گورنر سندھ کامران ٹیسوری کا نیا مشن کیا ہے؟
گورنر سندھ کامران ٹیسوری نے کہا ہے کہ آرمی چیف کی وجہ سے دشمن کو پاکستان یا آزاد کشمیر کے ایک انچ کے ٹکڑے پر بھی قبضے کی ہمت نہیں۔
برطانوی شہر بریڈفورڈ میں پاکستانی کمیونٹی سے خطاب کرتے ہوئے گورنر سندھ نے کہا کہ اب ایسا آرمی چیف معاشی حفاظت کےلیے بھی تیار ہے۔
کامران ٹیسوری نے کہا کہ اگر آرمی چیف نے ایس آئی ایف سی بنائی ہے جس میں دوست ممالک پیسے ڈال رہے ہیں اور پاکستان اپنے پیروں پر کھڑا ہو رہا ہے تو کیا کسی کو اس پر اعتراض ہونا چاہیے۔
اوورسیز پاکستانیوں نے اپنی محنت سے دنیا بھر میں پاکستان کا نام روشن کیا ہے،
گورنر سندھ کامران خان ٹیسوری کا برطانیہ کے شہر بریڈفورڈ میں خطاب
کراچی ( فروری 19 )
گورنر سندھ کامران خان ٹیسوری کہا ہے کہ آرمی چیف سید حافظ عاصم منیر کا اصل کمال یہ دیکھیں کہ بیرونی سازشوں کے باوجود آج کسی میں اتنی جرآت نہیں کہ وہ پاکستان اور آزاد کشمیر کی ایک انچ زمین بھی لے سکے، انہوں نے مزید کہا کہ پاک فوج اور ایس آئی ایف سی ملکی معیشت کے استحکام میں اہم کردار ادا کر رہے ہیں۔
ان خیالات کا اظہار گورنر سندھ نے برطانیہ کے شہر بریڈفورڈ میں اوورسیز پاکستانیوں سے خطاب کے دوران کیا۔ گورنر سندھ نے کہا کہ اوورسیز پاکستانی حقیقی سفیر ہیں، دنیا میں پاکستان کا مثبت چہرہ اجاگر کرنا آپ کی ذمہ داری ہے، انہوں نے کہا کہ اوورسیز پاکستانیوں نے اپنی محنت سے دنیا بھر میں پاکستان کا نام روشن کیا ہے، اوورسیز پاکستانیوں کی فلاح و بہبود کے لیے مزید سہولیات فراہم کی جائیں گی، انہوں نے مزید کہا کہ پاکستان میں سرمایہ کاری کریں اور ملکی ترقی میں اپنا کردار ادا کریں، کامران خان ٹیسوری نے کہا کہ پاکستان کی سلامتی پر کوئی سمجھوتہ نہیں کیا جا سکتا، پاکستانی ایک پرامن قوم ہے، چند شرپسند عناصر کا منفی پروپیگنڈا ناکام ہوگا۔
