کیڈٹ کالج پر حملہ کی شدید مذمت کرتے ہیں:الطاف شکور
ملک دشمن عناصر اور صفوں میں موجود غداروں کو نشان عبرت بنا دیا جائے
دشمن کے عزائم خاک میں ملائے بغیر ملک ترقی نہیں کر سکتا ہے
سلطنت کے ستونوں کو دشمن سے نمٹنے کے لئے سر جوڑ کر بیٹھنے کی ضرورت ہے
عوام فوج کے شانہ بہ شانہ کھڑی ہے، مسلح افواج کی پیشہ ورانہ صلاحیتوں پر فخر ہے
کراچی ( )پاسبان ڈیموکریٹک پارٹی کے چیئرمین الطاف شکور نے کیڈٹ کالج پر ہونے والے بزدلانہ اور سفاکانہ حملے کی شدید ترین الفاظ میں مذمت کرتے ہوئے کہا ہے کہ معصوم طلبہ اور اساتذہ پر حملہ، قومی سانحہ ہے۔ سلطنت کے ستونوں کو دشمن سے یکجان ہو کر نمٹنے کے لئے سر جوڑ کر بیٹھنے کی ضرورت ہے۔ دشمن کے عزائم خاک میں ملائے بغیر ملک ترقی نہیں کر سکتا ہے۔ ملک دشمن عناصر اور صفوں میں موجود غداروں کو نشان عبرت بنا دیا جائے۔ عوام کو اعتماد میں لئے بغیر دشمن سے لڑنا ممکن نہیں ہے۔ عوام فوج کے شانہ بہ شانہ کھڑی ہے۔ قوم کو مسلح افواج کی پیشہ ورانہ صلاحیتوں پر فخر ہے۔ ملک کی حفاظت کے لئے جان دینے والے شہداء اور ان کے اہل خانہ ہمارے دلوں میں رہتے ہیں۔ ملک کا امن و سکون برباد کرنے والے عناصر کے ساتھ کوئی رعایت نہ برتی جائے۔ تعلیمی اداروں کی سیکیورٹی کو مزید مؤثر بنایا جائے۔ پوری قوم اللہ تعالیٰ کے حضور شکرانے کے لئے سر بسجود ہوجائے کہ حملے میں کالج کے تمام طلباء محفوظ رہے#
