اسپین جانے والے تارکین وطن سے بھری کشتی کے حادثے میں پاکستانیوں سمیت مختلف جانوں کے ضیاع کا درد ناک واقعہ حکومت کے سخت اقدامات کا متقاضی ہے۔
۔ شہید دودوسومرو ویلفیئر آرگنائزیشن انسانی اسمگلنگ کے خلاف عدالتوں میں بھی جائے گی۔ ۔ پاکستان کا امیج خراب کرنے والے ایجنٹ اسگلرز اور سارے نیٹ ورک کو پورے پاکستان سے ختم کرنے کے لئے عملی کام کیا جائے۔ متاثرہ خاندانوں سے تعزیت۔ SDSWOPکے وائس چیئرمین اور ماہر قانون داں محمد ابراہیم سومرو ایڈووکیٹ کا بیان
کراچی ( ڈسٹرکٹ رپورٹر ) SDSWOPکے وائس چیئرمین اور ماہر قانون داں محمد ابراہیم سومرو ایڈووکیٹ نے انسانی اسمگلنگ کے مسلسل واقعات اور اسپین جانے والے پاکستانیوں کے مراکش کے مقام پر قتل اور جاں بحق ہونے کے واقعات پر سخت رنج وغم و افسوس کا اظہار کرتے ہوئے کہا ہے کہ اسپین جانے والے تارکین وطن سے بھری کشتی کے حادثے میں پاکستانیوں سمیت مختلف جانوں کے ضیاع کا درد ناک واقعہ حکومت کے سخت اقدامات کا متقاضی ہے۔ انہوں نے متاثرہ خاندانوں سے دلی ہمدردی کا اظہار کرتے ہوئے مرحومین کے لئے دعائے مغفرت کی ہے۔ دکھ کی اس گھڑی میں ہم تمام متاثرہ خاندانوں کے ساتھ ہیں۔ لیکن یہ مکروہ کھیل اور اس میں ملوث افراد اور انکے سرپرستوں کے خلاف کاروائی کئے بغیر صورتحال میں کوئی بہتری نہیں آسکتی۔لاکھوں روپے قرض لے کر زمینیں بیچ کر جس طرح اپنے پیاروں کو بہتر مستقبل کی خاطر غیر قانونی طریقے سے بھیجا وہ اپنے پیاروں کی لاشوں اور سلوک سے ایکطرف تو غم ززدہ ہیں دوسری جانب وہ قرضوں کی ادائیگی اور تباہ وبرباد ہوچکے ہیں۔ شہید دودوسومرو ویلفیئر آرگنائزیشن انسانی اسمگلنگ کے خلاف عدالتوں میں بھی جائے گی۔ ایسے ٹھوس اقدامات کی ضرورت ہے کہ آئندہ کوئی ایسی جرات نہ کرسکے کہ وہ لوگوں کو لوٹ مار اور سہانے خواب دکھا کر موت کے منہ میں نہ لے جاسکیں۔ انسانی اسمگلنگ کے زریعے پاکستانیوں کو فروخت کرنے کے واقعات بھی سامنے آئے ہیں۔ ایف آئی اے اور تمام ادارے اس پر ٹھوس کاروائی کریں۔ ہم متاثرہ خاندانوں کی قانونی مدد کی بھی پیشکش کرتے ہیں۔ پاکستان کا امیج خراب کرنے والے ایجنٹ اسگلرز اور سارے نیٹ ورک کو پورے پاکستان سے ختم کرنے کے لئے عملی کام کیا جائے۔
