پاکستان میڈیکل ایسوسی ایشن (پی ایم اے)، پنجاب، اپنے مختلف برانچز اور ینگ ڈاکٹرز کے رہنماؤں کے خلاف جاری انتقامی کارروائیوں کی سخت ترین الفاظ میں مذمت کرتی ہے۔ یہ اقدامات پنجاب حکومت کے ایک غیر جمہوری اور آمرانہ طرز عمل کی عکاسی کرتے ہیں، جن میں بنیادی حقوق کے لیے آواز بلند کرنے والوں کو دھمکایا جا رہا ہے اور ناجائز طریقوں سے دباؤ ڈالا جا رہا ہے۔انتقامی تبادلے اور جبری اقدامات نہ صرف غیر قانونی ہیں بلکہ اخلاقی لحاظ سے بھی ناقابل قبول اور قابل مذمت سو ہیں۔پی ایم اے پنجاب ان غیر منصفانہ کارروائیوں کے فوری خاتمے کا مطالبہ کرتی ہے۔ اگر یہ اقدامات واپس نہ لیے گئے تو پی ایم اے پنجاب، جمہوری اقدار کے تحفظ اور اپنے رہنماؤں کے دفاع کے لیے، عوامی نمائندوں سے مشاورت کے بعد ہر ممکن قانونی اور آئینی راستہ اختیار کرے گی۔
