اٹک(مہتاب منیرخان سے)یکم مئی عالمی یوم مزدور کے موقع پر آل پاکستان پی ڈبلیو ڈی ورکرز یونین ضلع اٹک کے زیر اہتمام ضلعی دفتر آل پاکستان پی ڈبلیو ڈی ورکرز یونین سے تاریخی فوارہ چوک تک نکالی جانے والی ریلی کی قیادت ضلعی چیئرمین آل پاکستان پی ڈبلیو ڈی ورکرز یونین اٹک رانا فیصل علی خان ، خصوصی دعوت پر لاہور سے آئے ہوئے 55سال سے محنت کشوں کے حقوق کی جنگ لڑنے والے بانی مرکزی جنرل سیکرٹری پاکستان لیبر فیڈریشن،صدر ریلوے یونین حاجی سعید آرائیں،مرکزی ڈپٹی جنرل سیکرٹری پاکستان لیبر فیڈریشن رانا محمد اکرم، صدر پاکستان ریلوے مزدوریونین (رجسٹرڈ )، صدر پاکستان لیبر فیڈریشن لاہور ملک محمد اشفاق ، مرکزی سیکرٹری اطلاعات پاکستان لیبر فیڈریشن ،پاکستان ٹرانسپورٹ محمدالطاف،نائب صدور پاکستان لیبر فیڈریشن لاہور فاروق اعظم،محمدطاہر،محمود ریاض،سابق صدر ڈسٹرکٹ بار ایسوسی ایشن اٹک راناافسر علی خان ایڈووکیٹ ،چیئرمین بلڈنگ منظور الہی، چیئرمین تحصیل بلڈنگ محمد پرویز ، ضلعی صدر اپیکا یاسر خان علی زئی، جنرل سیکرٹری شیر بہادر خٹک ، ضلعی سیکرٹری جنرل ملک عمران رشید، تحصیل چیئرمین پنڈی گھیب محمدسہیل لکی،وائس چیئرمین محمداختر،چیئرمین سب ڈویژن اٹک آفتاب حسین،وائس چیئرمین جنڈ محمدشبیر،تحصیل چیئرمین حسن ابدال سہیل زمان،ضلعی وائس چیئرمین وقار حسین شاہ،وائس چیئرمین فتح جنگ عنایت اللہ ،جنرل سیکرٹری محمدکامران،سیکرٹری مالیات تحصیل اٹک محمداسحاق،سیکرٹری اطلاعات اٹک دلدار حسین شاہ، چیئرمین اٹک پریس کلب رجسٹرڈ ندیم رضا خان اور دیگر محنت کش رہنماوں نے کی اسٹیج سیکرٹری کے فرائض راجہ زاہد حسین جرال نے ادا کیے ،اس موقع پر محمدصدیق انگارہ ،محمداکرم بھولااور دیگر محنت کشوں نے بھی اپنے جذبات کااظہار کیا،اٹک پولیس نے ریلی کو خصوصی سیکورٹی فراہم کی ، ریلی کے شرکاء تمام راستے حکومت کے خلاف اور اپنے حقوق کے سلسلہ میں نعرہ بازی کرتے رہے ، ریلی کے شرکاء نے سر پر سرخ پگڑیاں اور گلے میں سرخ چادریں پہن رکھی تھیں ، محنت کشوں نے سرخ جھنڈوں پر اپنے حقوق کے حوالے سے نعرے تحریر کر رکھے تھے ، ریلی کے شرکاء نے بینرز پر بھی یکم مئی کے حوالے سے اپنے حقوق تحریر کئے ہوئے تھے ، محنت کش اپنے حقوق کے لیے ساڈھا حق ایتھے رکھ اور دیگر نعرے لگاتے رہے ، پاکستان کے محنت کش طبقات آج بھی معاشی قتل عام کا شکار ہیں ملک میں مہنگائی، بے روزگاری مزدور کی کم از کم تنخواہ سوشل سیکورٹی بھٹوں پر محنت کشوں کا استحصال اور جبری مشقت جیسے مسائل جوں کے توں ہیں، ہر سال حکومت کم از کم اجرت میں نہ ہونے کے برابر اضافہ کرتی ہے مگر 80 فیصد ادارے اس پر عمل درآمد نہیں کرتے ، محنت کشوں کے بنیادی حقوق کی پامالی اور ان کے استحصال کے خلاف حکومتی سطح پر کوئی ٹھوس لیبر پالیسی نہ ہونے کی وجہ سے مساہل میں اضافہ ہو رہا ہے، بھٹوں پر مزدوروں کے شناختی کارڈ تعلیم و صحت سوشل سیکورٹی میں رجسٹریشن