13 نومبر ، 2025
کراچی- ڈائریکٹر جنرل پریس اینڈ انفارمیشن ڈپارٹمنٹ ارم تنویر نے نے اے پی این ایس کی ویمن پبلشنگ کمیٹی کے وفد کو تمام مسائل کے حل کیلئے مکمل تعاون کی یقین دہانی کراتے ہوئے کہاہے کہ خواتین کے جرائد کو سپورٹ کرنا ہماری ترجیح میں شامل ہے اور ان شاء اللہ جلد یہ مسائل حل کر لئے جائیں گے۔ آل پاکستان نیوز پیپرز سوسائٹی کی ویمن پبلشنگ کمیٹی کی چیئرپرسن فوزیہ شاہین کی قیادت میں زاہدہ عباسی اور حسینہ جتوئی پر مشتمل اے پی این ایس کے وفد نے ڈائریکٹر جنرل پریس اینڈ انفارمیشن ڈپارٹمنٹ ارم تنویر سے ملاقات کی اورپرنٹ میڈیا، اُردو جرائد کو درپیش مسائل پر تبادلہ خیال کیا۔ وفد نے ڈی جی پی آئی ڈی کو اشتہارات کے منصفانہ اجراء، نرخوں اور بقایا جات کی ادائیگی سے متعلق معاملات پر تفصیل سے آگاہ کیا۔ ویمن پبلشنگ کمیٹی کے وفد نے ڈائریکٹر انفارمیشن سندھ یوسف کابورو سے بھی ملاقات کی ۔
====================
آٹھ گھنٹے کی نیند کا تصور غلط، بے خوابی میں پوری نیند کی کوشش نقصان دہ
13 نومبر ، 2025FacebookTwitterWhatsapp
کراچی (نیوز ڈیسک)آٹھ گھنٹے کی نیند کا تصور غلط، بے خوابی میں پوری نیند کی کوشش نقصان دہ ہوسکتی ہے۔ ڈاکٹر وان ڈی لار کا کہنا ہے کہ قدیم انسان رات کو کئی گھنٹے جاگتے رہتے تھے ، جس سے انہیں کوئی نقصان نہیں پہنچتا تھا، نیند کا دورانیہ ہر شخص کیلئے مختلف، رات میں جاگنا فطری عمل ہے،قدرتی رویے اور آرام کو ترجیح دینی چاہیے۔ماہرین کا کہنا ہے نیند میں زیادہ دباؤ ڈالنا یا ہر چھوٹے وقفے پر پریشان ہونا، خواب کی کیفیت کو مزید خراب کر سکتا ہے۔انڈیپنڈنٹ کی رپورٹ کے مطابق بہت سے لوگ بے خوابی یا نیند نہ آنے کے مسئلے سے جدوجہد کر رہے ہیں، خاص طور پر سردیوں میں جب وٹامن ڈی اور سیرٹونن کی سطح کم ہوتی ہے۔ نیند کے ماہر ڈاکٹر میرین وان ڈی لار کا کہنا ہے کہ آٹھ گھنٹے کی نیند لازمی نہیں اور ہر رات پوری نیند لینے کی کوشش اکثر بے خوابی کو بڑھا دیتی ہے۔
