19 جنوری 2025
راولپنڈی
محکمہ سوئی گیس کا کمرشل صارفین کو فالٹ والیم کی مد میں لاکھوں روپے کے اضافی بلز بھیجے جانے کے معاملے پر راولپنڈی ریسٹورنٹس کیٹرز سویٹس اینڈ بیکرز ایسوسی ایشن نے سخت ردعمل کا اظہار کرتے ہوئے اس اقدام ناانصافی قرار دے دیا۔جنھوں نے وزیر اعظم پاکستان ،وزیر پٹرلیم،چئیرمین اوگرا سمیت متعلقہ حکام سے مطالبہ کیا کہ محکمہ سوئی گیس کی جانب سے اضافی بل بھیجنے کا فوری طور پر نوٹس لیا جائے۔
اپنے اہم بیان میں محمد فاروق چوہدری صدر ریسٹورنٹس کیٹرز سویٹس اینڈ بیکرز ایسوسی ایشن کا کہنا تھا کہ صارفین کی جانب سے بلوں کی دائیگی کے بعد بھی فالٹ والیم کے نام پر لاکھوں روپے کے بل بھیجے گئے، اضافی بلز کو مکمل طور پر مسترد کرتے ہیں، جوکہ سوئی گیس بلز میں ریبیٹ ایڈجسمنٹ کی مد میں گزشتہ ماہ کمرشل صارفین کو لاکھوں روپے کے اضافی بلز بھیجے گئے ہیں جوکہ سراسر ظلم و ناانصافی کے مترادف ہے، جب کہ سردیوں میں گیس پریشر انتہائی کم ہوتا ہے، جس سے چولہا بھی نہیں جلتا ، گیس کا پریشر پورا کرنا محکمے کی ذمہ داری ہے، جس کا بوجھ فالٹ والیم کے نام پہ صارفین پر ڈالنا سمجھ سے بالاتر ہے، کینٹ ایریا سمیت راولپنڈی شہر بھر میں کم پریشر کی تصدیق محکمہ سوئی گیس کی ٹیمیں خود کرچکی ہیں، ان کا مزید کہنا تھا کہ سوئی گیس ٹیرف کے حوالے سے ہونے والی ہیئرنگز میں چیئرمین اوگرا سمیت متعلقہ افسران کے سامنے متعدد بار نشاندہی کر چکے ہیں ۔اس حوالے سے ایم ڈی سوئی گیس اور جی ایم سوئی گیس کو بھی متعدد بار درخواستیں دی گئیں، مگر ہماری کوئی شنوائی نہیں ہوئی، ہمارا وزیراعظم پاکستان، وزیر پٹرولیم، چیئرمین اوگرا سمیت متعلقہ حکام سے مطالبہ ہے کہ وہ فالٹ والیم کے نام پہ محکمہ سوئی گیس کی جانب سے اضافی بلز بھیجنے پر نوٹس لیں اور اس کو روکیں، ورنہ ہم اپنے کاروبار بند کرکے احتجاج کےلیے سڑکوں پر آنے پر مجبور ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
