روحانی اجتماع، قرآن کی برکات اور امن کی دعائیں
کراچی، مورخہ 2 مئی 2024:
گلستان جوہر بلاک 8، آرکیٹیکٹ سوسائٹی واقع خانقاہ بخاریہ 89 میں ماہانہ درس قرآن کا اہتمام کیا گیا، جس میں اباجی سرکار محترم شرف الدین بخاری المعروف اباجی سرکار نے روح پرور بیان فرمایا۔ مریدین و معتقدین نے ان کے بیانات سے فیوض و برکات حاصل کیں۔
اس موقع پر کراچی کے مختلف علاقوں سے آئے ہوئے لوگوں کی کثیر تعداد نے شرکت کی۔ اباجی سرکار نے نہ صرف قرآن پاک کی تعلیمات پر روشنی ڈالی بلکہ غزہ اور فلسطین کی موجودہ صورت حال، پاکستان اور ہندوستان کے درمیان کشیدگی، اور دنیا بھر میں امن و سلامتی کے لیے خصوصی دعا بھی کی۔ انہوں نے مسلم امہ کے اتحاد اور پاکستان کی بہتری کے لیے اللہ تعالیٰ سے فریاد کی۔
درس قرآن کے اختتام پر تمام شرکاء کے لیے لنگر تقسیم کیا گیا، جس نے محفل کو مزید روحانی اور بھائی چارے کا پیغام دیا۔
اباجی سرکار
خانقاہ بخاریہ 89
گلستان جوہر بلاک 8، آرکیٹیکٹ سوسائٹی
