پریس ریلیز
کراچی ( ) پاکستان مرکزی مسلم لیگ کے زیر اہتمام ملک بھر میں “صلاحیت بڑھاؤ، اپنا کماؤ” کے عنوان سے ڈیجیٹل روزگار سہولت پروگرام کا آغاز ہو گیا ہے، جس کا مقصد نوجوانوں کو بااختیار بنانا اور انہیں جدید ٹیکنالوجی کے ذریعے خود کفالت کی جانب گامزن کرنا ہے۔ یہ پروگرام پاکستان کے تمام چھوٹے بڑے شہروں میں بیک وقت شروع کیا گیا ہے۔اس سلسلے میں ملک بھر کی طرح کراچی میں بھی 65سے زائد مقامات پر کلاس رومز بنائے گئے ہیں ۔مرکزی مسلم لیگ کراچی کے صدر احمد ندیم اعوان نےسندھ کے میڈیا سیکرٹری طہٰ منیب کے ہمراہ کلاس رومز کا دورہ کیا، جہاں طلباء و طالبات کی بڑی تعداد شریک ہے۔ احمدندیم اعوان نے خصوصی طور پر خواتین کی بھرپور شرکت کو خوب سراہا اور کہا کہ خواتین کا جدید تعلیم و تربیت کے میدان میں آگے آنا قوم کی ترقی کی ضمانت ہے۔احمد ندیم اعوان کاکہناتھاکہ مرکزی مسلم لیگ نوجوانوں کو روزگار فراہم کرنے کے ساتھ ساتھ انہیں بااختیار اور خودمختار بنانے کا جذبہ رکھتی ہے تاکہ وہ اپنی صلاحیتوں کے بل بوتے پر اپنا اور ملک کا مستقبل سنوار سکیں۔ انہوں نے کہا کہ ہمارا وژن پاکستان کو ایک جدید آئی ٹی ہب میں تبدیل کرنا ہے، اور جلد ہی کراچی میں انکوبیشن سینٹر کا قیام عمل میں لایا جائے گا تاکہ نئے آئیڈیاز کو عملی شکل دی جا سکے۔یاد رہے کہ ڈیجیٹل روزگار سہولت پروگرام 10 مئی تک روزانہ رات 9 بجے سے 11 بجے تک جاری رہے گا۔
جاری کردہ:
شعبہ نشر و اشاعت، پاکستان مرکزی مسلم لیگ کراچی
