ایگزیکٹو ڈائریکٹر SZABIST ZABTech، محترمہ وحیدہ محیسر نے اپنی ٹیم کے ہمراہ صوبائی وزیر برائے جیل خانہ جات، ورکس اینڈ سروسز، جناب حاجی علی حسن زرداری سے ملاقات کی۔ ملاقات کے دوران خواتین جیل اور کم عمر قیدیوں کی جیل کے قیدیوں کے لیے ٹیکنیکل و ووکیشنل ایجوکیشن اینڈ ٹریننگ (TVET) پروگرامز کے اجراء پر تبادلۂ خیال کیا گیا، تاکہ انہیں ہنر مند بنا کر معاشرے کے مفید اور فعال شہری بنایا جا سکے۔
مزید برآں، ZABTech کی ٹیم نے اپنے تربیت یافتہ نوجوانوں (Trainees) کے لیے ورکس اینڈ سروسز ڈپارٹمنٹ میں آن جاب ٹریننگ کے مواقع فراہم کرنے کی تجویز پیش کی۔
معزز وزیر نے ان اقدامات کی بھرپور حمایت اور تعاون کا یقین دلایا اور کہا کہ حکومتِ سندھ سماجی و معاشی بہتری کے لیے ایسے عملی منصوبوں کی حوصلہ افزائی کرتی ہے۔
