ڈائریکٹرجنرل پی آئی ڈی کراچی ارم تنویر کا ایس این ایس کا دورہ


ڈائریکٹرجنرل پی آئی ڈی کراچی ارم تنویر کا ایس این ایس کا دورہ
ایس این ایس کی جانب سے اخبارات کو درپیش مسائل سے آگاہ کیاگیا ،حل کیلئے بھرپورکوشش کرینگے، ارم تنویر
اے آئی ٹیکنالوجی اور ڈیجیٹل میڈیا کی وجہ سے خبرکی صداقت کو نقصان پہنچ رہا ہے، ڈائریکٹرجنرل پی آئی ڈی
کراچی (اسٹاف رپورٹر) سندھ نیوز پیپرز سوسائٹی (ایس این ایس) کے مرکزی آفس میں ڈائریکٹر جنرل پریس انفارمیشن ڈپارٹمنٹ کراچی ارم تنویر صاحبہ کی آمد ، ایس این ایس کے صدر قاضی شفیق احمد و عہدیداران نے استقبال کیا۔اس موقع پرصدر ایس این ایس نے پھولوں کا گلدستہ اور سندھ کی ثقافت اجرک پیش کی ۔اس موقع پر پرنٹ میڈیا کو درپیش مسائل پر بات چیت کرتے ہوئے ڈی جی پی آئی ڈی نےانکے حل کی یقین دہانی کرائی ۔ ڈی جی پریس انفارمیشن ڈپارٹمنٹ ارم تنویرنے میڈیا ورکرز کےلئے صحت کارڈ کے اجراء پر روشنی ڈالتے ہوئے پی آئی ڈی کراچی میں ورکشاپ کےدو سیشن کے انعقاد کا اعلان کیا اور موقع پر ہی انفارمیشن آفیسر اشفاق چانڈیو کو ہدایات جاری کیں۔ مزید گفتگو کرتے ہوئےڈائریکٹرجنرل پی آئی ڈی نے بتایا کہ اس وقت پرنٹ میڈیا شدید بحرانی کیفیت سے گزر رہا ہے ، اخباری مالکان انتہائی مشکل سے اپنے اخبارات کی اشاعت ممکن بنا پا رہے ہیں، انکا کہنا تھا کہ اے آئی ٹیکنالوجی اور ڈیجیٹل میڈیا کی وجہ سے خبرکی صداقت کونہ صرف نقصان پہنچ رہا ہےبلکہ حکومت اور پرنٹ میڈیا کیلئے مشکلات کا سبب بھی ۔ اس موقع پرسندھ نیوز پیپرز سوسائٹی کےجنرل سیکریٹری سید رضوان شاہ،ممبران گورننگ باڈی و ایگزیکٹیو کمیٹی ایوب پیرزادہ، شاہد انصاری، دیدار سندیلو، سید اقبال حسین کے علاوہ کاشف میمن، میڈیم نسیم شیخ، میڈم فرزانہ،میڈیم ماہی بیگ ودیگر موجود تھے۔