ماحولیاتی آلودگی کے بڑھتے ہوئے خطرات کو روکنے کے لئے شجر کاری مہم کو فروغ دیں: طہٰ سلیم
شجرکاری کی اہمیت کو اجاگر کرنے کے لئے عوامی آگہی مہم چلانے کی ضرورت ہے: سید محمد مظفر
پہلے مرحلے میں ناظم آباد ٹاون میں 25000 پودے لگائے جائینگے: محمد نعمان صدیقی
مورخہ؛ 24- فروری 2025
کراچی( )کمشنر کراچی سید حسن نقوی کی ہدایت پر ڈپٹی کمشنر سینٹرل طہٰ سلیم نے ابن صفی پارک یونین کمیٹی نمبر 03 ناظم آباد نمبر 02 میں پودا لگا کر شجرکای مہم کا باقاعدہ آغاز کر دیا، اس موقع پر چیئرمین ناظم آباد ٹاون سید محمد مظفر، وائس چیئرمین محمد نعمان صدیقی، ڈائریکٹر پارکس آصف حسین، ڈائریکٹر اسپورٹس اینڈ کلچر راشد، ڈپٹی ڈائریکٹر ایڈمن حماد، ڈپٹی ڈائریکٹر لائبریریز ایاز عارف بھی ان کے ہمراہ موجود تھے، اس موقع پر ڈپٹی کمشنر سینٹرل طہٰ سلیم نے کہا کہ موسمیاتی تبدیلی اور ماحولیاتی آلودگی کے بڑھتے ہوئے خطرات کو روکنے کے لئے شجر کاری مہم کو فروغ دے کر ذیادہ سے ذیادہ پودے لگانے چاہیے، چیئرمین ناظم آباد ٹاون نے ٹاون میں جاری شجرکاری مہم کے حوالے سے کہا کہ عوام کو صاف و شفاف ماحول فراہم کرنے کے لئے نئے پودے لگانا وقت کی ضرورت ہے تاکہ ہم آنے والی نسل کو آلودگی سے پاک ماحول فراہم کرسکیں، شجرکاری کی اہمیت کو اجاگر کرنے کے لئے عوامی آگہی مہم چلانے کی ضرورت ہے حکومت اسکولوں، کالجوں میں شجرکاری اہمیت کو اجاگر کرنے کے حوالے سے سیمینار منعقد کرے، تاکہ مستقبل کے معماروں کو درختوں کی اہمیت کے بارے میں معلومات حاصل ہو۔ انہوں نے مزید کہا کہ عالمی سطح پر ماحول کی تبدیلی ایک حقیقت ہے۔ پاکستان اِن دس ملکوں میں شامل ہے جو اس تبدیلی سے متاثر ہونگے۔ ہم اپنے شہر اورٹاون میں ماحولیاتی تبدیلی کے حوالے سے آگاہی مہم اور شجر کاری مہم کے زریعے زیادہ سے زیادہ پودے لگا کر فضائی آلودگی میں کمی کر سکتے ہیں۔ آج کی ہماری محنت ہماری آنے والی نسلوں کو مستقبل میں صاف و شفاف ماحول فراہم کرسکتی ہے۔ ہماری کوشش ہے شجر کاری مہم سال میں ایک سے زائد مرتبہ ہو۔ انہوں نے مزید کہا کہ اپنے گھروں کے اطراف علاقہ کو صاف ستھرا رکھنا ہمارے ایمان کا حصہ ہے حکومت اور عوام دونوں کا فرض ہے کہ ماحول کو صاف ستھرا رکھیں اور ذمہ دار شہری ہونے کا ثبوت دیں۔
: فہیم مصطفی
ڈائریکٹر انفارمیشن
