ڈیرہ غازیخان ( ):وفاقی وزیر توانائی سردار اویس احمد خان لغاری نے کہا ہے کہ پاکستان مسلم لیگ ن کی حکومت عوامی فلاح و بہبود کیلئے کام کرتی ہے۔ملک کو معاشی بحرانوں سے نکالنے کیلئے دن رات کام کررہے ہیں۔ملک کے ہر گھر کو بجلی دے کر روشن کریں گے۔انہوں نے یہ بات ضلع ڈیرہ غازی خان کے علاقہ سخی سرور میں اہل علاقہ سے گفتگو کرتے ہوئے کہی۔مقامی ایم پی اے سردار احمد خان لغاری،مسلم لیگی رہنما و سابق چیئرمین چیف کھلنگ حاجی ملک ارشاد حسین،میر مرزا تالپور اور دیگر رہنما بھی ہمراہ تھے۔وفاقی وزیر پانی و بجلی سردار اویس احمد لغاری نے سخی سرور شہر کا پیدل معائنہ کرتے ہوئے ستھرا پنجاب مہم کے حوالے سے صفائی ستھرائی سمیت دیگر امور کا جائزہ لیا اورصفائی ستھرائی پر وہ مطمئن نظر نہ آئے۔ انہوں نے مزید بہتری کے لیے اقدامات کرنے کی ہدایت کی۔ شہریوں کے مسائل سن کر موقع پر حل کرنے کے احکامات جاری کیے۔ پیدل ہی سول ہسپتال سخی سرور پہنچ گئے۔ مریضوں کی تیمارداری کرتے ہوئے طبی سہولیات کے بارے میں معلومات لیں۔سٹاف کی کمی، مناسب سہولیات اور مشینیں فعال نہ ہونے پر سردار اویس احمد خان لغاری نے سخت ناراضگی کا اظہار کرتے ہوئے رپورٹ طلب کرلی۔ڈاکٹرز بھی انہیں مطمئن نہ کرسکے۔وفاقی وزیر سردار اویس احمد خان لغاری اور ایم پی اے سردار احمد خان لغاری نے کہا کہ عوامی خدمت میں کوئی کسر اٹھا نہیں رکھیں گے۔ سول ہسپتال سخی سرور کی ایس این ای منظوری کراکر مریضوں کو مکمل صحت کی سہولیات فراہم کریں گے۔ دو ڈاکٹرز اورسٹاف نا کافی ہے۔ مشینیں انسٹال نہیں ہیں۔ سول ہسپتال سخی سرور کی بہتری کیلئے تمام تر وسائل بروئے کار لائے جائیں گے۔
ڈیرہ غازیخان ( ):ڈیرہ غازی خان ڈویژن میں ہاؤسنگ کالونیوں کی منظوری میں غیر ضروری تاخیر کا نوٹس لے لیا گیا ہے۔وقت پر این او سی نہ دینے والے محکموں سے وضاحت طلب کرلی گئی۔کمشنر ڈاکٹر ناصر محمود بشیر نے ویڈیو لنک اجلاس کی صدارت کرتے ہوئے احکامات جاری کردئیے۔انہوں نے کہا کہ ہاؤسنگ کالونیوں کی منظوری میں غیر ضروری تاخیر سے فراڈیوں اور جعلسازوں کو موقع ملتا ہے، دھوکہ دہی کے ایسے تمام دروازے بند کردئیے جائیں گے۔کمشنر نے کہا کہ تمام غیر قانونی ہاؤسنگ کالونیوں کو سربمہر کردیا جائے گا۔ انہوں نے کہا کہ نئی بننے والی سڑکوں کا معیار یقینی بنایا جائے۔ اہم شاہراہوں پر ایکسل لوڈ مینجمنٹ یقینی بنانے کیلئے ٹریفک پولیس، پٹرولنگ پولیس اور رینجرز کی تعیناتی کی جاسکتی ہے۔وزن سے زیادہ لوڈ والی گاڑیوں سے سڑکیں وقت سے قبل ٹوٹ پھوٹ کا شکار ہو جاتی ہیں۔شاہراہوں کو بچانے کیلئے ہنگامی بنیادوں پر اقدامات کرنے ہوں گے۔ اجلاس میں ستھرا پنجاب اور متعلقہ معاملات کا جائزہ لیتے ہوئے بہتری کیلئے ہدایات جاری کی گئیں۔ڈپٹی کمشنرز محمد عثمان خالد،شفقت اللہ مشتاق،منور حسین،قراۃ العین میمن،امیرا بیدار اور دیگر افسران شریک تھے۔
