صوبائی وزیر صحت خواجہ عمران نذیر مریم نواز ہیلتھ کلینک کے لئے منتخب نوجوان ڈاکٹرز کے ٹریننگ سیشن سے خطاب کررہے ہیں، لاہور، 16 جنوری
صوبائی وزیر صحت خواجہ عمران نذیر نے کہا ہے کہ وزیراعلی اعلی پنجاب مریم نواز کے ویژن کے تحت ڈاکٹرز کو مالی طور پر مضبوط کریں گے۔بنیادی مراکز صحت کی نجکاری نہیں، آؤٹ سورسنگ کی گئی ہے جس کے تحت کمیونٹی کو جدید اور بہتر انداز میں طبی سہولیات فراہم کی جائیں گی۔سٹیٹ اف آف دی آرٹ مریم نواز ہیلتھ کلینک بنائے گئے ہیں، ڈاکٹرز کے لئے سنہری موقعہ ہے کہ اس ماڈل کو کامیاب بنائیں۔صوبائی وزیر صحت نے ان خیالات کا اظہار مریم نواز ہیلتھ کلینک کیلئے منتخب نوجوان ڈاکٹرز کے لئے مقامی ہوٹل میں آپریشنل ٹریننگ سیشن سے خطاب کرتے ہوئے کیا۔ ٹریننگ سیشن کے دوران منتخب شدہ ڈاکٹرز کو مریم نواز ہیلتھ کلینک کی آپریشنل مینجمنٹ کے مکمل طریقہ کار سے آگاہ کیا گیا۔وزیر صحت پنجاب نوجوان ڈاکٹرز سے ملے، انہیں مریم نواز ہیلتھ کلینک کی حوالگی پر مبارکباد دیتے ہوئے کہا کہ آؤٹ سورس ماڈل کی کامیابی کی صورت میں ڈاکٹرز کو مزید مراعات دیں گے۔ ہیلتھ کلینک میرٹ، تجربہ اور پروفیشنل مہارت کی بنا پر نوجوان ڈاکٹرز کے حوالہ کئے گئے ہیں۔ خواجہ عمران نذیر کا کہنا ہے کہ مریم نواز شریف نے تمام بنیادی و دیہی مراکز صحت کی ریویمپنگ کے لئے خطیر بجٹ فراہم کیا ہے۔انہوں نے کہا کہ مریم نواز ہیلتھ کلینک انسانیت کی خدمت سے سرشار نوجوان ڈاکٹرز کو آؤٹ سورس کیئے گئے ہیں۔مقامی ڈاکٹرز کو اس سلسلہ میں ترجیح دی گئی ہے۔وزیر صحت پنجاب نے کہا کہ ڈاکٹرز ہیلتھ کلینک کو اپنا کلینک سمجھ کر عوام کی خدمت کریں۔یہ منصوبہ ہیلتھ ڈیلوری میں گیم چینجر ثابت ہوگا۔خواجہ عمران نذیر نے کہا کہ ہیلتھ سسٹم کو موجود خامیوں سے پاک کرنے کے لئے نئے ماڈل متعارف کروائے جارہے ہیں۔انہوں نے سی ای اوز ہیلتھ کو ہدایت کہ مریم نواز ہیلتھ کلینک میں دستیاب سہولیات کے متعلق نمایاں جگہ پر ایک ہی ڈیزائن میں پینا فلیکس آویزاں کریں۔ اس موقع پر سیکرٹری صحت نادیہ ثاقب نے کہا کہ نوجوان ڈاکٹرز کو مریم نواز ہیلتھ کلینک اسی ہفتے حوالے کیئے جارہے ہیں۔اگلے سوموار کو ہیلتھ کلینک باقاعدہ کام شروع کردیں گے۔انہوں نے سی ای اوز ہیلتھ کو ہدایت کی کہ مریم نواز ہیلتھ کلینک میں ڈاکٹرز کو کسی قسم کا کوئی مسئلہ نہ پیش آئے۔پی ڈی آئی آر ایم این سی ایچ ڈاکٹر خلیل موجود تھے۔
پنجاب بھر میں احتجاجی مظاہروں کی طرح سول سیکرٹریٹ لاہور کے سامنے سینکڑوں اساتذہ و ملازمین نے آل گورنمنٹ ایمپلائز گرینڈ الائنس پنجاب کے زیر اہتمام حکومتی ظالمانہ پالیسیوں کے خلاف پُرامن مظاہرہ کیا مظاہرین سے خطاب کرتے ہوئے ضیاء اللہ نیازی ، پروفیسر فائزہ رعنا، مختار گجر ، رانا لیاقت علی ، ثمینہ ناز ، کاشف شہزاد چوہدری ، شفیق گجر ، عامر بٹ ، راشد محمود ، سرور گجر ، افتخار سہلریا ،بلال گجر ودیگر نے کہا کہ حکومت سرکاری ملازمین سے سوتیلی ماں جیسا سلوک کر رہی ہے ریاست ماں جیسی ہوتی ہے لیکن حکومت نے بیواؤں اور یتیموں سے پنشن اور ملازمت کا حق چھین لیا ہے ملازمین کی ریٹائرمنٹ کے بعد بڑھاپے کا واحد سہارا پنشن و گریجویٹی اور لیو انکیشمنٹ ہے جس پر گورنمنٹ نے شب خون مار کر ملازمین کے گھروں میں صف ماتم برپا کر دی ہے بیورو کریسی کے لیے نئی گاڑیاں ، بنگلے اور وزراء ، مشیران کی تنخواہوں میں اضافے کے اربوں روپے کے فنڈز دستیاب ہیں لیکن اساتذہ و ملازمین کا معاشی استحصال کیا جا رہا ہے حکومت کی ناقص حکمت عملی کی وجہ سے ہسپتال ، تعلیمی ادارے آؤٹ سورسنگ کی بھینٹ چڑھائے جا رہے ہیں صوبہ بھر کے اساتذہ و ملازمین اپنے معاشی حقوق کے تحفظ کے لیے سراپا احتجاج ہیں وزیر اعلیٰ پنجاب مریم نواز صاحبہ پنشن وگریجویٹی ، لیو انکیشمنٹ میں کمی کے ظالمانہ نوٹیفکیشنز فی الفور واپس نہ لئے تو 22 جنوری کو صوبہ بھر کے اساتذہ و ملازمین اپنے معاشی حقوق کے تحفظ کے لیے ناصر باغ سے پنجاب اسمبلی تک پرامن ریلی نکالیں گے۔
=================
پنجاب حکومت نے سرکاری میڈیکل اور ڈینٹل کالجوں میں اسلام آباد کے ڈومیسائل رکھنے والے امیدواروں کے لیے نشستوں کا کوٹہ بڑھا دیا ہے۔ اب اسلام آباد کے ڈومیسائل رکھنے والے امیدواروں کے لیے نشستیں تین سے بڑھا کر 30 کر دی گئی ہیں۔ ان میں ایم بی بی ایس کی 26 اور بی ڈی ایس کی چار نشستیں شامل ہیں۔
یونیورسٹی آف ہیلتھ سائنسز (یو ایچ ایس) کے ترجمان کے مطابق نئی پیش رفت کے مدنظر اسلام آباد کے امیدواروں کے لیے ایم بی بی ایس میں داخلے کی درخواست دینے کی آخری تاریخ میں دو دن کی توسیع کر دی گئی ہے۔ اب امیدوار 17 جنوری شام 5 بجے تک درخواستیں جمع کروا سکتے ہیں۔ جو امیدوار پہلے ہی درخواست دے چکے ہیں، وہ بھی اپنی درخواست میں ردوبدل کر سکیں گے۔ یہ سہولت صرف اسلام آباد کے ڈومیسائل رکھنے والے امیدواروں کو دی گئی ہے۔
پنجاب کے ڈومیسائل رکھنے والے امیدواروں کے لیے درخواست جمع کروانے کی آخری تاریخ میں کوئی توسیع نہیں کی گئی۔ ان کے لیے درخواستیں جمع کروانے کی آخری تاریخ 15 جنوری ہے۔
یو ایچ ایس کے ترجمان کے مطابق، اب تک 12,967 امیدوار ایم بی بی ایس میں داخلے کے لیے آن لائن درخواستیں جمع کروا چکے ہیں۔ داخلوں کا عمل 6 جنوری کو یو ایچ ایس کے زیر اہتمام شروع کیا گیا تھا۔ ترجمان نے امیدواروں کو جلد از جلد درخواستیں جمع کروانے کا مشورہ دیا ہے تاکہ کسی قسم کی پریشانی سے بچا جا سکے۔
ہندو مذہب کے قدیمی شادانی دربار حیات پتافی(سندھ )کی یاترا کے لیے پاکستان آئے 84ہندو یاتری بھارت واپس روانہ ہو گئے ۔ متروکہ وقف املاک بورڈ کے ایڈیشنل سیکرٹری شرائنز سیف اللہ کھوکھر ڈپٹی سیکرٹری عمر جاوید اعوان کہ ہمراہ واہگہ بارڈر پر یاتریوں کو الوداع کیا۔۔واہگہ بارڈر پر میڈیا کے نمائندوں سے گفتگو کرتے ہوئے بھارتی جتھہ لیڈر سنت ڈاکٹر یوڈھشٹر لال نے کہا کہ پاکستان میں جو پیار اور محبت ملا ہمیشہ یاد رکھا جائے گا جتھ کہ ہمراہ آنے والے یاتری متروکہ وقف املاک بورڈ اور حکومت پاکستان کی جانب سے کیے گئے انتظامات پر شکر گزار ہیں۔ ہمیں پاکستان میں مذہبی عبادات اور زیارات کے لیے مکمل آ زاد ی حاصل تھی جبکہ سکیورٹی رہائش اور میڈیل کے بالخصوص بہترین انتظامات کیے گئے تھے۔ انہوں نے کہا کہ ہر سال پاکستان یاترا کے لیے آتے ہیں ۔مہمان نوازی کے لیے ہر بار پہلے سے بہتر انتظامات کیے جاتے ہیں ۔