لاہور () بورڈ آف انٹرمیڈیٹ اینڈ سیکنڈری ایجوکیشن لاہور وزیراعلی پنجاب مریم نواز اور وزیر تعلیم رانا سکندر حیات کے ویژن کے مطابق چیئرمین ٹاکس فورس کمیٹی برائے بورڈز مزمل محمود ، سیکرٹری ہائر ایجوکیشن ڈاکٹر فرخ نوید ، کمشنر لاہور ڈویژن/ چیئرمین بورڈ زید بن مقصود کی خصوصی ہدایات پر میٹرک سالانہ امتحان 2025 کو شفاف بنانے کے لیے سیکرٹری لاہور بورڈ رضوان نذیر اور کنٹرولر امتحانات محمد زاہد میاں متحرک ، 2025 کے میٹرک سالانہ امتحان
کے لیے پہلی بار آٹومیشن سسٹم کے تحت امتحانی عملہ تعینات کردیا گیا جس میں سپرنٹنڈنٹ ، ڈپٹی سپرنٹنڈنٹ اور نگران عملہ شامل ہیں 920 امتحانی سینٹرز میں امیدواران امتحان دے سکیں گے پہلے کی نسبت 52 نئے امتحانی مراکز شامل ہیں پہلے کی نسبت میٹرک کا امتحان دینے والے 20 ہزار نئے امیدواران میں اضافہ ہوا ہے مجموعی طور پر 5 لاکھ 68 ہزار 854 طلبہ و طالبات سائنس اور جنرل گروپ پرائیویٹ اور ریگولر امتحانات دیں گے 2 لاکھ 30 ہزار 806 پرائیویٹ جبکہ 3 لاکھ 38 ہزار 48 ریگولر طلبہ و طالبات شامل ہے میٹرک امتحان 2025 میں بلیک لسٹ ، ریٹائرڈ اور پرائیویٹ عملہ تعینات نہیں کیا جا سکے گا سیکرٹری لاہور بورڈ رضوان نزیر کی خصوصی کاوشوں سے میٹرک سالانہ امتحان 2025 میں پہلی بار آٹومیشن سسٹم کے تحت امتحانی عملہ تعینات کیا گیا ہے امتحانی مراکز میں کسی قسم کی ڈیوائس، موبائل فون یا کسی بھی قسم کے نقل کے مواد پر مکمل پابندی عائد ہوگی.
