مقصد آزادیِ صحافت کو فروغ دینے کے ساتھ ساتھ ایسے اقدامات اٹھانا ہے جس سے آزادیِ صحافت کی راہ میں پیش آنے والی رکاوٹوں کو دور کیا جا سکے۔ انہوں نے کہا کہ پیشہ وارانہ فرائض کی ادائیگیوں میں جانوں کا نذرانہ پیش کرنے والے صحافیوں کی قربانیوں کو کبھی بھی فراموش نہیں کیا جا سکتا۔کراچی پریس کلب کے عہدیداروں نے کہا کہ عالمی پریس فریڈم انڈیکس میں پاکستان کا 152سے 158 درجے پر آنا انتہائی تشویشناک ہے ۔ آزادی صحافت پر لگنے والی قدغنیں تنزلی کی اہم وجہ ہیں صحافیوں کے جا ن و مال کے تحفظ کے لیے حکومتی سطح پر اقدامات کیے جائیں اور اس بات کو یقینی بنایا جائے کہ صحافیوں کو پیشہ وارانہ امور کی انجام دہی کے دوران کسی مشکل کا سامنا نہ ہو ۔کراچی پریس کلب کے صدر اور سیکرٹری نے کہا کہ ملک کی سیاسی جماعتوں کے لیے ایک اچھا موقع ہے کہ وہ صحافت کو پروان چڑھانے کے لیے صحافیوں کا ساتھ دیں اور پیکا ایکٹ کو فوری طور پر واپس لیا جائے ۔
عبدالرحمن
سیکرٹری پریس اینڈ انفارمیشن کمیٹی کراچی پریس کلب
================
وزیر داخلہ قانون و پارلیمانی امور سندھ ضیاءالحسن لنجار کا آزادی صحافت کے عالمی دن کے موقع پر بیان
صحافت ایک مقدس ذمہ داری ہے، جو معاشرے کو سچ سے روشناس کراتی ہے۔ ضیاءالحسن لنجار وزیر داخلہ سندھ
حکومت آزاد اور ذمہ دار صحافت پر یقین رکھتی ہے، اور اس کے فروغ کے لیے اقدامات جاری ہیں۔ ضیاءالحسن لنجار وزیر داخلہ سندھ
ایک مضبوط میڈیا عوام اور ریاست کے درمیان پُل کا کردار ادا کرتا ہے۔ ضیاءالحسن لنجار وزیر داخلہ سندھ
اظہارِ رائے کی آزادی آئینی حق ہے پیپلزپارٹی نے ہمیشہ اس کے تحفظ کے لئے اقدامات اٹھائے ہیں۔ ضیاءالحسن لنجار وزیر داخلہ سندھ
پیپلزپارٹی صحافیوں کی خدمات اور قربانیوں کو قدر کی نگاہ سے دیکھتی ہے۔ ضیاءالحسن لنجار وزیر داخلہ سندھ
صحافت کی آزادی جمہوریت کی علامت ہے، اور ہم اس کو مزید مستحکم دیکھنا چاہتے ہیں۔ ضیاءالحسن لنجار
ہمیں مل کر ایسا ماحول پیدا کرنا ہے جہاں سچائی بے خوف ہو اور قلم آزاد ہو۔ ضیاءالحسن لنجار وزیر داخلہ سندھ
صحافت اگر مثبت کردار ادا کرے تو قومی ترقی کی راہیں ہموار ہو سکتی ہیں۔ وزیر داخلہ سندھ
====================
یومِ آزادی صحافت پر میئر سکھر و ترجمان سندھ حکومت بیرسٹر ارسلان اسلام شیخ کا پیغام
صحافت معاشرے کا آئینہ اور جمہوریت کا ستون ہے۔ آزاد، ذمہ دار اور باوقار صحافت کے بغیر کوئی بھی معاشرہ ترقی کی راہ پر گامزن نہیں ہو سکتا۔
– میئر سکھر و ترجمان سندھ حکومت بیرسٹر ارسلان اسلام شیخ
پاکستان پیپلز پارٹی اظہارِ رائے کی آزادی اور صحافیوں کے حقوق کے تحفظ پر مکمل یقین رکھتی ہے۔ ہمارا عزم ہے کہ ایک ایسا معاشرہ تشکیل دیا جائے جہاں سچ بولنے والوں کو دبایا نہ جائے بلکہ ان کی حوصلہ افزائی کی جائے۔
– میئر سکھر و ترجمان سندھ حکومت بیرسٹر ارسلان اسلام شیخ
ہم اُن تمام صحافیوں کو سلام پیش کرتے ہیں جو مشکل ترین حالات میں بھی سچ کا پرچم بلند کیے ہوئے ہیں۔ اُن کی قربانیاں ہمارے لیے مشعلِ راہ ہیں۔
