ڈپٹی کمشنر ضلع کورنگی مسعود بھٹو کا کورنگی میں واقع المصطفی ویلفئیر کا دورہ۔
محمد اکرام راجپوت (صدر کاٹی),دانش امان (چئیرمین PTA) , زاھد حمید(معروف بزنس مین)، عصمت اللہ (مختیارکار ھیڈ کوارٹر کورنگی) اور دیگر بھی ھمراہ تھے۔
ڈی سی کورنگی مسعود بھٹو نے المصطفی یتیم خانہ، شیلٹر ھوم (برائے بزرگ)، اسکولز، گرلز کالج اور نو تعمیر شدہ عمارت (برائے گرلز) کا تفصیلی معائنہ کیا۔
عبدالغفار سعیدی نے ڈی سی کورنگی کو مکمل بریفنگ دی ۔
ڈی سی کورنگی بچوں میں گُھل مل گئے اور بالخصوص وہاں پر موجود بزرگوں سے بات چیت کی اور انکی خیریت بھی دریافت کی۔
اس موقع پر ایک پُروقار تقریب کا انعقاد بھی کیا گیا۔ جس میں بورڈ کے امتحانات حفظِ قرآن کے امتحانات میں نمایاں کامیابی حاصل کرنےطلباء میں سرٹیفکٹ اور گفٹ ھیمپرز بھی دییے گئے۔
تقریب میں المصطفی ویلفئیر کے طالبِ علم( شاہ زیب جنھوں نے ساتویں قومی چیمپئن شپ میں پہلی پوزیشن اور گولڈ میڈل حاصل کیا) کو اعزازی شیلڈ اورکیش انعامات بھی دئیے گئے۔
اس موقع پر ڈپٹی کمشنر ضلع کورنگی مسعود نے خطاب میں المصطفی ویلفئیر کی پوری ٹیم کی کوششوں کو شاندار الفاظ میں خراجِ تحسین پیش کیا ،اور اپنی جانب سے بھرپور تعاون کی یقین دہانی بھی کرائی۔
انھوں نے قومی چیمپئین شپ میں پہلی پوزیشن اور گولڈ میڈل حاصل کرنے والے شاہ زیب کو بہت مبارکباد دی۔
اس موقع پر احمد رضا طیب، فرحان اشرفی، حاجی ملک عبدالغفار ، سید جواد اور دیگر بھی موجود تھے۔
