ڈیرہ غا زیخان ( ):وزیراعظم پاکستان میاں محمد شہباز شریف کا 22 فروری کو ڈیرہ غازی خان کا دورہ متوقع ہے جہاں وہ کوٹ چھٹہ کے نزدیک جلسہ عام سے خطاب کرنے کے ساتھ تین اضلاع کی رابطہ فور لین دو رویہ سڑک کے منصوبے کا سنگ بنیاد رکھنے کے ساتھ ایئرپورٹ کی بحالی کا افتتاح بھی کریں گے اس حوالے سے ڈپٹی کمشنر ڈیرہ غازی خان محمد عثمان خالد کی زیر صدارت اجلاس منعقد ہوا جس میں وفاقی اور صوبائی محکموں کو انتظامات کی ذمہ داریاں سونپ دی گئیں۔افسران کی چھٹیاں بھی منسوخ کر دی گئی ہیں۔ڈپٹی کمشنر محمد عثمان خالد نے افسران کے اجلاس کی صدارت کرتے ہوئے کہا کہ تمام محکمے مل کر کام کریں۔ ڈویژنل و ضلعی افسران تحریری اجازت کے بغیر سٹیشن ہیڈ کوارٹر نہیں چھوڑیں گے۔ اجلاس میں ایڈیشنل ڈپٹی کمشنرز، اسسٹنٹ کمشنرز، ڈویژنل و ضلعی افسران شریک تھے.