– میئر سکھر و ترجمان سندھ حکومت بیرسٹر ارسلان اسلام شیخ
ریاست کی یہ ذمہ داری ہے کہ وہ صحافیوں کی جان و مال کا تحفظ یقینی بنائے، اور ایک ایسا ماحول فراہم کرے جہاں صحافت آزاد اور محفوظ ہو۔
– میئر سکھر و ترجمان سندھ حکومت بیرسٹر ارسلان اسلام شیخ
ہمیں عصرِ حاضر کے تقاضوں کو مدنظر رکھتے ہوئے صحافتی اقدار کو مزید مضبوط بنانا ہوگا تاکہ میڈیا مثبت تبدیلی کا ذریعہ بنے۔
– میئر سکھر و ترجمان سندھ حکومت بیرسٹر ارسلان اسلام شیخ
======================
قائد حزب اختلاف سندھ علی خورشیدی کا یومِ آزادی صحافت پر پیغام
آزادی اظہار کے بغیر آئین جمہوریت اور اداروں کا استحکام ممکن نہیں، علی خورشیدی
صحافت نے ہر دور میں سچ کی ترجمانی کا فریضہ نبھایا ہے، اپوزیشن لیڈر سندھ اسمبلی
آزاد صحافت جمہوری معاشرے کی بنیاد ہے، علی خورشیدی
آزادی صحافت کے عالمی دن پر صحافی برادری کو خراجِ تحسین پیش کرتے ہیں، علی خورشیدی
ایم کیو ایم شفاف باوقار اور آزاد معاشرے کی تشکیل کے لیے کوشاں ہے، علی خورشیدی
صحافیوں کی جان و مال کا تحفظ ریاست کی اولین ترجیح ہونی چاہیے، علی خورشیدی
وقت کا تقاضا ہے کہ صحافت کو نئے اصولوں کے ساتھ استوار کیا جائے، علی خورشیدی
پاک بھارت کشیدگی کے دوران پاکستانی مؤقف کو عالمی سطح پر مؤثر انداز میں پیش کیا گیا، علی خورشیدی
سچائی کے علمبردار صحافی ہمارے معاشرے کا سرمایہ ہیں، علی خورشیدی
===========================
03 مئی، 2025
ترجمان سندھ حکومت سکھدیو ہیمنانی کا آزاد صحافت کے عالمی دن پر بیان
آزاد صحافت جمہوریت کا بنیادی ستون ہے اور یہ شفافیت اور سچائی کو فروغ دینے میں اہم کردار ادا کرتی ہے، سکھدیو ہیمنانی
پاکستان پیپلز پارٹی ہمیشہ پاکستان میں صحافت کی آزادی کی جنگ میں صفِ اول رہی ہے، سکھدیو ہیمنانی
آزاد صحافت کا وژن ہمیں شہید محترمہ بے نظیر بھٹو کی طرف سے ملنے والی وراثت ہے، سکھدیو ہیمنانی
شہید محترمہ بےنظیر بھٹو نے اپنی تمام زندگی جمہوریت، انسانی حقوق اور آزادئ صحافت کے لئے جدوجہد کی، سکھدیو ہیمنانی
اسی وژن کے تحت سندھ حکومت نے صحافیوں کے تحفظ کے لیے قانون سازی کے ذریعے اہم اقدامات کیے ہیں، سکھدیو ہیمنانی
سندھ پروٹیکشن آف جرنلسٹس اینڈ میڈیا پریکٹشنرز ایکٹ 2021 صحافتی پیشہ ور افراد کے لیے جامع قانونی تحفظ فراہم کرتا ہے، جس میں تشدد، ہراسانی اور قانونی چیلنجز کے خلاف حفاظت شامل ہے، سکھدیو ہیمنانی
سندھ واحد صوبہ ہے جہاں صحافیوں کے حقوق کے تحفظ کے لئے کمیشن تشکیل دیا گیاہے تاکہ صحافیوں کو درپیش مسائل کا فوری طور پر تدارک کیا جا سکے اور مجرمان کو سزا دی جا سکے، سکھدیو ہیمنانی
سندھ حکومت آزادیِ اظہار اور آزاد صحافت کے تحفظ کے لیے پُرعزم ہے، سکھدیو ہیمنانی
پاکستان پیپلز پارٹی کے دیرینہ ویژن کے تحت سندھ حکومت صحافیوں اور اس شعبے سے تعلق رکھنے والے تمام افراد کی آزادی اور حفاظت کے لیے اپنا بھرپور تعاون جاری رکھے گی، سکھدیو ہیمنانی