ڈیرہ غازیخان ( ):ڈپٹی کمشنر ڈیرہ غازیخان محمد عثمان خالد نے وزیراعلیٰ پنجاب مریم نواز شریف کی ہدایت پر معمول کی طرح آج بھی اپنے چیمبر میں عوامی مسائل سنے،انہوں نے غیر قانونی تعمیرات،درستگی ریکارڈ اور اراضی قبضہ حصول بارے لوگوں کی درخواستوں پر متعلقہ محکموں کے افسران کو احکامات جاری کیے،اس موقع پر پولیٹیکل اسسٹنٹ محمد اسد چانڈیہ،ڈپٹی ڈائریکٹر ڈویلپمنٹ امیر مسلم اور انفارمیشن آفیسر خالد رسول بھی موجود تھے۔
ڈیرہ غازیخان ( ):ڈیرہ غازی خان شہر کی ملحقہ آبادی طاہر ٹاؤن کے مکینوں کا دیرینہ مطالبہ پورا کردیا گیا۔ 1600 فٹ طویل ٹرنک سیوریج لائن کی تنصیب شروع کردی گئی۔رکن پنجاب اسمبلی محمد حنیف پتافی نے منصوبہ کا باقاعدہ آغاز کرایا۔مقامی قیادت وسیم اکرم بلوچ،ظفر طاہر مستوئی اور دیگر موجود تھے۔ایم پی اے نے کہا کہ نئی سیوریج لائن فعال ہونے سے طاہر ٹاؤن شاکر ٹاؤن،چانڈیہ چوک،جروار چوک،حسنین آباد اور ملحقہ آبادیوں سے سیوریج کا مسئلہ حل ہو جائے گا۔ا نہوں نے کہا کہ مرحلہ وار شہر کی بوسیدہ سیوریج لائن تبدیل کرنے جارہے ہیں۔
ڈیرہ غازیخان ( ):بورڈ آف ریونیو حکومت پنجاب کی ہدایات کی روشنی میں ضلع ڈیر ہ غازیخان کے ریونیو امور، محصولات ریکوری بارے جائزہ اجلاس ایڈیشنل ڈپٹی کمشنر ریونیو نعمان فاروق تارڑ کی زیرصدارت منعقد ہوا۔اجلاس میں اسسٹنٹ کمشنر جنید خان،سب رجسٹرار اعظم گوپانگ،چوہدری منظور،محمد شاہد اور ریونیو سٹاف نے شرکت کی۔ایڈیشنل ڈپٹی کمشنر نے خطاب کرتے ہوئے کہا کہ ریونیو افسران اور پٹواری نہری پانی کے آبیانہ کے نئے نافذ العمل معیار کے مطابق ریکوری کو یقینی بنائیں،ہمہ قسم کے ریونیو امور فوری نمٹائے جائیں،آبیانہ،زرعی انکم ٹیکس،ایف بی آر ٹیکس کی وصولیوں کو ترجیح دی جائے،کھیوٹ ایشوز،وراثت، رجسٹریوں سمیت ودیگر امور نمٹانے میں بہتری لائی جائے،اے ڈی سی آر نے کہا کہ محکمہ انہار سے تفصیلات کی توثیق کیلئے رابطے میں رہا جائے،ایف بی آر ریکوری کیلئے نادہندگان کیخلاف سخت ایکشن لیا جائے،ریونیو افسران اور پٹواری روزانہ ریونیو امور نمٹانے کی باقاعدہ رپورٹس دیں۔
ڈیرہ غازیخان ( ):وزیر اعلی پنجاب مریم نواز شریف کا جلد دورہ ڈیر ہ غازیخان متوقع ہے. سکیورٹی اور دیگر معاملات کا جائزہ لینے کیلئے کمشنر ڈاکٹر ناصر محمود بشیر کی زیر صدارت اجلاس منعقدہوا جس میں آر پی او کیپٹن (ر) سجاد حسن خان، ڈپٹی کمشنر محمد عثمان خالد، ڈی پی او سید علی اور دیگر افسران شریک تھے. کمشنر ڈاکٹر ناصر محمودبشیر نے کہا کہ وزیر اعلی پنجاب کے دورہ پر فول پروف سکیورٹی، روٹس کی صفائی اور دیگر تمام انتظامات کو جلد حتمی شکل دی جائے. محکموں اور افسران کو ذمہ داریاں سونپتے ہوئے رپورٹ طلب کی جائے. ضرورت پڑنے پر محکموں کے سربراہان کے سٹیشن چھوڑنے پرپابندی عائد کی جاسکتی ہے.
