جیکب آباد : رپورٹ ایم ڈی عمرانی
جیکب آباد کے گھوسٹ ڈاکٹر ڈیوٹی کے پابند نہ ہوئے،35سے زائد ڈاکٹرس کو ماہانہ 17لاکھ کے عیوض ڈیوٹی سے آزاد کردیا گیا انکشاف،ملیریا کلرک کو اکاؤٹنٹ کی چارج دیکر دفتر کے سیاہ سفید کا مالک بنادیا گیا گھوسٹ عملے سے وصولی کی بھی ذمہ داری دی گئی،تفصیلات کے مطابق جیکب آباد ضلع کے گھوسٹ ڈاکٹرس کو تاحال ڈیوٹی کا پابند نہیں کیا جاسکا ہے ڈی ایچ او کی جانب سے عرصے سے ڈیوٹی سے غیر حاضر ڈاکٹرس کو شوکاز نوٹس جاری کرنے کے بعد خاموشی اختیار کرلی گئی ہے نہ ہی ڈاکٹرس ڈیوٹی کے پابند ہوئے ہیں نہ ہی ڈی ایچ او کی جانب سے ڈیوٹی نہ کرنے والے ڈاکٹرس سمیت دیگر عملے کے خلاف کوئی کاروائی کی گئی ہے معلوم ہوا ہے کہ ملیریا کے 11ویں گریڈ کے جونیئر کلرک کو16ویں گریڈ کے اکاؤنٹنٹ کی چارج دیکر دفتر کے سیاہ سفید کا مالک بنا دیا گیا ہے گھوسٹ عملے سے ماہانہ وصولی کی ذمہ داری بھی دی گئی ہے ذرائع کے مطابق 35سے زائد ڈاکٹر س کو ماہانہ 17لاکھ سے زائد کے عیوض ڈیوٹی سے آزاد کردیا گیا ہے اور گھوسٹ ڈاکٹر بنا ڈیوٹی کے کراچی حیدر آباد اور دیگر شہریوں میں پرائیوٹ ڈیوٹی کرکے مفت کی سرکار سے تنخواہ بٹور رہے ہیں یہ بھی معلوم ہوا ہے کہ چند ڈاکٹر ایسے ہیں جنہوں نے 2017ست ڈیوٹی سے غائب ہے تو چند ایسے بھی ہیں جو نوکری ملنے کے بعد جوائنگ کرکے چلے گئے ہیں اور ایک دن بھی سرکاری ڈیوٹی نہیں کی،اس سلسلے میں ڈی ایچ او جیکب آباد ڈاکٹر سراج سہتو سے موقف لینے کے لئے رابطے کی کوشش کی گئی پرانکا نمبر اٹینڈ نہ ہوا۔
جیکب آبادجے یو آئی کے مرکزی سیکریٹری جنرل ایم این اے مولانا عبدالغفور حیدری آج جیکب آباد پہنچیں گے، پریس کانفرنس اور تقریب میں شرکت کرینگے۔تفصیلات کے مطابق جمعیت علمائے اسلام کے مرکزی سیکریٹری جنرل، ایم این اے اور سابق ڈپٹی چیئرمین سینیٹ مولانا عبدالغفور حیدری 22 فروری کو جیکب آباد پہنچیں گے، جہاں وہ مختلف تقریبات میں شرکت کریں گے وہ جے یو آئی کے سعودی عرب کے رہنما حاجی غلام رسول میں نگل،حاجی نذیر احمد مینگل کے قریبی عزیز اور حاجی بشیر احمد مینگل کے بیٹے محمد طارق مینگل کی شادی کی دعوت میں شریک ہوں گے۔وہ جے یو آئی سندھ کے انفارمیشن سیکریٹری ڈاکٹر اے جی انصاری کی رہائش گاہ پر ایک اہم پریس کانفرنس سے خطاب کریں گے، جہاں ملکی اور بین الاقوامی حالات پر تفصیلی تبادلہ خیال کیا جائے گا۔ مولانا حیدری ملکی سیاسی صورتحال، معیشت، مہنگائی، امن و امان، آئندہ انتخابات اور دیگر اہم قومی امور پر پارٹی مؤقف پیش کریں گے جے یو آئی تعلقہ جیکب آباد کے پریس سیکریٹری مولانا عبدالحلیم عابد ابڑو نے پریس رلیز میں ایسا بیان جاری کیا ہے۔
جیکب آباد میں آن لائن دھوکہ دہی،شہری کے بینک اکاؤنٹ سے خودکار ادائیگی کے تحت 49ہزار نکل گئے،آن لائن فراڈ کے متعلق ایف آئی اے کو درخواست دی ہے فیصل احمد تفصیلات کے مطابق جیکب آباد میں آن لائن دھوکہ دہی کے واقعات میں اضافہ ہو گیا ہے،ایک شہری کے بینک اکاؤنٹ س apple.com/billکے نام سے خودکار ادائیگی کے تحت 49829.63نکل گئے اس سلسلے میں شہری فیصل احمد نے بتایا کہ اس ادائیگی کا مجھے کوئی علم نہیں میرے اکاؤنٹ سے خود بہ خود یہ ادائیگی ہوئی جو میں نے نہیں کی میرے ساتھ فراڈ ہوا ہے میرے اکاؤنٹ سے 49ہزار نکالے گئے ہیں جس کی ایف آئی اے سائبر کرائم کو شکایت درج کرائی ہے شہری ایسے فراڈ سے محتاط رہیں۔
جیکب آباد میں کمسن بچی کی30سالہ نوجوان سے زبردستی شادی کی مبینہ کوشش،اطلاع پر پولیس پہنچی،شادی نہیں منگنی ہوئی ہے پولیس تفصیلات کے مطابق جیکب آباد کے تھانہ آر ڈی 52کی حدود میں واقع قصبہ دین محمد مرہیو میں 12سالہ بھاگل ولد داد محمد پہنیار سے 30سالہ وکیل ولد اللہ رکھیو پہنیار سے مبینہ زبردستی شادی کی کوشش کی گئی ایسی اطلاع پر پولیس پہنچ گئی اور دلہا دلہن کے ورثہ سے بیان لیا اس سلسلے میں ایس ایچ او شربت لاشاری نے بتایا کہ کمسن بچی کی شادی نہیں منگنی کی گئی ہے فریقین سے تحریری حلف لیا ہے کہ بچی کی شادی نہیں کرائی جائے گی دوسری جانب بچی کے والد داد محمد پہنیار نے پولیس کو بتایا کہ بیٹی کی اپنی خوشی سے وکیل سے منگنی کی ہے شادی نہیں شادی بیٹی کے بالغ ہونے کے بعد کی جائے گی۔
