14 جنوری ، 2025
کراچی(سید محمد عسکری) حبیب یونیورسٹی میں امام علی چیئر نے باقاعدہ کام شروع کردیا ہے یہ چیئر دنیا کی پہلی چیئر ہے جو برائے حکمت و انسانی علوم ہے۔ جس کا مقصد اعلیٰ تعلیم میں حکمت اور بین الضابطہ مطالعے کو ضم کرنا ۜہے۔ یہ چیئر زین جیوانجی اور فرزانہ جیوانجی کے تعاون سے قائم کی گئی ہے اور حبیب یونیورسٹی کے “تقابلی انسانی علوم” پروگرام کے تحت رکھی گئی ہے۔ امام علی (ع) فیکلٹی چیئر برائے حکمت و انسانی علوم تعلیم میں سخاوت کی طاقت کی ایک روشن علامت ہے اور پاکستان کی فکری ترقی میں ایک قابل ذکر تعاون کی نمائندگی کرتی ہے۔ اس سلسلے میں پیر کو ممتاز اسکالر اور بوسٹن یونیورسٹی کی ایسوسی ایٹ پروفیسر برائے مذہب، ڈاکٹر ٹینا پروہت نے امام علی اور جدید مسلم فکر میں کرشماتی نمونہ” کے موضوع پر حبیب آڈیٹوریم میں خصوصی لیکچر دیا جس میں انہوں نے انیسویں اور بیسویں صدی کے مسلمان مجتہدین کی کوششوں کو اجاگر کیا، جو نوآبادیاتی جدیدیت کے تناظر میں اسلامی روایت کی بحالی اور تجدید کے خواہاں تھے۔ انہوں نے مذہبی اقتدار کے دو نمونوں کرشماتی اور مثالی کے درمیان مفاہمت پر بحث کی۔ اسلامی قیادت ہمیشہ سے ان دو الگ مگر باہم جڑے ہوئے نمونوں سے متاثر رہی ہے۔اس موقع پر زین جیوانجی نے کہا کہ یہ دیکھ کر بہت خوشی ہوئی کہ ڈاکٹر ٹینا پروہت کا امام علی فیکلٹی چیئر لیکچر سیریز میں دیا گیا لیکچر مسلم فکر اور جدیدیت جیسے موضوعات کو سامنے لایا ہے، جو حکمت اور انسانی علوم کے دائرے میں علم کی تخلیق کو فروغ دیتا ہے۔” ڈاکٹر پروہت نے انیسویں اور بیسویں صدی کے مسلمان مجتہدین کے نوآبادیاتی جدیدیت کے چیلنجز کے جواب کو گہرائی سے بیان کیا۔
سندھ یونیورسٹی اور زرعی یونیورسٹی ٹنڈوجام میں قائم مقام وائس چانسلر کا تقرر
14 جنوری ، 2025FacebookTwitterWhatsapp
کراچی(سید محمد عسکری) سندھ یونیورسٹی اور زرعی یونیورسٹی ٹنڈوجام کے وائس چانسلرز پروفیسر صدیق کلہوڑو اور ڈاکٹر فتح محمد مری کی مدت ملازمت میں توسیع نہیں کی گئی اور دونوں جگہ سینئر ترین پروفیسرز کو چارج دے دیا گیا۔ سندھ یونیورسٹی میںسینئر پروفیسر ڈاکٹر خلیل الرحمان اور ٹنڈو جام زرعی یونیورسٹی میں سینئر پروفیسر اور ڈین الطاف علی سیال کو قائم مقام وائس چانسلر مقرر کردیا گیا ہے جن کے تقرری کے دو علیحدہ علیحدہ نوٹیفکیشنز جاری کردیئے گئے ہیں ۔ یاد رہے کہ وزیر اعلی سندھ مراد علی شاہ کسی بھی وائس چانسلر کو دوسری چار سالہ مدت نہیں دے رہے ہیں اور اس حوالے سے انھوں نے ٹنڈو جام زرعی یونیورسٹی کے وی سی ڈاکٹر فتح محمد مری اور سندھ یونیورسٹی کے وائس چانسلر پروفیسر صدیق کلہوڑو کی بھی دوسری مدت کے لیے سمری مسترد کردی ہے۔
