Report Sabih Salik
ڈکیتی کا یہ منفرد اور دلچسپ واقعہ پاکستان کے ضلع گوجرانوالہ کے شہر کامونکی میں پیش آیا۔ جہاں واردات میں صرف ٹافیوں کے دو ڈبے لوٹے گئے۔
یہاں دو مسلح ڈاکو اسلحہ لہراتے ہوئے ایک بیکری میں داخل ہوئے اور نقدی نہ دیگر سامان صرف ٹافیوں کے دو ڈبے لوٹ کر فرار ہو گئے۔
رپورٹ کے مطابق تھانہ سٹی کے علاقے ماڈل ٹاؤن میں واقع ایک بیکری میں دو نامعلوم مسلح افراد داخل ہوئے۔ انہوں نے نہ کیش کاؤنٹر پر نظر ڈالی اور نہ ہی خوش ذائقہ دیدہ زیب کیک اور دیگر بیکری آئٹم کی جانب راغب ہوئے۔
دونوں چور ایک شیلف کی جانب گئے اور وہاں سے ٹافیوں کے دو ڈبے اٹھائے اور پھر اسلحہ لہراتے ہوئے بیکری سے فرار ہو گئے۔
بیکری کا مالک بلال بھی اس انوکی دکیتی کے واقعے پر حیران ہے تاہم اس نے پولیس میں اس سارے واقعے کی رپورٹ درج کرا دی ہے، دکاندار کے مطابق ٹافیوں کے دونوں ڈبو کی قیمت صرف 800 روپے تھی۔
