عالمی میڈیا کی رپورٹ: بشریٰ بی بی کے پیرخانے اور روحانیت پر الزامات، وزیر اطلاعات پنجاب کا ردعمل
لاہور: بانی پاکستان تحریکِ انصاف کے بعد بشریٰ بی بی کے کردار اور روحانیت کے دعووں کے حوالے سے عالمی میڈیا میں تیزی سے بحث جاری ہے۔ برطانوی جریدے نے اپنی رپورٹ میں دعویٰ کیا ہے کہ بشریٰ بی بی کے پیرخانے اور روحانیت کے دعوے دراصل جعلی تھے اور ان میں چھپی شیطانی سرگرمیاں شامل تھیں۔
پنجاب کی وزیر اطلاعات عظمیٰ بخاری نے دی اکانومسٹ کی رپورٹ پر ردعمل دیتے ہوئے کہا کہ چار سال تک بانی پی ٹی آئی کو بشریٰ بی بی اور ان کے پیرخانے نے گمراہ کیا۔ جو معلومات وہ مخالفین کے لیے رکھتے تھے، وہ اپنی زوجہ کے ذریعے روحانیت کے پردے میں چھپائی جاتی تھیں۔
ذرائع کے مطابق، یہ رپورٹ اور وزیر اطلاعات کے ردعمل نے سیاسی حلقوں اور عوامی حلقوں میں خاصی توجہ حاصل کر لی ہے، اور اس موضوع پر مباحثے جاری ہیں۔
====================
آصف زرداری پیپلز پارٹی کے شریک چیئرمین نہیں ہیں، شازیہ مری
آصف زرداری پیپلز پارٹی کے شریک چیئرمین نہیں ہیں، شازیہ مری
پاکستان پیپلز پارٹی(پی پی پی) کی ترجمان شازیہ مری نے انکشاف کیا ہے کہ آصف علی زرداری پارٹی کے شریک چیئرمین نہیں ہیں۔
جیو نیوز کے پروگرام ’نیا پاکستان‘ میں گفتگو کےد وران شازیہ مری نے کہا کہ 27ویں آئینی ترمیم سے پارلیمان مضبوط ہوا ہے۔
انہوں نے کہا کہ 27ویں ترمیم سے عدلیہ کو نقصان نہیں ہوا بلکہ اس سے عدلیہ پر کیسز کا بوجھ کم ہوجائے گا۔
پی پی پی ترجمان نے مزید کہا کہ آئینی عہدوں کو یہ استثنیٰ دیگر ممالک میں بھی حاصل ہے، صدارتی مدت کے بعد صدر پبلک آفس ہولڈر بنیں گے تو استثنیٰ ختم ہوجائے گا۔
اُن کا کہنا تھا کہ آصف زرداری پارٹی کے کو چیئرمین نہیں ہیں، صدر مملکت مدت پورے ہونے کے بعد سیاست میں آئیں گے تو استثنیٰ نہیں رہے گا۔
