
لاہور(جنرل رپورٹر) کلا سیکی گیتوں کے خالق، شام چوراسی گھرانہ کے فرزند،معروف موسیقار، کلاسیکل گائیک،اور ریٹائرڈ اسٹیشن ڈائریکٹر ریڈیو پاکستان استاد تصدق علی خان کی گیارہویں برسی کے موقع پر ان کی رہائش گاہ پر قرآن خوانی کا اہتمام کیا گیاجس میں ان کے بچوں اور اہل علاقہ نے شرکت کی وہ ملک کے معروف کلاسیکل گائیک استاد نزاکت علی خان استاد سلامت علی خان کے چھوٹے بھائی تھے انھوں نے،1963 میں گرایجویشن کی ڈگری حاصل کی، 1964 میں بطور پروڈیوسر ریڈیو پاکستان کو جوائن کیا اور 1999 میں ریٹائر ہوئے اور 2013ء میں وفات پاگئے اور میانی صاحب قبرستان میں سپردِ خاک ہوئے انہوں نے بطور پروڈیوسر اور موسیقار بے شمار کلاسیکل اور نیم کلاسیکل دھنیں ترتیب دیں جو کہ ہندو پاکستان میں بہت مقبول ہوئی، تصدق علی خان نے


بے شمار گلوکاروں کو مرتبہ متعارف کروایا جن میں غلام علی،پرویز مہدی،حسین بخش گلو افشاں،ریشماں،منیر حسین،شوکت علی، غلام عباس، مسعود رانا،اخلاق احمد،ناہید اختر،مہناز،ثمر اقبال،ترنم ناز،ثریا خانم،انور رفیع،حمیرا چنا اورسائرہ نسیم شامل ہیں۔ان کے بیٹے ثروت علی خان ریڈیو پاکستان لاہور میں سئینیر پروڈیوسر کی حثیت سے تعینات ہیں اور اپنے والد کی میراث یعنی کلاسیکی گائیکی کے فروغ میں اپنا کردار ادا کررہے ہیں۔























