.
میو ہسپتال کے شعبہ آرتھوپیڈک وارڈ میں لگی لفٹ میں افسوسناک واقعہ پیش آیا، لفٹ میں چھے افراد کے سوار ہونے کی گنجائش تھی جبکہ غیر دانستہ طور پر 13 افراد کے سوار ہونے یہ حادثہ پیش آیا۔ اس حادثے میں کل 13 میں سے 11 نرسسز متاثر ہوئیں۔ ان گیارہ نرسسز میں سے تین کو فریکچر ہوا جبکہ آٹھ کو معمولی چوٹیں آئیں۔
واقعے کی اطلاع ملتے ہی ہسپتال کے عملہ نے بروقت طبی امداد فراہم کی اور وائس چانسلر پروفیسر محمود ایاز، چیف ایگزیکٹو آفیسر پروفیسر احسن نعمان، چیف آپریٹنگ آفیسر پروفیسر فیصل مسعود، پروفیسر ابرار اشرف، پروفیسر یار محمد اور دیگر فیکلٹی ممبران نے تمام تر علاج معالجے کو موقع پر موجود رہ کر مکمل کروایا حادثے میں تمام نرسسز خطرے سے باہر ہیں جبکہ دو نرسسز کے ہڈی کے آپریشن اور ایک کو پلاسٹر کے ساتھ علاج کیا جائے گا۔اس موقع پر پروفیسر فیصل مسعود کا کہنا تھا کہ لفٹ کے حادثے میں لفٹ آپریٹر موجود تھا جو کہ اس حادثے کو قابو پانے میں قاصر رہا، مزید تحقیقات اور ضروری کاروائی کے لئے پروفیسر ابرار اشرف کی سربراہی میں ایک انکوائری کمیٹی تشکیل دے دی گئی ہے جس میں شعبہ آرتھوپیڈک کے چیئرمین پروفیسر محمد اقبال،ڈاکٹر راجا نعمان اختر،روبینہ کوثر اور قاسم آمین شامل ہیں،کمیٹی کی رپورٹ آنے پر مزید قانونی کارروائی عمل میں لائی جائے گی۔
