اسلام آباد
محمد فاروق چوہدری صدر راولپنڈی ریسٹورنٹس کیٹرز سویٹس اینڈ بیکرز ایسوسی ایشن نے کہا کہ لائسنس کا اختیار اسلام آباد فوڈ اتھارٹی کو حاصل ہونا چاہیے۔اسلام آباد فوڈ اتھارٹی کو آگاہی کے لیے سیمینارز کا انعقاد کرنا چاہیے۔ایسوسی ایشن اسلام آباد فوڈ اتھارٹی کے ساتھ مکمل تعاون کی یقین دہائی کرواتی ہے۔
محمد فاروق چوہدری صدر راولپنڈی ریسٹورنٹس کیٹرز سویٹس اینڈ بیکرز ایسوسی ایشن نے یہ بات ڈپٹی ڈائریکٹر اسلام آباد فوڈ اتھارٹی ڈاکٹر طاہرہ صدیق سے خصوصی ملاقات میں کہی، جس میں اسلام آباد فوڈ اتھارٹی کے لائسنس اور فوڈ پوائنٹس کی سیلنگ کے حوالے سے جامع گفتگو کی گئی۔ اس موقع پر صدر ریسٹورنٹس کیٹرز سویٹس اینڈ بیکرز ایسوسی ایشن محمد فاروق چوہدری کا کہنا تھا کہ چونکہ اسلام آباد فوڈ اتھارٹی کا قیام عمل میں آچکا ہے، لہذا اب لائسنس دینے کا اختیار صرف اسلام آباد فوڈ اتھارٹی کا ہی ہونا چاہیے، اس ضمن میں اسلام آباد فوڈ اتھارٹی کو چاہیے کہ وہ آگاہی سیمینارز کا انعقاد کریں۔ ایسوسی ایشن بھرپور تعاون کی یقین دہانی کرواتی ہے، جب اسلام آباد فوڈ اتھارٹی لائسنسنگ کا عمل مکمل کرلے، تو ایس او پیز کے مطابق فوڈ پوائنٹس کی باضابطہ چیکنگ کی جائے تاکہ لوگوں کو حفظانِ صحت کے اصولوں کے عین مطابق صحت مند خوراک میسر آسکے۔ ان کا مزید کہنا تھا کہ فوڈ سیکٹر سے منسلک لوگ جلد از جلد اسلام آباد فوڈ اتھارٹی کا لائسنس حاصل کریں، تاکہ ان کو کسی بھی قسم کی پریشانی کا سامنا نہ کرنا پڑے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