ایڈیشنل سیکرٹری شرانئز سیف اللہ کھوکھو کے میڈیا کے نمائندوں کے بتایا کہ یاتری دورہ پاکستان مکمل کرنے کے بعد واپس جا رہے ہیں ۔چیئرمین متروکہ وقف املاک بورڈ سید عطا الرحمن کے احکامات کے مطابق یاتریوں کو سیکورٹی، میڈیکل،ٹرانسپورٹ سمیت تمام سہولیات فراہم کی گئیں ۔یاتریوں نے شادانی دربار میر پور میتھلو ،سادھوبیلہ مندر سکھر میں مذہبی رسومات ادا کیں ۔انہوںنے کہا کہ یاتریوںنے حکومت پاکستان اور ہندو مندر مینجمنٹ کی جانب سے دی جانے والی سہولیتات اور مہمان نوازی پر اظہار اطمنان کیا ہے ۔جتھہ کے ہمراہ پاکستان آئے دیگر ہندو یاتریوں نے حکومت پاکستان کی مہمان نواز ی اور انتظامات کو سراہتے ہوئے شکریہ ادا کیا ۔واہگہ برڈ پر الودا کرتے ہوئے چیئرمین متروکہ وقف املاک بورڈ کی جانب سے یاتریوں کو خصوصی تحائف اور پھولوں کے گلدستے پیش کیے گئے ۔
صوبائی وزیر صحت خواجہ عمران نذیر کی آشیانہ ویلفیئر سسٹم عارف محمود ڈائیلاسز اینڈ ڈائیگناسٹک ہسپتال، رائیونڈ آمد۔صوبائی وزیر صحت خواجہ عمران نذیر نے رورل ہیلتھ سنٹر رائیونڈ کا بھی دورہ کیا۔اور ہیلتھ سنٹر کی جاری ریویمپنگ کا تفصیلی معائنہ کیا۔خواجہ عمران نذیر نے
عارف محمود ڈائیلاسز ہسپتال میں فارمیسی، ایمرجنسی، لیب، ڈائلاسز وارڈ، آر او پلانٹ کا دورہ کیا اور ڈائیلسز مریضوں سے ادویات، لیب، ٹیسٹوں کی سہولیات سے متعلق دریافت کیا۔خواجہ عمران نذیر نے عارف محمود ہسپتال میں داخل ڈائیلسز، ہیپاٹئٹس مریضوں کو تمام ادویات مفت فراہم کرنے کا اعلان کیا۔صوبائی وزیر صحت نے کہا ہے کہ پنجاب بھر میں ڈائیلاسز مریضوں کو ڈائیلاسز کارڈز کے ذریعے تمام علاج مفت فراہم کیا جارہا ہے۔عارف محمود ڈائیلاسز ہسپتال کی جانب سے ڈائیلاسز مریضوں کا مفت علاج قابل تحسین ہے۔خواجہ عمران نذیر کا کہنا ہے کہ رورل ہیلتھ سنٹر رائیونڈ کی ریویمپنگ جنوری کے آخر تک مکمل ہو جائے گی۔وزیر صحت پنجاب نے کہا کہ وزیر اعلی مریم نواز کے 10 ماہ کے مختصر عرصہ میں 900 سے زائد منصوبے تیزی سے مکمل کئے جارہے ہیں۔اس موقع پر سی ای او ہیلتھ ڈاکٹر ذوہیب حسن، معروف ٹی وی اداکار کاشف محمود بھی موجود تھے۔
اکادمی ادبیات پاکستان لاہور میں اہل قلم سے ملیے ایک تقریب کا اہتمام کیا۔ اس تقریب کی مہمان خاص کینیڈا سے تشریف لانے والی ممتاز شاعرہ شاہدہ حسن تھی۔ تقریب کی صدارت ممتاز شاعر اور استاد ڈاکٹر خورشید رضوی نے کی ۔گفتگو کرنے والوں میں یاسمین حمید، غلام حسین ساجد، انجم خلیق اور حمیدہ شاہین تھے۔ نظامت کے فرائض سجاد بلوچ نے سر انجام دیے۔
تقریب کا اغاز تلاوت کلام پاک سے حسنین مظہر ی نے کیا جس کے بعد شاہدہ حسن کا نعتیہ کلام بھی خوبصورت انداز میں پیش کیا۔ صاحب صدر اور گفتگو کرنے والوں نے مہمان خاص شاہدہ حسن کی فن و شخصیت پر بھرپور گفتگو کی۔ تقریب کے اخر میں شاہدہ حسن صاحبہ نے اپنے شعری سفر کے بارے میں اظہار خیال کرتے ہوئے حاضرین کے ساتھ اپنی یادیں اور باتیں شیئر کیں اور اپنے کلام سے نوازا اس تقریب میں ادبی شخصیات نے شرکت کی ان میں جامد عزیز، شاہد فرید، سید علی حسین جعفری، حسین مظہری، عمار اقبال ،ظہیر مفتی ،وسیم عباس، عامر فراز، احسان اللہ، عزیز زاہد اور دیگر شامل تھے۔