کے ایشوز آج بھی اسی طرح ہیں جیسے آج سے بیس سال پہلے تھے ، سرکاری و نیم سرکاری اداروں ملوں کارخانوں میں مقررہ اوقات سے زیادہ ڈیوٹی اور کم معاوضہ میں محنت کشوں کا استحصال بنیادی انسانی حقوق کی پامالی کا سبب بن رہے ہیں ، تعلیم و صحت کے اداروں کی نج کاری سے ایک شدید بحرانی کیفیت پیدا ہو رہی ہے جس کی ہم شدید مذمت کرتے ہیں ایک طرف حکومت سستا آٹے کے نام پر سیاست کر رہی ہے مگر اس کا دوسرا رخ گندم پیدا کرنے والوں کو مہنگا ڈیزل کھاد سپرے اور بجلی کے ذریعے انکا معاشی قتل عام کیا جا رہا ہے ، ہم مطالبہ کرتے ہیں کہ مزدور کی کم از کم تنخواہ کا تعین مہنگائی کے تناسب سے مقرر کی جاے ریلی کے دوران شگاگو کے شہدا کو زبردست خراج تحسین پیش کیا گیا، چیئرمین بلڈنگ منظور ا لہی، سابق صدر ڈسٹر کٹ با ر ایسو سی ایشن را نا افسر علی خان ایڈووکیٹ،چیئرمین بلڈنگ پرویز اختر، سیکرٹری جنرل بلڈنگ خرم منہاس،مرکزی جنرل سیکرٹری ریلوے لیبر یونین رانامحمد اکرم، ضلعی صدر ایپکا یاسر خان علی زئی،نورمحمداعوان،صدر ایپکا ایجوکیشن ملک زاہدمحمود، سیکرٹری جنرل شیر بہادر، رہنما اپیکا ایجوکیشن شاہ زمان،رہنما ایپکابلدیہ اٹک زا ہد حسین جرا ل، چیئرمین اٹک پریس کلب رجسٹرڈ ندیم رضا خان، چیئرمین تحصیل اٹک احمد فواد، سیکرٹری اطلاعات آفتاب حسین، تحصیل فتح جنگ سے وقار شاہ،کامران عامر بٹ، ممبر ایگزیکٹو کمیٹی ڈسٹرکٹ اٹک شوکت علی تحصیل جنڈ، اختر حسین پنڈی گھیب، ضلعی سیکرٹری اطلاعات وقار حسین شاہ، چیئرمین حسن ابدال طاہر محمودمودی، چیئرمین حضرو حاجی نوروز، چیئرمین ویٹنری محمد نجب،محکمہ زراعت کے ساجد محمود صدیقی،حق نواز،سہیل احمد پنڈی گھیب،قیصرمحمو د حضر و،محمد ظفر جنڈ،چیئر مین ایگز یکٹو کمیٹی فرحت عباس،وائس چیئرمین پرمین باد شاہ،ڈ ویژنل جنرل سیکرٹری احمد فواد،مزدور رہنما ملک امداد اعوان، رہنما بلائنڈ ایسوسی ایشن محمد نیا ز،فوکل پرسن خصوصی افراد عدیل احمد،رہنما بینک ایمپلائز یونین محمدطاہر،انچار ج اسلامک کراٹے کلب سر دار مہتاب منیر خان او ر مختلف محنت کش تنظیمو ں کے عہد یدار ان اور کا رکنا ن کی کثیر تعداد مو جو د تھی،ریلی کا آغا ز پی ڈبلیو ڈی کے دفتر سے ہوا اور وہ کچہری چو ک، کمیٹی چوک سے ہوتی ہوئی فوارہ چوک پہنچی تو اس نے جلسہ عام کی صو رت اختیا ر کر لی،ریلی کے شرکاء نے ہاتھوں میں پلے کارڈ اور بینرز اٹھا ئے ہو ئے تھے جن پر مزدوراتحاد زندہ باد،ہمار ے مطالبات منظو ر کرو مہنگائی کے تناسب سے تنخواہوں میں اضافہ جیسے نعرے درج تھے،بعض محنت کشوں نے سرخ رنگ کے کپڑے،سر خ رنگ کی پگڑیاں اور سر پر سرخ رنگ کے رو ما ل بھی با ندھ رکھے تھے، ریلی کے شرکاء نے اپنے حقوق اور حکومت کے خلاف زبر دست نعرہ بازی کی،ریلی کے آگے محمد صدیق انگارہ بیساکھیوں پر ہونے کے با وجود اپنے جذبات کا بھرپور اظہار کرتارہااور گو نگااقبال ہو ٹل والا اور دیگر مزدور سینہ کو بی کرتے