نیوز ڈیسک
November 12, 2025
اسلام آباد:صدر مسلم لیگ( ن) محمد نوازشریف مرحوم سینیٹرعرفان صدیقی کی رہائشگاہ گئے اور اہلخانہ سے تعزیت کی ۔اس موقع انہوں نے مرحوم کے بلند درجات کیلئےفاتحہ خوانی کی۔
محمد نوازشریف نے سینیٹرعرفان صدیقی کی پارٹی اور جمہوریت کیلئے خدمات پرانھیں خراج تحسین پیش کیا۔ انہوں نے کہا کہ عرفان صدیقی بہت قابل ، باصلاحیت اور عالم انسان تھے ۔میرا ان سے قلبی تعلق تھا، ایک قریبی بھائی کی وفات پر اپنا دکھ بیان نہیں کرسکتا ۔
محمد نوازشریف نے کہا کہ مشکلات کے دور میں اُن کے دانشمندانہ مشوروں کا بڑا ہاتھ رہا۔مرحوم نے صحافت کے بعد سیاستدان کے طورپر بھی اپنی صلاحیتوں کا لوہا منوایا ۔نائب وزیراعظم اور وزیر خارجہ اسحاق ڈار، سینیٹر پرویز رشید بھی اس موقع پر موجود تھے۔
==========================
پاکستان اور افغانستان میں پایا جانے والا پولیو وائرس جرمنی پہنچ گیا، فنڈنگ میں کمی اور ویکسین سے ہچکچاہٹ پولیو کے خاتمہ میں رکاوٹ ہے ،عالمی ادارہ صحت،وائرس کی دریافت سے پولیو کے خاتمے کی عالمی کوششوں کو دھچکالگا ہے۔جرمنی میں پولیو وائرس دریافت، فنڈنگ میں کمی اور ویکسین سے ہچکچاہٹ پولیو کے خاتمہ میں رکاوٹ ہے ،وائرس ممکنہ طورپر افغانستان اور پاکستان میں پائے جانے والے وائرس سے مماثل ہے،عالمی ادارہ صحت،جرمنی کے مرکزی صحت کے ادارے نے بتایا کہ گندے پانی کے نمونے میں پولیو کا جنگلی وائرس دریافت ہوا ہے۔
=====================
عوام کی بھی ایک عدالت ہے، عوامی طاقت سے ہم یہ ترمیم ختم کریں گے
جلدی میں ترامیم منظور کراکے آئین اور جمہوریت کی کشتی کوڈبو دیا گیا، یہ آصف زرداری ، عارف علوی یا کسی اور کا نہیں بلکہ ریاست کا معاملہ ہے۔چیئرمین پی ٹی آئی بیرسٹر گوہر خان
عوام کی بھی ایک عدالت ہے، عوامی طاقت سے ہم یہ ترمیم ختم کریں گے
اسلام آباد 12 نومبر 2025ء ) چیئرمین پی ٹی آئی بیرسٹر گوہر خان نے کہا ہے کہ عوام کی بھی ایک عدالت ہے، عوامی طاقت سے ہم یہ ترمیم ختم کریں گے۔ انہوں نے اسلام آباد میں میڈیا سے گفتگو کرتے ہوئے کہا کہ جلدی میں ترامیم منظور کراکے آئین اور جمہوریت کی کشتی کوڈبو دیا گیا۔ عوامی طاقت سے ہم یہ ترامیم ریورس کریں گے، یہ آصف زرداری ، عارف علوی یا کسی اور کا نہیں بلکہ ریاست کا معاملہ ہے۔
انہوں نے کہا کہ عوام کی بھی ایک عدالت ہے، ایوان میں بیٹھ کر فیصلے ذاتی مفاد میں نہیں کئے جاتے ، ان ترامیم کو عوامی طاقت سے ختم کریں گے۔
یاد رہے قومی اسمبلی نے 2 تہائی اکثریت سے 27ویں آئینی ترمیم منظور کر لی۔ حکمران اتحاد نے اضافی ترامیم کے ساتھ 27 ویں آئینی ترمیم قومی اسمبلی سے منظور کروا لی۔
27ویں آئینی ترمیم کے حق میں 234ارکین نے ووٹ دیا، 4 اراکین نے آئینی ترمیم کی مخالفت میں ووٹ دیا۔
27ویں آئینی ترمیم میں سینیٹ سے منظور ترمیم کو اضافی ترامیم کے ساتھ قومی اسمبلی میں پیش کیا گیا۔
وزیر قانون اعظم نذیر تارڑ نے 6 اضافی ترامیم پیش کیں، قومی اسمبلی نے دو تہائی اکثریت سے 59 ترامیم کی شق وار منظوری دی۔ قومی اسمبلی سے اضافی ترامیم کی منظوری پر بل کو دوبارہ سینیٹ کو بھجوایا جائے گا۔ بتایا گیا ہے کہ حکومت نے 27ویں آئینی ترمیمی بل میں مزید ترامیم شامل کرنے کا بھی فیصلہ کیا، جس کے نتیجے میں 27ویں آئینی ترمیم میں اضافی ترامیم قومی اسمبلی میں پیش کی جائیں گی، اس حوالے سے حکومت اور اپوزیشن کی اضافی ترامیم الگ فہرست میں موجود ہیں، قومی اسمبلی سے اضافی ترامیم کی منظوری پر بل کو دوبارہ سینیٹ کو بھجوایا جائے گا۔
