معروف سندھی شاعر ڈاکٹر آکاش انصاری کے جھلس کر جاں بحق ہونے کے معاملے پر ایس ایس پی حیدرآباد ڈاکٹر فرخ علی لنجار نے کہا کہ اب تک کی تحقیقات میں ثابت ہوا کہ ڈاکٹر آکاش کی موت حادثاتی نہیں۔
انہوں نے کہا کہ ڈاکٹر آکاش انصاری کو قتل کیا گیا ہے، مزید تحقیقات جاری ہیں۔
سندھی شاعر آکاش انصاری جاں بحق: واقعے کی تحقیقات کیلئے 5 رکنی ٹیم تشکیل
ایس ایس پی حیدرآباد کا کہنا تھا کہ پوسٹ مارٹم رپورٹ ابھی نہیں ملی، ڈاکٹرز نے تصدیق کی کہ حادثاتی موت نہیں ہے۔
انہوں نے کہا کہ قتل کرنے کے بعد ڈاکٹر آکاش کی لاش کو جلایا گیا۔ والد اور لےپالک بیٹے کے درمیان پہلے بھی مسائل رہے ہیں۔
======================
پاکستانی لڑکے کی محبت میں مبتلا امریکی خاتون کو دبئی میں تحویل میں لے لیا گیا
پاکستانی لڑکے کی محبت میں مبتلا امریکی خاتون اونیجا اینڈریو رابنسن کو دبئی میں حفاظتی تحویل میں لے لیا گیا ہے۔
’آسمان سے گرا کھجور میں اٹکا‘ کی مثال پاکستانی لڑکے کی محبت میں مبتلا امریکی خاتون اونیخا اینڈریو رابنسن پر فٹ بیٹھ رہی ہے جسے دبئی میں حفاظتی تحویل میں لے لیا گیا ہے۔
اونیجا اینڈریو رابنسن 7 فروری کی رات کراچی سے پرواز ای کے 603 سے دبئی پہنچی تھی۔ اس نے دبئی سے پرواز ای کے 203 سے نیویارک جانا تھا مگر خاتون نے یہ پرواز چھوڑ دی تھی۔ اونیجا امریکی شہری ہونے کی وجہ سے آن ارائیول ویزے پر دبئی میں چلی گئی تھی۔
ذرائع کے مطابق اس کی فیملی اور ادارے کے لوگ نیویارک میں اونیجا کے پہنچنے کا انتظار کر رہے تھے مگر وہ نہیں پہنچی تو امریکی حکام کی جانب سے خاتون کی تلاش شروع کی گئی۔
ذرائع کے مطابق دبئی کی سڑکوں پر ویڈیوز سامنے آنے پر امریکی ادارے حرکت میں آئے اور امارات اتھارٹیز سے رابطہ کیا۔ جس پر خاتون کی آمدورفت محدود کر کے اسے حراست میں لے لیا گیا۔
اب اونیجا رابسن کو دبئی سے امریکا بھیجنا پھر مسئلہ بن رہا ہے کیونکہ خاتون نے کوئی قانونی خلاف ورزی نہیں کی وہ وزٹ ویزے پر ہے اسے زبردستی نہیں بھیجا جاسکتا۔ کسی وجہ سے اگر خاتون کو دبئی سے ڈی پورٹ بھی کیا جائے تو کوئی ایئرلائن یا پائلٹ اس ایب نارمل خاتون کو سیکیورٹی وجوہات کی بنا پر 15 گھنٹے طویل پرواز میں لے جانے پر آمادہ نہیں، ممکنہ طور پر خاتون کو اگلے سفر کیلئے راضی کر کے ہی امریکہ بھیجا جا سکتا ہے۔
خیال رہے کہ پاکستانی لڑکے سے مبینہ محبت میں اکتوبر 2024 میں امریکا سے کراچی آنے والی امریکی خاتون اونیجا اینڈریو رابنسن 120 دن (4 ماہ) بعد 7 فروری کو نامراد امریکا کیلئے غیر ملکی ایئرلائن کی پرواز ای کے 603 سے روانہ ہوئی تھی، جسے براستہ دبئی امریکا پہنچنا تھا۔
نیویارک کی رہائشی امریکی شہری اونیجا اینڈریو رابنسن 11 اکتوبر کو نوجوان کی محبت میں پاکستان کے ایک ماہ کے سیاحتی ویزے پر کراچی آئی تھیں، ویزا ختم ہونے پر خاتون کو 10 نومبر تک کراچی سے جانا تھا مگر وہ واپس نہیں گئی اور کئی ماہ کراچی میں دربدر رہی۔
==============================
اٹک: 2 افغان باشندوں کے والدہ سمیت مبینہ اغوا کا مقدمہ درج
اٹک سے 2 افغان باشندوں کے والدہ سمیت مبینہ اغوا کا مقدمہ تھانہ واہ کینٹ میں درج کرلیا گیا۔
مقدمہ لاپتہ شخص کی اہلیہ کی مدعیت میں درج کیا گیا، جس میں موقف اختیار کیا گیا کہ چند روز قبل اپنے شوہر، دیور، ساس اور نند کے ہمراہ افغانستان سے آئے ہیں۔
مدعی مقدمہ نے مزید کہا کہ 14 فروری کو جرمنی سے میرے دیور نے فون کیا کہ آپ کو ایک شخص ملنے آئے گا، میرے دیور نے بتایا آپ کا جرمنی منتقلی سے متعلق پراسیس ہونے والا ہے۔
مقدمے کے متن کے مطابق خاتون نے بتایا کہ میرا شوہر عبدالمجید، دیور مومن اور ساس نرگس ایک صدیق نامی شخص کے ساتھ چلے گئے، جب سے میرا شوہر، ساس اور دیور گھر سے گئے ہیں ان کا کوئی پتہ نہیں چل رہا۔
اٹک پولیس کے مطابق افغان نیشنل فیملی کے لاپتہ ہونے کے واقعے کی تحقیقات جاری ہیں۔ واقع سے متعلق مختلف مقامات کی سی سی ٹی وی حاصل کی گئی ہے۔
پولیس کے مطابق ویڈیو میں فیملی کو مرضی سے کسی شخص کے ساتھ جاتے اور کھانا کھاتے دیکھا گیا۔ افغان فیملی کا کیس اغواء کا نہیں لگتا، تمام زاویوں سے تفتیش کی جارہی ہے۔
دوسری طرف مبینہ اغوا ہونے والے افغان شہریوں پر تشدد کی ویڈیو بھی سامنے آئی ہے۔ مبینہ اغواکاروں نے مغویوں پر تشدد کی ویڈیو متاثرہ خاندان کو ارسال کی اور بدلے میں تاوان کا مطالبہ کیا۔