ہوئے حکومت،بیو رو کریسی اور سسٹم کے خلاف نعرہ بازی کرتے رہے،اٹک کی پنجابی زبان کے منفرد شاعر سب انسپکٹر اٹک پولیس حسین امجد نے پنجابی زبان میں یکم مئی کے حوالے سے خوبصورت نظم پیش کرکے شر کاء سے دا د وصول کی،فوارہ چوک میں رانا فیصل علی خان نے محنت کشوں کے مطالبات کے لیے ایک ماہ یعنی یکم جون تک کی ڈیڈ لائن دی مطالبات پورا نہ ہونے پر نتائج کے ذمہ دارافسرا ن اور بیورو کریسی ہوگی، اسلام کے نا م پر قائم ہونے والی اسلامی مملکت خدا داد پاکستا ن میں اسلامی قوانین کے مطابق مزدور،صدر،وزیر اعظم، وزیر اعلی،گورنر،چیف جسٹس،سپریم کورٹ،چیف جسٹس ہائی کورٹ،چیئرمین سینٹ،سپیکرقومی و صوبائی اسمبلی،وفاقی و صوبائی وزراء،ممبران،سینٹ،قومی و صوبائی اسمبلی،آرمی چیف،وفاقی و صوبائی سیکرٹری،مختلف سر کاری ونیم سر کاری اور آزاد اداروں اور کارپوریشنوں کے سر براہان کی تنخواہیں عام مزدو ر کے مطابق اور تمام پرو ٹو کو ل کا خاتمہ کیا جائے،مقررین نے شکاگو کے شہیدوں کو سرخ سلام پیش کرتے ہوئے اپنے مزدور بھا ئیوں کے ساتھ مکمل یکجہتی کا اظہار کر تے ہو ئے کہا کہ مزدور معاشی ترقی میں ریڑھ کی ہڈی کی حیثیت رکھتے ہیں مزدور کی محنت کے سبب تمام معاملات چلتے ہیں مگر اس معاشرے میں مزدور ظلم کی چکی میں پس رہا ہے حکمرانوں کو چا ہیے کہ وہ مزدوروں کو ان کے حقوق دیں اور مزدور کی اجرت ایک تولہ سونا کے برابر کی جا ئے جب کہ پرائیویٹ اداروں میں ملازمت کر نے والے محنت کشو ں کو ان کے حقوق کے لئے قانون سازی کی جا ئے اور ان اداروں کو پابند کیا جا ئے کہ وہ محنت کشوں کے مسائل اور مطالبات ترجیحی بنیادوں پر حل کریں مقررین نے تنخواہوں میں اضافہ کر نے اور اکاونٹس آفس میں محنت کشوں کے حوالہ سے حل طلب مسائل فی الفور حل کر نے اور کنٹر یکٹ،ایڈ ہا ک ملا زمین کو سپر یم اور ہا ئی کو رٹ کے احکامات کے مطا بق فو ری طو ر پر مستقل کرنے کا مطالبہ کیا،رانا فیصل علی خان نے پی ڈبلیو ڈی ورکرز کو یقین دہانی کراتے ہوئے کہا کہ حکومت بجٹ سے قبل تمام ملازمین کے درپیش مسائل حل کرے تا ہم پر امن طریقہ سے ڈائیلاگ کے ذریعے مسئلہ کا حل نہ نکلا تو اگلے لائحہ عمل کا اعلان کیا جائے گا انہوں نے اپنے خطاب میں شگاگو کے مزدوروں کو خراج تحسین پیش کرتے ہوئے کہا کہ ان کی قربانیاں رائیگاں نہیں جائیں گی ریلی فوارہ چوک میں اختتام پذیر ہو کر پی ڈبلیو ڈی آفس پر واپس پہنچ گئی جہاں اختتام کے بعد ریلی کے شرکاء کیلئے ظہرانے کا اہتمام کیا گیاتھا۔
