وائے ڈی اے پنجاب کی سر گنگارام ہسپتال لاہور میں ہنگامی پریس کانفرنس۔ اس پریس کانفرنس میں صحافی دوستوں سے صدر وائے ڈی اے پنجاب ڈاکٹر شعیب نیازی، چئرمین ڈاکٹر مدثر نواز اشرفی، جنرل سکریٹری ڈاکٹر حیسب تھند اور گنگارام ہسپتال کے صدر ڈاکٹر عثمان گجر سے خطاب کیا اور انکے سوالات کے جوابات بھی دئیے ۔وائے ڈی اے سر گنگارام ہسپتال ڈاکٹر عثمان صدر نے تمام آنے والے مہمانوں کو ویلکم کیا۔ انہوں نے بتایا کہ سر گنگارام ہسپتال اس وقت شدید مسائل سے دوچار ہے۔ سیکورٹی کمپنی اور صفائی کرنے کا ٹھیکہ لینے والی کمپنی اپنا کام صحیح طریقے سے نہیں کر رہیں۔ نا انکے ملازمین پورے ہیں اور جو کام کر رہے ہیں انکی تنخواہیں نہیں ادا کی جا رہی۔ڈریم لینڈ فیمیل ڈاکٹر ہاسٹل جسے محکمہ بلڈنگز رہائش کے لیے ناموزوں قرار دے چکا ہے،اس میں ڈاکٹرز کو ٹھہرایا جا رہا ہے،جبکہ میل ڈاکٹرز کے لیے ہاسٹل ہے ہی نہیں ۔ گنگارام کے ینگ ڈاکٹرز کے لیے نئے ہاسٹلز کی تعمیر ناگزیر ہے۔سر گنگارام ہسپتال میں دوائیوں کی چوری پر انہوں نے تشویش کا اظہار کرتے ہوئے انتظامیہ سے اس پر نوٹس لینے کا کہا۔ سر گنگارام ایمرجنسی کی renovation آج تک مکمل نا ہو سکی اور نا ہی سرجیکل ایمرجنسی پہلی منزل۔پر پوری طرح شفٹ ہوئی، جبکہ نیوروسرجری اور آرتھوپیڈک سرجری کو ایمرجنسی آپریشن تھیٹرز تک میسر نہیں،جس سے مریضوں کو پریشانی کا سامنا تو ہے ہی اور ساتھ ساتھ PGRS کی ٹریننگ بھی شدید متاثر ہو رہی ہے اور انتظامیہ ٹس سے مس نہیں ہو رہی۔
وائے ڈی اے پنجاپ کی لیڈرشپ نے اپنے خطاب میں حکومت بلوچستان کے ینگ ڈاکٹرز کے ساتھ روئیے اور بدترین سلوک کی شدید مذمت کی۔ اسی طرح جس طرح جھوٹی خبر پر چلڈرن ہسپتال فیصل آباد کے ینگ ڈاکٹرز کو suspend کیا گیا،اسکی مثال تک نہیں ملتی۔ وائے ڈی اے پنجاب کی لیڈر شپ نے محکمہ صحت سے درخواست کی فیصل آباد کے ینگ ڈاکٹرز کو انکی نوکریوں پر فوراً بحال کیا جائے اور چلڈرن ہسپتال کے واقعہ کی جوڈیشل انکوائری کروائی جائے ۔ سروسز ہسپتال کے PGRS کو جس طرح بنا کوئی انکوائری کے،نکالا گیا اسکی سخت مذمت کی گئی اور پنجاب حکومت سے درخواست کی گئی کہ اس واقعہ کی بھی غیر جانبدارانہ تحقیقات کی جائیں ۔صدر ڈاکٹر شعیب خان نیازی نے کہا کہ سپریم کورٹ کے واضح احکامات کے باوجود پنجاب حکومت ڈاکٹر کو HPA اور KPI الاؤنس نہیں دے رہی،جو کہ لمحہ فکریہ ہے۔اس انڈکشن میں جس طرح MS,MD اور MDS کی سیٹیں خالی گئی ہیں،یہ حکومت پنجاب کی مجرمانہ غفلت ہے۔ وائے ڈی اے پنجاب حکومت پنجاب سے گزارش کرتی ہے کہ جن لوگوں کے پہلے سے JCAT پاس ہے،انہیں اس سال جنوری میں انڈکشن میں اپلائی کرنے کا موقع دیا جائے تاکہ کوئی بھی سیٹ خالی نا جائے ۔ اگر ایسا نا کیا گیا تو پنجاب کے سرکاری ہسپتالوں کو محدود وسائل اور کم PGRS کے ساتھ چلانا مشکل ہو جائے گا۔