اٹک(مہتاب منیرخان سے)قانون پر عملدر آمدکرانے والے طاقت ور اداروں کی نگرانی میں ضلع اٹک کی حدود میں ڈیڑھ سو کلو میٹر سے زائد دریائے سند ھ کے کنارے گزشتہ بیس سال سے غیر قانونی پلیسر گولڈ نکالنے کے غیر قانونی کام پر اندرون خانہ نا معلوم وجوہات کی بنا پر مجرمانہ چپ ساد ھ لینے کے ثمرات سامنے آنا شروع ہو چکے ہیں صرف چوبیس گھنٹے کے اندرچار نوجوان دریاکے کنارے اس غیر قانونی سونا نکالنے کے سبب گہری کھائیوں کی نظر ہوکر موت کی وادیوں میں جا پہنچے ہیں ،تاریخی اور تفریحی مقام اٹک خورد میں ملاں منصور کے قریب بھیڑ بکریان چرانے والے دوافراد اپنی بھیڑوں کو دریا میں پانی پینے کے دوران ان گہرے گڑھوں میں ڈوبنے کے دوران ان بے زبان اور معصوم جانوروں کو بچاتے ہوئے ڈوب گئے اطلاع ملنے پر ریسکیو 1122 ٹیمیں موقع پر پہنچیں دو گھنٹے کے سرچ آپریشن کے بعد چھپڑ کے رہائشی 25 سالہ دراج کی لاش نکال لی جبکہ دوسرے شخص کی تلاش کے لیے ریسکیو آپریشن کا سلسلہ عملہ نے جاری رکھا ہوا ہے اور اندھیرے کے سبب عارضی طورپر سلسلہ روک کر صبح نما ز فجر کے بعد دوبارہ شروع کیا جا ئے گا ،یادرہے کہ دشمن ملک میں میڈیاپرا س سونا نکالنے اور نگران دور حکومت کے وزیر معدنیات کے اس بیان پر کہ صر ف ضلع اٹک کی حدو دمیں اٹھا ئیس لا کھ تولے پلیسر گولڈ دریائے سندھ کے کنارے موجود ہیں جس کا تخمینہ ایک ذمہ دار حکومتی ادارے نے نگران دور حکومت میں کیا تھا ،ان اطلا عات پرنٹ ،الیکٹرونک اور سوشل میڈیا پر یہ خبریں وائرل ہونے پر چیف سیکرٹری پنجاب نے جو اس کا مستقل حل نکالتے انہوں نے ڈانگ ٹپاو پالیسی پر عمل پیرا ہو تے ہوئے فوری طورپر غیر قانونی ہیوی مشینری کے کام کو روکنے کی ہدایت کی ان کی ہدایت پر صرف ایک ہفتہ دن کے او قات میں کام بند کیا گیا جبکہ رات کو یہ کام جاری کر دیا جا تا تھااور مشینری کا لا چٹاپہاڑ اور دیگرعلاقوں میں کھڑی کر دی جا تی تھی اور ایک ہفتہ کے بعد چیف سیکرٹری پنجاب کے احکامات ردی کی ٹوکر ی میں ڈال کر کام کا سلسلہ جاری ہے اور چوبیس گھنٹے میں چار نوجوان اس خونی پلیسر گولڈ نکالنے کے غیر قانونی عمل کا شکار ہو چکے ہیں ،نامعلوم وجو ہات کی بنا پر وفاقی او ر پنجاب حکومت کی جانب سے اس سلسلہ میں موثر پالیسی پر عمل در آمد سے گریز کا عمل سول سو سائٹی او ر شہریوں کے لیے سوالیہ نشان ہے،یہ دونوں حکومتیں پلیسر گولڈ نکالنے کے کاموں کو شفاف ٹینڈ ر کے ذریعے نجی شعبے کو نیلا م کرنے سے گریزاں ہیں ،صرف ضلع اٹک کی حدود میں سینکڑوں غیر قانونی مشینریں بھی حکومتی احکامات پر سوالیہ نشان ہے او ر پانچ سال میں موثر اورشفاف نگرانی کا عمل مکمل کر کے پاکستا ن کا کل قرضہ پلیسر گولڈ کی شفاف نیلامی سے ادا کیا جا سکتاہے ۔
اٹک(مہتاب منیرخان سے) ڈی پی او ڈاکٹر سردار غیاث گل خان کی ہدایت پر سال 2011 میں ڈھلیاں کے مقام پر شہادت پانے والے سب انسپکٹر محمد رمضان اور ہیڈ کانسٹیبل منیر احمد کی برسی کے موقع پر ڈی ایس پی حضرو سکندر گوندل نے پولیس کے چاق و چوبند دستوں کے ساتھ شہداء کی قبروں پر حاضری دی اور سلامی پیش کی جبکہ شہید کانسٹیبل آصف محمود کی برسی کے موقع پر ڈی ایس پی فتح جنگ اسلم ڈوگر اور ایس ایچ او فتح جنگ سب انسپکٹر فیصل امین نے اٹک پولیس لے چاق و چوبند دستے کے ہمراہ شہید کی قبر پر حاضری دیتے ہوئے سلامی پیش کی۔
